Te fundit
VIDEO/ Edi Rama nxjerr sozien e Inteligjencës artificiale, pastaj mban fjalimin e fundvitit. Shqipëria doli nga tranzicioni!
31 Dhjetor 2023, 19:21Politika
TEMA
Kryeministri Edi Rama ka uruar të gjithëve shqiptarët për Vitin e Ri 2024. Përmes një video-mesazh në rrjetin social, Facebook, Rama ndau një mesazh urimi.
Kreu i qeverisë i uroi shqiptarët për një mbrëmje të gëzuar me mundësi të reja për realizimin e ëndrrave dhe përmbushjen e shpresave.
Urimi i kryeministrit Edi Rama për Vitin e Ri 2024
Ky që po mbyllet ishte një tjetër vit i një kohe ndryshimi marramendës për njerëzimin, ndryshimi më marramendës i historisë njerëzore – ku progresi teknologjik ka hyrë në një shpejtësi të paimagjinueshme deri pak vite më parë. Po një gjë është e sigurtë. Teknologjia as nuk na e merr dot, kohën që na është dhënë në këtë tokë me nënën, babën, fëmijët, familjen, rrethin e njerëzve të dashur, as nuk na i zëvendëson dot ata që duam e na duan, bashkë me vendin ku jemi lindur e ku flasim gjuhën e nënës.
Na takon ne të bëjmë më të mirën me këtë kohë që na është dhënë dhe sonte, unë ju uroj gjyshërve, nënave e baballarëve, fëmijëve e fëmijëve të fëmijëve, nipave e mbesave, të gjithë shqiptarëve kudo ku janë, një mbrëmje të gëzuar në tavolinën e festës së madhe të këtij fundviti dhe një Vit të Ri siç jua do zemra, shëndet, paqe e dashuri, e me mundësi të reja për realizimin e ëndrrave dhe përmbushjen e shpresave.
Ky ishte padiskutim viti më i mirë i Shqipërisë; besimi tek Shqipëria u rrit ndjeshëm, flamuri ynë u duk më bukur se asnjëherë në skenën ndërkombëtare, ndërsa vendi ynë u vizitua më shumë se në çdo vit tjetër më parë nga njerëz që erdhën nga e gjithë bota.
Ky ishte viti i hyrjes së Shqipërisë me dinjitet në hartën turistike të Europës; të ardhurat dhe siguria e Shqipërisë u rritën gjithashtu, bashkë me investimet e brendshme e të huaja, që arritën shifrën më të lartë ndonjëherë, njësoj siç u fuqizua monedha jonë, e cila nuk ka qenë kurrë më e fortë sesa sot; rritja e pagave vazhdoi për të mos u ndalur vitin e ardhshëm, kur do të arrijmë në 900 Euro nivel të pagës mesatare në sektorin publik dhe do të kemi një rritje rekord të pagave në sektorin privat…
Por kjo nuk është dita e as ora për t’ju folur më gjatë për shumë gjërat e mira që u bënë këtë vit…
Madje ky është momenti për t’ju falenderuar thellësisht nga zemra për sa shumë më keni inkurajuar, mbështetur, po edhe duruar në aq shumë herët që ju jam shfaqur gjatë vitit në ekranet tuaja pa ju marrë leje, dhe për t’ju siguruar se jam shumë i vetëdijshëm, edhe për gjërat që s’kanë shkuar mirë, edhe për shumë gjërat që duhen bërë më tutje…
Çka kemi bërë deri këtu nuk do të kishte asnjë vlerë nëse do të ndalej këtu, por edhe me kaq e ka një vlerë të madhe për besimin se ky vend më në fund po bëhet; se ky vend ka dalë më në fund nga kthesa e gjatë dhe e vështirë e tranzicionit të mundimshëm; se këtë vend po e bëjmë ne, shqiptarët e kësaj kohe, të gjithë bashkë, hap pas hapi, duke ecur gjithnjë e më shpejt, e duke mësuar se si t’i bëjmë gjërat gjithnjë e më mirë.
Shqipëria Zonjë, nuk është më një amanet i penguar qysh prej kohës së rilindasve tanë, po është tanimë misioni ynë krejt i mundur; një realitet që ka nisur të marrë formë dhe është bërë i arritshëm me sy, si më e mira që është e gjitha përpara nesh!
4 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Gezuar, lart e me lart vendi im i dashur! Nga emigracioni Besa
Po po luaj Fifa ti....ta zberthyen hakerat shtetin....meqe thua cdo gje online si na e shpjegon qe administrata eshte shtuar?
Po ky eshte mashtrues ordiner fare ,ore po pse nuk funksionon E-albania ,pse jane zhdukur pensionet e pa terhequra o hajduter
Edi, jepi perpara, pastro korrupsionin brenda rradheve ne qeverisje (ti mund ta besh hapin e pare para se ta beje drejtesia, dergoi vete per hetim ata qe jane te perfolur. Keshtu mund te drejtosh me mire e me gjate per te miren e vendit. Mos u ndiko nga thirrjet per te leshuar detyre, largohu vetem pasi te futemi ne BE. Mos haro se Koreja e Jugut, Singapori dhe ndonje tjeter vend i suksesshem ja arriten me udheheqje largpamese dhe disi afatgjata. Zoti te dhente shendet e mendje te kthjellet ta cosh Shqiperine atje ku meriton. Ne njohemi nga larg, dhe personalisht kam indirekt eksperience jo pozitive nga drejtimi yt, por e verteta eshte ajo qe shkrova me siper, gjate punes ka edhe gabime, jo te gjithe mund te kenaqen, por eshte e padrejte te mos vleresohet suksesi dhe emri qe i ke dhene atdheut ne arenen nderkombetare.