Te fundit
Haradinaj mesazh Albin Kurtit: A i keni sytë në ballë – Kosova në krizë energjetike?
10 Korrik 2022, 12:45Rajoni
TEMA
A i keni sytë në ballë me pa?
Kështu ka shkruar në Facebook kryetari i Aleancës për Ardhmërinë e Kosovës, Ramush Haradinaj, duke shtuar se Kosova është në një krizë të rëndë energjetike, sado që ajo nuk vërehet në këta muaj të verës.
Sipas tij, heqja dorë nga ndërtimi i kapaciteteve energjetike me thëngjill, në kohën kur shumë shtete perëndimore po i rikthehen atij, refuzimi i pakuptimtë i gazit amerikan dhe mungesa e një strategjie energjetike për kapërcimin e kësaj krize, është alarm i kuq se me fillimin e sezonit të dimrit na presin ditë të rënda.
“Kriza globale me gazin dhe karburantet, si pasojë e agresionit rus në Ukrainë, mund ta komplikojë tej mase tregun energjetik evropian dhe mundësinë që Kosova të blejë energji gjatë sezonit të dimrit”, ka shkruar Haradinaj në Facebook.
”Kjo, ose për shkak të mungesës në treg të energjisë, ose për shkak të çmimeve të papërballueshme për Kosovën. Prandaj Qeveria e Kosovës duhet që urgjentisht ta hartojë një “plan krize” me masa konkrete për përballimin e një kolapsi të mundshëm energjetik, me pasoja të paparashikueshme për vendin”.
Prandaj Haradinaj, konsideron që është urgjente që gjatë sezonit të verës të aftësohen termocentralet e Kosovës, duke u bërë remontet e nevojshme të blloqeve të tyre dhe që menjëherë e pa vonesë të shikohet mundësia e një “marrëveshjeje krize” me Shqipërinë për shkëmbim të energjisë të jepet verës e të importohet dimrit.
“Të krijohen rezerva të naftës, benzinës dhe gazit, të liberalizohet tregu i burimeve konvencionale për ngrohje, së paku deri në mars të vitit të ardhshëm, (thëngjilli dhe lëndët drusore, të krijohet një fond emergjent për energjinë dhe ngrohjen për dimër dhe natyrisht të rikthehet çmimi i rrymës atje ku ishte”.
Deputeti i AAK-se ka theksuar se sjellja me komoditet e qeverisë sot, në raport me krizën energjetike në prag, mund të ketë pasoja katastrofike për vendin.
Më të lexuarat
24 oret e fundit
Javen e fundit
Blog Tema
Lini një Përgjigje