Te fundit

Zgjerimi dhe Plani i Rritjes në fokus, mbahet sot në Tivat Samiti BE-Ballkani Perëndimor; Rama mes liderëve të rajonit

5 Qershor 2026, 08:15Politika TEMA
Zgjerimi dhe Plani i Rritjes në fokus, mbahet sot në Tivat Samiti

Sot, në Tivat të Malit të Zi, mbahet Samiti BE–Ballkani Perëndimor ku liderët europianë riafirmojnë partneritetin strategjik dhe angazhimin e përbashkët për ecurinë e procesit të integrimit europian të rajonit.

I pranishëm në Samit do të jetë edhe kryeministri Rama.

Takimi do të kryesohet nga Presidenti i Këshillit Europian, Antonio Costa, ndërsa do të mikpritet nga Presidenti i Malit të Zi, Jakov Milatović. Në Samit do të marrin pjesë gjithashtu Presidentja e Komisionit Europian, Ursula von der Leyen, si dhe Përfaqësuesja e Lartë e BE-së për Politikën e Jashtme dhe Sigurinë, Kaja Kallas.

Liderët do të diskutojnë mbi ecurinë e procesit të zgjerimit të Bashkimit Europian, integrimin gradual të vendeve të rajonit në tregun dhe politikat e BE-së, si dhe zbatimin e Planit të Rritjes për Ballkanin Perëndimor.


Samiti do të shërbejë për shkëmbimin e pikëpamjeve mbi sfidat e përbashkëta me të cilat përballet rajoni dhe Europa, si dhe për forcimin e bashkëpunimit në funksion të sigurisë, stabilitetit dhe zhvillimit të qëndrueshëm.

Takimi në Tivat zhvillohet në kuadër të zbatimit të Agjendës Strategjike të Këshillit Europian 2024–2029 dhe konfirmon rëndësinë që Bashkimi Europian i kushton perspektivës europiane të Ballkanit Perëndimor.

Samiti zhvillohet gjashtë muaj pas samitit të fundit të mbajtur në Bruksel.

Axhenda
11:00 Mbërritjet
12:00 Seanca plenare
13:30 Foto familjare, pushim i shkurtër kulturor
14:00 Dreka
Rreth orës 15:30 konferencë për shtyp nga Presidenti Costa, Kryeministri Milatović and Presidentja von der Leyen
16:00 Daljet dhe deklaratat për shtyp

Lini një Përgjigje

Më të lexuarat

Blog Tema

Powered by Tomorrow.io