Te fundit
SPAK dhe ambasadorët të shantazhueshëm nga Berisha
17 Mars 2026, 13:10Politika
Nga Vilant Xhori
Ditë më parë ambasadat gjermane, britanike dhe holandeze nxituan të kritikojnë maxhorancën për mosdorëzimin e imunitetit të Belinda Ballukut. Kjo sepse në një demokraci funksionale, kërkesa e drejtësisë për të hetuar zyrtarët duhet të trajtohet pa hezitim dhe pa kalkulime politike. Refuzimi për të bashkëpunuar me drejtësinë është gjithmonë një sinjal alarmi për shëndetin e shtetit ligjor.
Por, problemi shqiptar nuk qëndron vetëm te qeverisja e Edi Ramës. Në fakt, reduktimi i krizës politike shqiptare në një çështje të vetme – autoritarizmin e Ramës – është një thjeshtim i rrezikshëm. Edi Rama është një kryeministër shumë i kritikuar. Për më tepër, qeverisja e tij ka prodhuar mjaft episode që ushqejnë perceptimin e një stili gjithnjë e më vertikal dhe dominues të pushtetit. Për më keq, rotacioni politik në Shqipëri është i vonuar.
Problemi madhor është se sot nuk ka një alternativë reale që ta zëvendësojë atë. Këtu fillon hipokrizia e madhe e shumë aktorëve ndërkombëtarë dhe institucionalë që veprojnë në Shqipëri. Sepse kriza e opozitës nuk është një fenomen natyror. Ajo është prodhuar me vetëdije dhe është mbajtur dhe po mbahet peng nga një figurë që refuzon të largohet nga skena politike: Sali Berisha.
Edhe më shqetësues është fakti se institucionet që duhet të jenë më të forta – si SPAK – por edhe përfaqësuesit ndërkombëtarë që kanë investuar shumë në reformën në drejtësi, kanë dhënë herë pas here shenja të një lloj stepjeje, tërheqjeje apo shantazhimi përballë agresivitetit të Berishës.
Berisha ka ndërtuar prej vitesh një strategji të thjeshtë: sulm frontal, gjuhë e dhunshme politike dhe delegjitimim personal ndaj kujtdo që i kundërvihet apo nuk pajtohet me të. Ai ka sulmuar ambasadorë, diplomatë, prokurorë dhe gjyqtarë me një gjuhë që në çdo vend normal do të konsiderohej skandaloze për një ish- president dhe ish-kryeministër. Ai ka sulmuar hapur ambasadoren amerikane Yuri Kim. Së fundmi sulmoi edhe ambasadorin e Bashkimit Europian. Por ajo që bie në sy nuk është vetëm agresiviteti i tij sepse kjo është tashmë pjesë e repertorit të tij politik. Shqetësues është reagimi i zbehtë që këto sulme kanë marrë. Kjo i ka krijuar bindjen se strategjia e tij funksionon.
Ambasadorët heshtin kur ai i sulmon personalisht. Heshtin edhe kur ai përjashton figura brenda opozitës që përpiqen të propozojnë alternativa të reja politike. Heshtin edhe kur shkelet hapur statuti i partisë që ai drejton, i cili parashikon qartë dorëheqjen e parevokueshme të kryetarit pas humbjes së zgjedhjeve. Ambasadorët nuk mund të fshihen pas justifikimit komod se këto janë “probleme të brendshme të partive politike”. Sepse kur një lider bllokon qëllimisht rinovimin e opozitës dhe e mban atë peng për interesat e veta personale, kjo nuk është më një çështje e brendshme partie. Kjo është qartësisht një ceshtje e hapur demokracie.
Edhe në raport me drejtësinë, situata është po aq paradoksale. Berisha ka qenë ndoshta politikani që ka sulmuar më ashpër SPAK-un, prokurorët dhe gjyqtarët e reformës në drejtësi. Ai i ka akuzuar, i ka kërcënuar politikisht dhe i ka delegjitimuar publikisht. Megjithatë, në mënyrë të çuditshme, në disa raste duket sikur presioni i tij ka prodhuar efekt. Masat e sigurisë ndaj tij dhe ndaj dhëndrit të tij janë lehtësuar në raport me pritshmëritë që u krijuan fillimisht nga hetimet e SPAK. Kjo krijon një perceptim të rrezikshëm në publik: se agresiviteti politik mund të funksionojë si mjet presioni mbi drejtësinë. Nëse kjo perceptohet si e vërtetë, atëherë dëmi për reformën në drejtësi është shumë më i madh se çdo vendim i vetëm gjykate. Kjo sepse drejtësia nuk duhet vetëm të jetë e pavarur; ajo duhet edhe të duket e tillë.
