Te fundit
VIDEO/ TEMA KOMENT: Berisha duhet të mbështeste rritjen e pagave, jo të sulmonte rrogat e larta të zyrtarëve
3 Shtator 2025, 15:55Politika
TEMA
Si kreu i partisë opozitare më të madhe në Shqipëri, Sali Berisha është në të drejtën e tij ta kritikojë qeverinë për gjithçka.
Pavarësisht se misioni i opozitës nuk është vetëm kritika, por edhe alternativa, sërish një opozitë që flet për problemet ekonomike të qytetarëve, është më e dobishme se sa një opozitë që flet vetëm për hallet e veta personale.
Mirëpo, kur vjen fjala te një drejtues opozite si Berisha, i cili nuk mund të shkëpusë hallet e tij me drejtësinë nga hallet që shqiptarët kanë në jetën e përditshme, atëherë problemi komplikohet.
I ardhur nga një trashëgimi e errët e komunizmit, edhe gjuha publike që përdor Berisha nuk mund të jetë ndryshe.
Ndonëse arsyeja e sulmit të tij ndaj kreut të SPAK-ut është e njohur nga se motivohet, linçimi i Dumanit për shkak të diferencës së pagës është kryekëput enverizëm.
Berisha u mundua të krijonte idenë e kontrastit, por zyrtari i marrë në shqyrtim prej tij është rast i papërshtatshëm, jo vetëm për konfliktin e interesit që Berisha ka me Prokurorinë e Posaçme, por edhe për shkak të mënyrës së sulmit që të kujtonte logjikën e diktaturës, e cila urrente të pasurit dhe bejlerët, që u kishin pirë gjakun popullit, edhe për shkak të pasurisë së tyre.
Një drejtues i një partie të djathtë nuk duhet ta ndërtojë ligjërimin e tij mbi urrejtjen për shkak të pagës së lartë. Përkundrazi, ai duhet të japë alternativën e forcës së tij politike se si edhe për qytetarët e zakonshëm do të ngrejë jo vetëm nivelin e pagës minimale, por edhe nivelet e tjera, sipas kategorisë, vjetërsisë dhe eksperiencës.
Ndërkohë që do duhet të bënte këtë, Berisha tregon me gisht dhe i bën llogaritë si ata llafazanët e papunë të lagjeve që përgjojnë dhe përflasin këdo që kalon poshtë pallatit të tyre, sepse s’kanë me çfarë të merren tjetër.
4 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Cfare prisni nga kryekrimineli dhe kryehajduti Salih Berisha, qe Gjykata e Apelit i ktheu flamurin, vulen dhe seline e PD-se?!
E natyrshme qe nje shkrim i tille pacavure ka turpin e sherbetorit te pushtetit dhe nuk ve poshte tij emer-mbiemer.
Eshte artikull pacavure qe nuk e ve emrin se kush e ka shkruar. Kjo tregon se keto patronazhistat e ripjelljes, keto bedela pa shtylle kurrizore dalin dhe llomotisin ne publik.
Rrogat e zyrtareve te larte dhe atyre qe perballen me korrupsionin dhe krimin duhet te jene te larta. Pra nuk duhet te kete rroga poshte 8 mije Euro ne muaj. Por nga ky moment nese ben korrupsion apo perfiton ndeshkimi duhet te jete I ASHPER dhe I shpejte. Kjo eshte e vetmja menyre per te thithur talented dhe mos lejuar qe te aftet ti largohen punes ne shtet dhe Shqiperi. Ndryshe maskarenjte dhe te pa aftet do afrohen ne qeverisje.