Te fundit
Greqi - Gjyqi për tragjedin e Tempit: Abstenimi i gjyqtares “ngrin” procesin dhe rrezikon të rifillojë nga e para
2 Prill 2026, 16:40Rajoni
TEMA
Gjyqi për videot e “humbura” të tragjedisë në Tempi ka hyrë në një fazë kritike, pas vendimit të Presidentes së Gjykatës së Kundërvajtjeve në Larisë për të paraqitur kërkesë për abstenim, një zhvillim që mund të përmbysë tërësisht ecurinë e procesit.
Tensionet shpërthyen gjatë seancës, kur avokatja Zoe Konstantopoulou hodhi dyshime mbi integritetin e procedurës, duke pretenduar se Presidentja kishte zhvilluar komunikime jashtëgjyqësore gjatë pushimit. Këto akuza u mohuan kategorikisht nga Presidentja, e cila i cilësoi si të pabazuara dhe theksoi se nuk kishte pranuar asnjë lloj presioni.
Megjithatë, përplasjet u përshkallëzuan me akuza personale dhe debate të forta mbi menaxhimin e provave. Në këtë klimë të tensionuar, Presidentja deklaroi se nuk mund të vazhdojë më gjykimin në kushte të tilla, duke theksuar se është fyer vazhdimisht. Ajo njoftoi zyrtarisht tërheqjen e saj nga çështja dhe u largua nga salla e gjyqit.
Seanca u pezullua menjëherë, ndërsa tani pritet vendimi i këshillit gjyqësor për të përcaktuar nëse abstenimi do të pranohet. Në rast se kjo ndodh, do të emërohet një President i ri dhe procesi mund të rifillojë nga e para, duke shkaktuar vonesa të mëdha.
Çështja lidhet me mungesën e pamjeve filmike kyçe nga Stacioni i Mallrave në Selanik, të cilat konsiderohen vendimtare për zbardhjen e rrethanave të tragjedisë së 28 shkurtit 2023. Në bankën e të akuzuarve ndodhen ish-zyrtarë të lartë të hekurudhave dhe përfaqësues të kompanisë së sigurisë përgjegjëse për monitorimin.
Ndërkohë, procesi i shpërndarjes së provave për mbrojtjen po ecën me ritme të ngadalta, duke shtuar edhe më shumë shqetësimet për zvarritje të drejtësisë në një nga çështjet më të ndjeshme të viteve të fundit.
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Te marin gjykatesit tane te Gerdecit dhe 21 jenarit e ta mbyllin gjyqin shum shpejt.
Kjo ceshtje kaq e ndjeshme ngjason me ate qe ndodhi ne Gerdec disa vjet me pare . Ceshtja zvarritet e zvarritet ne menyre te qellimeshme per te mos dhene drejtesi te vertete ! Si ka mundesi te fshihen provat (videot) qe zbardhin ngjarjen ?
Gjyqi po kthehet në një dramë tragjikomike me protagonistë përfaqësues të së majtës (ekstreme) në ditët më të errëta të saj dhe të djathtës qeverisëse e tronditur nga skandalet e përditshme.