Në fund të fundit, problemi kryesor i Shqipërisë nuk është vetëm një qeveri që akuzohet për arrogancë pushteti. Problemi më i madh është një opozitë e bllokuar nga një lider që refuzon të largohet dhe që vazhdon ta trajtojë partinë si pronë personale.
Kjo është nyja reale e krizës politike shqiptare. Sepse një opozitë që nuk rinovohet nuk prodhon alternativë. Një opozitë që drejtohet nga një lider i shpallur non grata nga aleatët kryesorë të vendit nuk prodhon besueshmëri. Dhe një opozitë ku çdo figurë që tenton të dalë jashtë hijes së kryetarit përjashtohet, nuk prodhon shpresë.
Në këtë mënyrë funksionon paradoksi shqiptar: një qeveri që konsumohet nga pushteti, por që mbetet në pushtet sepse përballë saj nuk ka një alternativë të besueshme. Prandaj ambasadorët dhe institucionet e drejtësisë nuk mund të shohin vetëm njërën anë të problemit. Sepse kriza e demokracisë shqiptare nuk vjen vetëm nga pushteti që zgjat shumë, por edhe nga opozita që nuk pranon të ndryshojë. Dhe për sa kohë opozita mbetet peng e një lideri që refuzon të largohet edhe pas humbjeve të njëpasnjëshme, rotacioni do të mbetet një slogan politik, jo një mundësi reale.
9 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Saliu e ka prone Spakun, nderkohe qe ambasadori gjerman me fanatizem mbron Spakun, ora Saliun. Urojme qe Usa te bindet shpejt per kete karshillek gjerman te dordolecit Merz.
Ditë më parë ambasadat gjermane, britanike dhe holandeze nxituan të kritikojnë maxhorancën për mosdorëzimin e imunitetit të Belinda Ballukut. Kjo sepse në një demokraci funksionale, kërkesa e drejtësisë për të hetuar zyrtarët duhet të trajtohet pa hezitim dhe pa kalkulime politike. Por kur Berisha kercenon Spakun dhe gjyqtare te vecanta, jo vetem qe Spaku nuk reagon edhe pse ka detyrim qe te zbatojne ligjin i cili me Kushtetute eshte i barabarte per te gjithe, por edhe ambasadoret heshtin duke dhene sinjalin qe kete here ne nje demokraci funksionale, mos reagimi i drejtësisë për të hetuar zyrtarët nuk perben problem edhe kur behet fjale per nje vrases serial! Ambasadore, shkoni beni shurren sepse jeni qesharake!
Ore zoteri qe ke shkruar kete shkrim pak me lart mos u hiq kaq naiv eshte S.P.A.K ai qe i mban ison kriminelit Sali ,sepse ai e ka blere ate ,kete duhet te shikoje D.A.SH i U.S.A dhe jo ato qe shkruan zotrote.Me drejtesine e re Saliu duhej te ishte te 313 mbrapa hekurave dhe jo te pelliste rrugeve te Tirones si gamor Peqini.
E drejte kjo qe thua prandaj dhe Rama e ka me kollaj me Saliun...ne fund ne Bruksel i thone "Bej cte duash se eshte gjyshi!"
Ne Spak punojn zagaret dhe qent e Saliut, kjo nuk ka nevoj per koment,keta kriminel po lincojn me urdher te tij zyrtaret e qeveris.
