Te fundit
Zyrtare: Ja kur do të mblidhet Kuvendi sipas rregullores së tij
8 Janar 2026, 14:50Politika
TEMA
Megjithëse opozita ka bërë pesë tentativa në fund të vitit të kaluar dhe në fillim të 2026 për të mbledhur Këshillin e Mandateve dhe Imuniteteve për kërkesën e SPAK lidhur me zv.kryemnistren Balluku, ky organ i Kuvendit nuk do të mblidhet përpara 19 janarit.
Sipas një njoftimi zyrtar Sesioni parlamentar i Kuvendit do të nisë, në përputhje me Rregulloren e Kuvendit, më 19 janar 2026.
Gjatë ditës së hënë do të bëhet i ditur kalendari i punimeve, si dhe do të nxirren urdhrat përkatës për seancën hapëse, Konferencën e Kryetarëve, Mbledhjen e Byrosë së Kuvendit, si dhe për Komisionin e Rregullores, Mandateve dhe Imunitetit.
Mbledhja e Këshillit ku do të vendoset për kërkesën e SPAK për të marrë lejen për arrestimin e zv.kryeministres, pritet të mbahet pas 22 janarit, ditë kur është parashikuar mbledhja e Gjykatës Kushtetuese e cila do të shqyrtojë një kërkesë të kryeministrit Rama për të shfuqizuar vendimin e GJKKO-së për pezullimin e zv.kryeministres nga detyra.
Edhe ditën e sotme anëtarët demokratë të Këshillit të Rregullores dhe Mandateve tentuan të mblidhen në sallën e katit të katërt të Kryesisë së Kuvendit, por e patën të pamundur për shkak se derën e gjetën të mbyllur.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Me terezi mos u nxitoni te dilni ne pune. Festojeni Vitin e Ri edhe alla turka. Jeni qe jeni festoni edhe Vitin e Ri Kinez pastaj me kismet filloni punen. Dhe thote Palloshi qe gjyqtaret pagujen shume. Po keta dertimene qe as 6 muaj ne vit nuk punojne dhe paguhen per 12 muaj, jo po duan edhe dieta, qera shpie, karburant, telefon. Apo varja keta se ngrene kartonin per qeverine.