Te fundit
Shembull i mjekut humanist/ Ndahet nga jeta në moshën 77-vjeçare ish- kryebashkiaku i Pukës, Ndue Cara
20 Qershor 2025, 07:38Politika
TEMA
Është ndarë nga jeta në moshën 77-vjeçare Ndue Cara, ish-kryebashkiaku i Pukës dhe një nga figurat më të njohura të shëndetësisë në veri të vendit. Pas një përballjeje të gjatë me një sëmundje të rëndë, Cara ndërroi jetë duke lënë pas një trashëgimi të çmuar si mjek dhe drejtues institucioneve publike.
Ndue Cara ka qenë një ndër të paktët kryebashkiakë që qëndroi në Pukë edhe pas përfundimit të mandatit. Ai vijoi të kontribuonte në shërbimin shëndetësor duke vizituar pacientë edhe nga zyra e tij si kryetar bashkie.
Me një karrierë të gjatë në drejtimin e disa institucioneve shëndetësore, Cara ishte i njohur për përkushtimin e tij ndaj komunitetit. Edhe në moshë pensioni, ai nuk u shkëput nga mjekësia, por zgjodhi të shërbente në zonat më të thella të vendit.
Prej afro 10 vitesh, Ndue Cara jetonte në një kontejner në zonën e thellë të Fierzës, ku ofronte ndihmë mjekësore për banorët e fshatrave të izoluara, duke u bërë simbol i përkushtimit dhe humanizmit.
Largimi i tij lë një boshllëk të madh në komunitetin pukjan dhe më gjerë.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
BRAVO: Te lumte ishalla kete gjestin tende humanitare ua ke trasheguar te gjithe mjekevet dhe doktorave qe te punojne pa hile bravo