Te fundit
Vizita e Bill Clinton në Tiranë, Policia publikon planin e masave, disa rrugë të bllokuara
3 Korrik 2023, 09:03Politika
TEMA
Në kuadër të vizitës në Shqipëri të ish-Presidentit të SHBA-së, Bill Klinton, Policia e Tiranës ka marrë një sërë masash të detajuara, duke filluar nga aeroporti i Rinasit, shoqërimi drejt Tiranës në vendet ku do të zhvillohen takimet, akomodimi dhe shoqërimi drejt Rinasit, në përfundim të vizitës.
Njoftimi i policisë:
Në kuadër të vizitës në Shqipëri, të ish-presidentit të SHBA-së, z. Bill Klinton, Drejtoria Vendore e Policisë Tiranë, me mbështetjen e Drejtorisë së Përgjithshme të Policisë së Shtetit, ka marrë një sërë masash të detajuara për sigurinë e z. Klinton, duke filluar nga aeroporti i Rinasit, shoqërimi drejt Tiranës në vendet ku do të zhvillohen takimet, akomodimi dhe shoqërimi drejt Rinasit, në përfundim të vizitës.
Një nga masat e planit të detajuar konsiston në sigurimin e rrugëkalimit të ish-presidentit të Shteteve të Bashkuara të Amerikës, z. Bill Klinton, i cili do të zhvillojë takime në datat 3 dhe 4 korrik 2023, në qytetin e Tiranës.
Në këtë kuadër, Policia e Shtetit njofton qytetarët se do të ketë bllokime të disa segmenteve rrugore, si dhe bllokime të pjesshme të disa segmenteve të tjera, në varësi të takimeve dhe aktiviteteve që do të zhvillohen gjatë këtyre dy ditëve, në Tiranë.
Drejtuesit e automjeteve të shfrytëzojnë rrugën dytësore nga Vora, për të qarkulluar në drejtim të aeroportit të Rinasit, pasi më datë 03.07.2023, nga ora 14:00 deri në orën 15:30, do të jetë të bllokuara rrugët:
Nga Rinasi - Qafa e Kasharit - Mbikalimi tek Casa Italia - nënkalimi te ish-sheshi “Shqiponja”.
Gjithashtu, këto rrugë do të jenë të bllokuara edhe më datë 04.07.2023, nga ora 13:30 deri në orën 15:30.
Rrugë të tjera që do të bllokohen janë:
Bulevardi “Dëshmorët e Kombit”, nga kryqëzimi i Ministrisë së Brendshme deri te sheshi “Nënë Tereza”, rruga “Ismail Qemali”, rruga “Papa Gjon Pali II”, rruga “Ibrahim Rugova” dhe rruga “Ukraina e Lirë”.
Policia e Shtetit kërkon mirëkuptimin e qytetarëve për masat që ka ndërrmarrë dhe do të zbatojë gjatë datave 3 dhe 4 korrik.
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Mos e eksagjeroni kte pune...Klinton ka qene dhe ne Kosove por nuk u bllokuan rruge..mos ja nxini jeten njerezve...nuk permiresoni marredheniet me Usan nese beni servilin..gjykata nuk pyet njeri andej...
Mos lini nam. E pse?
Ne raste te tilla per nje ish president sidomos amerikan normal qe do merren masa te tilla. Mos harroni qe ishte Clinton ai qe urdheroi nderhyrjen e NATO-s ne Kosove kundra masakres Serbe dhe kjo ben qe masat te jene te tilla pasi kudo ka forca te errta qe mund te krijojne ndonje situate te pa pelqyer. Nuk e di axhenden nese eshte ftuar te vije dhe bytheq*ri Albin Kurti apo jo dhe nese po a do vije apo do mbaj inat me Ramen???