Te fundit
Amerikanët “të shqetësuar dhe të zhgënjyer” me Albin Kurtin
27 Tetor 2022, 17:59Rajoni
TEMA
Ambasadori i Shteteve të Bashkuara të Amerikës në Serbi, Christopher Hill, ka deklaruar se është i zhgënjyer dhe i shqetësuar për vendimin e kryeministrit të Kosovës, Albin Kurti, për të mos zgjatur afatin për ri-regjistrimin e automjeteve dhe kalimin nga targat ilegale KM në ato RKS, pavarësisht thirrjeve nga SHBA, BE dhe QUINT-i.
“Qeveria e Shteteve të Bashkuara të Amerikës, së bashku me partnerët e saj ndërkombëtarë, ka kërkuar vazhdimisht nga Qeveria e Kosovës që të vazhdojë periudhën e zbatimit të ri-regjistrimit të automjeteve. Jemi të zhgënjyer dhe të shqetësuar për refuzimin e Qeverisë së Kosovës për të pranuar kërkesat dhe këshillat e partnerëve të saj më të afërt ndërkombëtarë për këtë çështje”, tha Hill në një intervistë të tij me mediumin serb Blic.
Ai shtoi se mirëpret vazhdimin e dialogut ndërmjet Beogradit dhe Prishtinës nën kujdesin e Brukselit.
“I bëjmë thirrje Kosovës dhe Serbisë që të vazhdojnë të marrin pjesë në dialogun e ndërmjetësuar nga BE-ja”, shtoi Hill.
Paraprakisht në të njëjtën mënyrë ka reaguar edhe Gabriel Escobar, i dërguari special i SHBA-së për Ballkanin Perëndimor, i cili po ashtu u ka bërë thirrje autoriteteve të Prishtinës që të shtyjnë afatin.
Serbët e Kosovës duke filluar nga 1 shtatori kanë pasur dy muaj kohë, për t’i konvertuar targat e tyre ilegale me akronime si KM, PZ, e të tjera, në ato RKS.
Gabriel Escobar, i deleguari special i Shteteve të Bashkuara të Amerikës, gjatë vizitës së tij të fundit në Prishtinë, ka kërkuar nga Qeveria e Kosovës, shtyrjen e vendimit për targat për një periudhë 10 mujore.
Sipas tij kërkesa për shtyrjen e vendimit nuk është vetëm kërkesë amerikane.
Me sugjerimin e ShBA-ve, sipas Escobar, pajtohen edhe shtetet e QUINT-it.
Në anën tjetër Qeveria e Kosovës, vazhdon të insistojë që vendimi i saj përfundon me 31 tetor.
Sipas kryeministrit të Kosovës, Albin Kurtit, Kosova merr seriozisht sugjerimet e aleatëve ndërkombëtar lidhur me shtyrjen e zbatimit të vendimit për targat, por sipas tij Kosova është për respektimin e rendit dhe ligjit.
“Andaj edhe kur partnerët, aleatët, miqtë tanë ndërkombëtar na japin sugjerime, ne ato i marrim shumë seriozisht dhe i analizojmë me kujdes”, ka deklaruar Kurti.
Më tej ambasadori veteran amerikan, ka folur edhe për propozimin franko-gjerman, duke theksuar se ShBA-të mbështesin, kornizën e re të dialogut, të cilën Albanian Post e kishte publikuar më 18 shtator.
“Është një iniciativë të cilën ne e mbështesim, si dhe çdo aktivitet të Bashkimit Evropian në dialog. Kjo është e rëndësishme për stabilitetin rajonal dhe evropian në një kohë kur po përballemi me krizën në Ukrainë dhe pjesë të tjera të Evropës”, ka shtuar ai.
Albanian Post, më 20 tetor ka publikuar skenarin e prezantuar për para-marrëveshjen Kosovë-Serbi.
