Te fundit
“I la në testament pasurinë shqiptarit”, detaje të reja nga krimi i dyfishtë në Greqi
8 Tetor 2025, 16:43Rajoni
TEMA
Autoritetet greke duke se kanë në dorë informacione të rëndësishme për të identifikuar vrasësin e pronarit grek dhe shqiptarit, ngjarje e ndodhur në kampingun në Finikounda.
I vetmi dëshmitar okular i masakrës, nipi i pronarit të vrarë, dha një përshkrim të detajuar të autorit të krimit të dyfishtë.
Vrasësi ishte i dobët, bjond, shumë i ri, që nuk e fliste mire gjuhën greke, u pa duke udhëtuar me shpejtësi me një skuter drejt fshatit Koryfasio, rreth 40 minuta pas krimit.
Nipi i përshkroi momentet e tmerrit duke u shprehur: “Sapo qëlloi xhaxhain tim, arrita të vrapoja shpejt. Kalova përpara kujdestarit tonë. E lashë pas meje dhe vrasësi e qëlloi.”
Motivi i pasurisë dhe testamentit
Zyrtarët e vrasjeve po hetojnë motivin që qëndron pas krimit të dyfishtë. Janë marrë tashmë deklarata nga të afërmit dhe miqtë e arkitektit 68-vjeçar, pasi dyshohet se ka pasur njerëz që kanë pretenduar pronën e tij.
Hetimi tani po kthehet në motive financiare dhe pronësore. Pronari 68-vjeçar i kampingut kishte ndryshuar së fundmi testamentin e tij, duke lënë nipin dhe mikun e tij të ngushtë shqiptar, i cili mbeti viktimë, si trashëgimtarë, shkruan "BW".
Ky detaj konsiderohet thelbësor, pasi përmbys versionet e mëparshme dhe forcon mundësinë që krimi të jetë i lidhur me mosmarrëveshje financiare.
Në të njëjtën kohë, ishte lëshuar një ofertë prej afërsisht 5 milionë eurosh për shitjen e kampingut, e cila po shqyrtohet gjithashtu si një motiv i mundshëm.
Vlen të përmendet se pronari i kampingut ishte sulmuar dy herë në të kaluarën. Rasti i parë ndodhi disa muaj më parë, kur një person i panjohur e qëlloi në tëmth me një pistoletë ajrore, ndërsa rasti i dytë përfshinte një sulm fizik brenda ambienteve të biznesit. Këto raste nuk u hetuan, por tani duket se lidhen me vrasjen e dyfishtë.
5 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Si fuksionon kampingu,,kush ka njohuri ju lutem??nuk e kam fare idene!!!!jane resort?hotel?,,apo vetem cadra,,ju lutem,,flm
Grekë hesapi. Vrasës pas shpine.
Pistolete ajrore? Ca domethene?
Syneti ose bishti qenit dhe detari jane egersuar kohe e fundit ndoshta mund te vrasin dhe veten.
Hahahah....te dy jane "shqiptare" me nena shqiptare dhe baballare minoritare! Turkofagosi dhe Detari jane mbi 50 vjec dhe me neuroza.Nuk ja vlen te ndyesh as duart me ta...