Bosnja shënon 30-vjetorin e Srebrenicës me një varrim masiv

Dhjetëra mijëra njerëz pritet të marrin pjesë të premten në përkujtimoren e 30-vjetorit dhe varrosjen masive të shtatë viktimave të identifikuara të gjenocidit në Qendrën Përkujtimore të Srebrenicës.

Ceremonia përkujtimore nderon më shumë se 8,000 burra dhe djem boshnjakë që u masakruan pasi forcat serbe të Bosnjës pushtuan zonën e shpallur nga OKB-ja si “zonë e sigurt” në Srebrenicë në korrik të vitit 1995.

Vrasjet sistematike janë klasifikuar si gjenocid nga gjykatat e Bosnjës dhe ato ndërkombëtare.

Ceremonia po ndiqet nga të mbijetuarit, të afërmit e tyre dhe personalitete nga e gjithë bota. Rreth 6,000 vetë kanë përshkuar në këmbë rrugën për në Qendrën Përkujtimore të Srebrenicës përmes Marshimit të Paqes, duke ndjekur rrugën e kundërt të asaj që morën ata që ikën nga gjenocidi 30 vjet më parë.

Qindra motoçiklistë morën gjithashtu pjesë në Moto Maratonën e përvitshme drejt Srebrenicës për të bërë nderimet e tyre.

Ndër viktimat shtatë, eshtrat e të cilëve janë identifikuar që nga përvjetori i kaluar dhe që do të varrosen këtë të premte, është edhe një grua, Fata Bektiç, e cila ishte 67 vjeçe kur vdiq.

Vajza e saj, Behija Rotiç, tha për BIRN se ndihet e qetë që më në fund nëna e saj, të cilën e kujton si një person të dashur dhe të përkushtuar, po përcillet në banesën e fundit.

“Ajo na donte shumë, ishte e dashur me të gjithë ne”, tha Rotiç.

Sipas Institutit për Personat e Zhdukur të Bosnjës, eshtrat e Bektiçit u gjetën 26 vjet pas vdekjes së saj, gjatë një zhvarrimi që u krye në qershor 2021 në fshatin Potocari, pranë Srebrenicës.

Viktimat më të reja që do të varrosen këtë vit janë Senajid Avdiç dhe Hariz Mujiç, të cilët ishin të dy 19 vjeç kur u vranë në korrik të vitit 1995.

Deri më tani, gjithsej 6,765 viktima të gjenocidit janë varrosur në Qendrën Përkujtimore të Srebrenicës. Edhe 250 viktima të tjera janë varrosur në varreza lokale, sipas dëshirës së familjarëve të mbijetuar.

Tentativa e 45-të/ Dështon sërish konstituimi i Kuvendit të Kosovës

11:35 Rajoni 4 komente

Eurodeputetja greke që tërboi maqedonasit

10:50 Rajoni 69 komente

Ngërçi politik në Kosovë, sot seanca e 45-të për konstituimin e Kuvendit

08:20 Rajoni 4 komente

Sot 30 vjet nga masakra e Srebrenicës

07:53 Rajoni 14 komente

“Jemi gati të vetmuar përballë represionit serb - këto janë 5 kërkesat tona për Prishtinën dhe Tiranën”

22:10 Rajoni 3 komente

Alarmi për “Telekom Srbija”, ekspertët: Krahu i Serbisë në luftën hibride kundër Kosovës

21:50 Rajoni 1 koment

Osmani në SHBA: Kam informacione të besueshme se Trump parandaloi një përshkallëzim të mundshëm nga Serbia në Kosovë në javët e fundit

18:58 Rajoni 7 komente

Kush e fundosi anijen greke në Detin e Kuq?

17:54 Rajoni

Zjarret në RMV! Në 24 orët e fundit regjistrohen 60 vatra. Lëndohen 18 persona, 6 dërgohen në spital

16:37 Rajoni

I riu u vdiq efektivëve në duar, shefi i Policisë në Lipjan jep dorëheqjen

16:10 Rajoni 1 koment