Pajtimi i parë ndërmjet Kosovës dhe Serbisë, sipas këtij skenari duhet të arrihet më së largu deri me 24 shkurt. Serbia në këtë fazë s’ka nevojë ta ndryshojë Kushtetutën e saj. Njëjtë, Kosova duhet ta themelojë Asociacionin, por pa e ndryshuar Kushtetutën.
Asociacioni nuk do të jetë një OJQ, megjithatë, për momentin, nuk do të themelojë nivel të ri të pushtetit. Nëse arrihet pajtim, ka pako financiare. Nëse nuk arrihet, “shkop të rëndë” për palën penguese.Përpos këtij skenari, Albanian Post, më 18 shtator ka publikuar edhe propozimin franko-gjerman.
Sipas këtij propozimi Në vitin 2023 duhet të nënshkruhet marrëveshja e dytë për normalizim të marrëdhënieve, pas asaj të vitit 2013, me të cilën Serbia faktikisht e pranon realitetin e Kosovës shtet të pavarur, por nuk e njeh formalisht.
Në një fazë të mëvonshme, hipotetikisht pas 10 vitesh, atëherë kur BE-ja është e gatshme të zgjerohet dhe ta përfshijë Ballkanin perëndimor, arrihet marrëveshja për njohje të ndërsjellë, si parakusht i të dy shteteve për anëtarësim në BE.
Ky ishte plani i paraqitur në kornizën e re për marrëveshje në mes të Kosovës e Serbisë, i përpiluar pas angazhimit të këshilltarëve të presidentit Emmanuel Macron dhe kancelarit Olaf Scholz, të cilin e ka siguruar Albanian Post.
4 Komente
Lini një Përgjigje
Më të lexuarat
24 oret e fundit
Javen e fundit
Blog Tema
O Fore Helli. Edhe mua nuk me pelqen Albin Kurti, por jo per problemi e targave.Qendrimi juaj eshte I gabuar sepse:-organizatoret e ketyre qendrimeve estremiste serbe ne veri te kosoves Jane ne Beograd. Disa here ju, zoti Fore Helli keni mbajtur qendrim pro Beogradit. - se dyti, Kosova eshte shtet I pavarur. A e njeh ti kete pavarsi? Cdo qytetar I Rep. Se kosoves, pavarsisht nacionalitetit eshte I detyruar te zbatoje ligjet e miratuara. Keshtu dhe per targat.Ne Europe, te pakten, eshte e percaktuar Koha e qendrimin ne sejcilin shtet Europian te makinave me targa te huaja. Besoj se Keshtu duhet te jete edhe ne Amerike. Perse atehere per kosoven behet KY perjashtim. A mund te qendroje me shume se 6 muaj nje makine me targa shqiptarè ne pronesi te nje shtetasi serb ne serbi? Qendrim juaj eshte teresisht I gabuar. Se cfare interessi keni eshte punta juaj, zoti Fore Helli
Ti Hasan po i kerkon llogari Amerikes njelloj si Sali Berisha. Tregohesh mosmirenjohes dhe sheh endra ne diell. Krahason Kosoven dhe e barazon me gjithe shtetet e tjera duke u nisur nga ideja jote qe cfare pe mbreme ne ender eshte e vertet. Eeverteta eshte se Kosova nuk eshte antsare e OKB. Amerikanet po punojne per kete kurse ti po i nxjerre syte vehtes duke u sjellur si Sali Berisha….
O Hasan kari meqe eshte shtet i pavarur Kosova si mendjes tende o haasan te terheqe Amerika ushtaret dhe pastaj shkoti ti Hasan ta mbrosh kospven.
Kosova nuk eshte shtet por protektoriat i evropes dhe usas ,cfare thone ata ben kosova ,sapo serbet te sjellin tanketne kufi, vjosa dosa do filloj te bertase usa usa ku je ,,politika e tyre kunder qeverise shqiptare eshte per te ardhe keq