Ore, që të jem i qartë: maxhoranca mori vendim që të ndërpriten hetimet dhe deputetja fitoi pafajësi, apo vetëm u kufizua kërkesa e prokurori për ta përndjekur me kufizim lirie dhe ndalim? A u bë ndonjë shkelje e ligjit nga maxhoranca në vendimin politik që mori? pa, përrallat se politika duhet t'i dorëzohet drejtësisë, pa argumenta të arësyeshëm, që të quhet funksionale nuk shkojnë, veç për truthare. Politika e bën ligjin, jo ligji, politikën, kjo është një aksiomë që bëhet sikur harrohet edhe pse - e vlrtetë. Sa i takon dhunshmërisë ajo është relative; një pushtet me një opozitë të pazonjën ashtu duket, e dhunshme dhe i duhet të vet korigjohen nga vërejtjet e opinionit, por gjithsesi, ambasadat nuk kanë asnjë të drejtë të ndërhyjnë, të mbajnë shënim, krah... etj, për vendimet që merr parlamenti i vendit ku janë rezidentuar; as se do të jetë, as se nuk do të jetë kusht për një opinion të caktuar. Ka Forume dhe mënyra diplomatike për tu shprehur; megjithëse asnjë përfaqësi nuk tha që vendimi ishte i pa ligjshëm.
Z.Sali Berisha ne 35-vitet e politikes ka bere sic ka dashur.Ai nuk ndalet para askujt dhe kjo e ka bere efektin e vet.Mazhoranca dhe Edi Rama me leshimet qe ka bere ka krijuar per vete nje "jete komode".Po kush na sugjeron kete "drejtesi te kulluar"?Na i perkrah njeriu me i koruptuar dhe me kriminel.Po Europa "anti korupsion" pse e pronon nje te denuar me vendim te formes prere si deputet?Po kjo Europe Ku e ka deputeten qe u kap me valixhe me euro a e ka ne paraburgim?Po per K/ministrin Cek qe nuk ju hoq imuniteti nga parlamenti tij ,a ka folur?Po per K/ministrin Spanjoll ,qe i jane bere disa akuza,pse nuk kerkon ta paraburgosin?Perfaqesuesit e vendeve europiane thone beni sic themi ne por jo si bejme ne.Ata me qendrimin e tyre as mish e as peshk i kane dhe e japin mundesi Z.Sali Berisha ta bllokoj cdo perparim te Shqiperise e per ta bere shesh lufte kunder njeri tjetrit.Europa keshtu ka qene e keshtu do te jete.Ne do te zvaritemi ne Europen e "bukur e te ndershme" si cifuti ne shkretetire ,deri sa te dale ndonje djale shqiptar per ta vendosur ne vendin qe i takon mes kombeve te qyteteruar.
I paske qr Chat GTP me shkrimin o Vilanti anonim
Plotesisht dakort me shkrimin nuk i heq asnje presje Saliu eshte bere tym se nuk e pyet me njeri dhe i themi ne andej nga jugu( kur smund gemarit i bie samarit).Ky njeri qe ka shkaterruar cdo gje ne kete vend kerkon me force vemendje nga nderkombetaret per te mbuluar vjedhjet galobante me familjen e tij hajdute. Njeriu e shikon dhe veten ne pasqyre eshte katandisur nje plak i shpifur qe trem dhe sorrat jo njerezit.Ky mbron familjen dhe pret ti bien k...o..dashit qe te vije ne pushtet . Prandaj u sulet nderkombetareve pse nuk ndihmoni per rrotacionin qe jam une se qeverrija eshte e korruptuar.Pasi i ka kopsitur me Spakun e Gjin deputetit e Prokurorit Ndoi deputet te lidhur me krimin qe i shpetoi atentatit, Ne bashkepunum me njeri tjetrin ne zyrat qe pergatisnin Babalet pergatisin e selktojne ministrat e zvenes kryeministrat,kryetar bashkishe duke i mbajtur pa prova ne burg,Saliu qe ka provat sheshit nuk preket se e mbron drejtesia e plepave qe nuk eshte pastruar akoma. Pasi sulmoi me bomba molotov istitucionet e shtetit dhe nuk e mundi dot Ramen qe e shpallte sot ka naten apo diten e fundit ne pushtet etje.. plaku i rrudhur per te mbajtur prane vetes pesedhjet vete molotoviste dhe pasi ka share me liber shtepie cdo kundershtare ne kete vend,kthehet e shan cdo nderkombetar. Populli qe di te votoi zgjeth te keqen me te vogel qe eshte Rama.