Te fundit
Beogradi i kërkon shpjegim Shkupit për arratisjen e ish-pjesëtarit të UÇK
15 Gusht 2024, 16:50Rajoni
TEMA
Ministri i Punëve të Brendshme të Serbisë, Ivica Daçiç, njoftoi se Beogradi kërkon shpjegim nga autoritetet e Maqedonisë së Veriut lidhur me ikjen e Blerim Ramadanit, i cili ishte arrestuar nga autoritetet maqedonase në bazë të një fletarrestimi të INTERPOL-it, të lëshuar me kërkesë të Serbisë.
Daçiq e cilësoi si “skandaloz” ikjen e Ramadanit nga arresti shtëpiak në Maqedoninë e Veriut.
“Ai është pjesëtar i UÇK-së, i cili ka kryer krime kundër serbëve në Kosovë, të cilin Serbia po e kërkon në mënyrë që të përballet me gjyq”, tha Daçiç, sipas njoftimit të Ministrisë së Punëve të Brendshme të Serbisë.
Ish-pjesëtari i Ushtrisë Çlirimtare të Kosovës u arratis nga arresti shtëpiak nga shtëpia e të afërmve të tij në Maqedoninë e Veriut. Ai ishte arrestuar muajin e kaluar nga autoritetet maqedonase në kufirin mes Kosovës dhe Maqedonisë së Veriut, në bazë të fletarrestimit të lëshuar nga Serbia.
Ramadani u arrestua më 17 korrik në pikëkalimin kufitar Jazhincë – që lidh Kosovën dhe Maqedoninë e Veriut – në bazë të një fletarrestimi të lëshuar nga Gjykata në Beograd, përmes INTERPOL Serbia, nën akuza për krime lufte.
Më 1 gusht, një gjykatë maqedonase urdhëroi që Ramadani të dërgohej nga paraburgimi në arrest shtëpiak dhe, sipas vendimit, ai është dërguar në një adresë në Shkup.
Ai ishte paraparë të qëndronte në arrest shtëpiak deri më 16 gusht.
Autoritetet serbe e akuzojnë Ramadanin se ka kryer krime lufte në rajonin e Nerodimes verën e vitit 1999, sipas Ministrisë së Punëve të Jashtme dhe Diasporës të Kosovës (MPJD).
Ramadani, sipas MPJD-së, ka qenë anëtar i Zonës Operative të Nerodimes të UÇK-së.
Gjatë një vizite në pikëkalimin kufitar të Tabanovcit më 25 korrik, ministri i Brendshëm i Serbisë, Ivica Daçiç, i kishte kërkuar Shkupit që ta ekstradonte Ramadanin në Serbi.
Çështja e ekstradimit të tij u ngrit edhe gjatë vizitës të ministrit të Punëve të Brendshme të Kosovës, Xhelal Sveçla në Shkup më 31 korrik. Sveçla deklaroi se Shkupi duhet të vendosë në mënyrë të pavarur për këtë çështje dhe akuzoi Serbinë se dëshiron të prishë raportet mes shteteve të Ballkanit Perëndimor.
Së fundi, autoritetet në Serbi kanë arrestuar edhe katër shtetas të Kosovës, të cilët Beogradi i ka akuzuar për krime lufte.
Autoritetet kosovare e kanë cilësuar si arbitrar dhe te padrejte arrestimin në Serbi të qytetarëve kosovarë për këto akuza dhe kanë kërkuar ndihmën e faktorit ndërkombëtar për lirimin e tyre.
Në fillim të korrikut, ministrja e Drejtësisë, Albulena Haxhiu, përmes një letre dërguar homologes serbe, kërkoi transferimin e shtetasve të Kosovës, që po mbahen në Serbi.
Megjithatë, Haxhiu deklaroi se vështirë se Serbia do t’i përgjigjet kërkesës së autoriteteve kosovare për ekstradimin e shtetasve të Kosovës, për shkak të mosbashkëpunimit të vazhdueshëm juridik.
Kryeministri i Kosovës, Albin Kurti, ka deklaruar se shteti i tij ka juridiksion të njohur ndërkombëtarisht mbi trajtimin e veprave që kryhen brenda territorit të saj.
Serbia, në strategjinë e vet kombëtare 2021-2026 për ndjekje të krimeve të luftës, pretendon se ka juridiksion për të vënë drejtësi për krimet e kryera gjatë konflikteve të armatosura në vitet ’90.
Kosova dhe Serbia arritën Marrëveshje për Ndihmë të Ndërsjellë Juridike, më 2013, me ndërmjetësimin e Bashkimit Evropian, por bashkëpunim mes tyre për rastet e krimeve të luftës nuk ka pasur pothuajse fare.
5 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Eh të shkretët ushtarë të UÇK-së..... . Ju tha Berisha:- Ju jeni terroristë? Dhe ja, doli fjala e tij. Të gjithë në burg...... . Ndërsa ata që bashkëpunuan me Milosheviqin, Berisha i pret si heronj..... .
O “pejan”, Pyete, sikurse Berishoviqin, edhe Ramoviqin dhe Ballkanin e tij te Hapur. Se shkjau shqiptarve te Kosoves vec mutin mund tua haj. Nuk kane pjerdh per shkjaun shqiptaret e Kosoves per qindra vite. Por cfare ti bejme Shqiperise londineze, ate na e trego.
Proverbi popullor" "Kur të këqijtë bëhen së bashku të mundin”. Por kur kësaj shtojmë ZDRAVO VV -VLEN – VMRO /MICKOJA/, SNS / VUÇIQ - DAÇIQ/ e shumë tjerë atëherë dihet se pësojnë të HERONJËT e LUFTËS DHE PAQES dhe ÇLIRIMTARËT. Kur pjerdhin nga goja Berishës fëlliqanat që vizitojnë spiunin, kriminelin dhe mikun e Milloshevqit - NON GRATA, gëzohen sepse Serbia po ua bën qefin por po harrojnë se përkundër që e ndihmuan pësuan humbje dhe u poshtruan deri në pafundësi. Këta lakej ngacmojnë ndjenjat e kombit dhe shtetit dhe përgatiten të nga UDB që të shkojnë e të gënjejnë në HAGË për Serbinë kundër UÇK-s legjendare. Por po do të vije fundi të gjithë këqijave dhe në në burg për krime për vrasje plaçkitje dhe spiunim sepse drejtësia vonon por nuk harron.
Bajloz i zi,koha punon per shqiptaret,ashtu si perandoria ruse romake ,bizantine edhe ju pjellat e karpateve ,mbaruat u fundoset si titaniku...
Te lumt Flamur Struga!