Tabaku reagon ndaj Komisionit 'Xhafaj': Dobëson kontrollin parlamentar dhe kufizon rolin e opozitës

Deputetja e Partisë Demokratike, Jorida Tabaku, reagoi pas deklaratës së kryetarit të Komisionit për Nismat Qytetare, Bashkëpunimin dhe Mbikëqyrjen Institucionale, Fatmir Xhafa, lidhur me raportimet në Kuvend dhe referimin që ai i bëri një raporti të Parlamentit Europian për Shqipërinë.

Tabaku sqaroi se dokumenti i përmendur nga Xhafa nuk është një raport i miratuar nga Parlamenti Europian. Sipas saj, bëhet fjalë për një draft-rezolutë të propozuar nga raporteri Andreas Schieder, e cila sapo ka hyrë në diskutim në Komisionin e Jashtëm (AFET) dhe pritet të debatohet në vijim.

Deputetja e opozitës theksoi se problemi real në Shqipëri mbetet funksionimi i Kuvendit si një institucion që, sipas saj, prej vitesh ka humbur rolin e tij kontrollues ndaj qeverisë. Ajo theksoi se në vend që të forcohet kontrolli parlamentar, ndryshimet e propozuara në rregulloren e Kuvendit po çojnë në përqendrimin e raportimeve të institucioneve të pavarura në një komision të vetëm.

Sipas Tabakut, këto ndryshime do të thonë se drejtues të institucioneve të rëndësishme, si SPAK, Autoriteti i Mediave Audiovizive apo Banka e Shqipërisë, nuk do të raportojnë më në komisionet përkatëse parlamentare dhe as në seancë plenare, por vetëm në një komision të vetëm, të cilin ajo e cilësoi si “superkomision”.

“Po krijohet një ‘komision mbi komisionet’, që centralizon kontrollin dhe dobëson rolin e Kuvendit”, u shpreh Tabaku.

Ajo shtoi se propozimet e reja synojnë gjithashtu heqjen e raportimit institucional në seancë plenare, çka sipas saj kufizon mundësinë e deputetëve, veçanërisht të opozitës, për të bërë pyetje dhe për të ushtruar kontroll real parlamentar.

Në përfundim, Tabaku theksoi se pas shumë vitesh të një Kuvendi që, sipas saj, është kthyer në noter të vendimeve të qeverisë, ndryshimet e reja rrezikojnë të shkatërrojnë një traditë parlamentare të konsoliduar dhe të krijojnë një model institucional që nuk përforcon demokracinë parlamentare, por përqendron më tej kontrollin politik.

Pasojat e luftës në Iran, a do rikthehet bordi i naftës? Flet deputeti i PS: Ka disa skenarë

14:15 Politika 1 koment

Presidenti Begaj dekreton ndryshimet në kabinetin qeveritar

14:10 Politika 1 koment

Berisha thirrje qytetarëve: Në 12 Mars të bashkohemi në kryengritje (VIDEO)

13:45 Politika 19 komente

Mbikëqyrja parlamentare e institucioneve të pavarura, Fatmir Xhafaj: E kërkon edhe Parlamenti Europian

12:45 Politika 2 komente

Xhelal Mziu këshilla Trump: Kujdes te ngushtica e Hormuzit

12:00 Politika 16 komente

Molotovë në protestën e opozitës, reagon Ambasada Amerikane: Aktorët politikë të refuzojnë dhunën

11:55 Politika 4 komente

ANALIZA: Përse PD-ja nuk shpëton dot nga gjuha linçuese dhe polarizuese?

11:30 Politika 14 komente

'O ju qr o plehra të pafytyrë' - Shpërthen Paloka: PD do jetë në rrugën e duhur kur t’ju pastrojë juve… (FOTO)

10:40 Politika 32 komente

Manjani: Kur gjykata bëhet edhe prokuror, drejtësia humb paanësinë

10:30 Politika 21 komente

“Zgjatja e arrestit në shtëpi për Sali Berishën, masë antikushtetuese”, Gjykata Kushtetuese zbardh vendimin për kreun e PD-së

09:38 Politika 16 komente