Te fundit
Ish-komandanti i FSK-së: Situata mund të eskalojë, Kurti duhet ta dëgjojë Amerikën
5 Nëntor 2022, 15:36Rajoni
TEMA
Largimi i policëve serbë të Veriut nga Policia e Kosovës dhe mbajtja e armëve mund të jetë shkas që të eskalojë situata në Veri, prandaj sipas ish-komandantit të Forcës së Sigurisë së Kosovës, Kadri Kastratit, kryeministri Albin Kurti, është dashur ta “dëgjojë Amerikën”, që vendimin për targat ta shtyjë.
“Kam frikë që mund të eskalojë situata, sepse mendoj që kryeministri i Kosovës, Albin Kurti, është dashur ta dëgjojë Amerikën që ta shtyjë vendimin për targat. Kam frikë që me shkuarjen e policisë do të ketë incidente”, thotë Kastrati për Albanian Post.
Madje sipas tij, këso situata nuk ka pasur asnjëherë pasluftës.
Ai kërkon nga institucionet e sigurisë të jenë më vigjilente, “ta shmangin më të keqen”. “Askush nuk është i vetëdijshëm se çka mund të ndodh”.
Por, si rrodhën gjërat?
Kryeministri i Kosovës, Albin Kurti, në mbledhjen e fundit të Qeverisë së Kosovës, kishte pranuar që ta shkallëzojë vendimin për targat, duke mos i konfiskuar veturat me tabela ilegale, por fillimisht duke i qortuar, më pas në një afat tjetër gjobitur.
Shkallëzimi tjetër do të jetë vendosja për dy muaj e tabelave provuese dhe vetëm pas 21 prillit të vitit 2023, Kurti tha se do të konfiskohen targat ilegale KM.
“Për tri javë duke filluar nga 1 nëntor, masa do të jetë ajo e qortimit. Më pas, deri me 21 janar do të shpërndahen gjoba. Dhe pastaj, nga 21 janari, do të kemi targa provuese për dy muaj të tjerë, pas secilës datë me 21 prill nuk mund të ketë, sepse nuk mund të lejohen targa të tjera në Republikën e Kosovës”, shpjegoi Kurti në mbledhje të qeverisë.
Kryeministri kishte pranuar se ky ndryshim vendimi po vjen, si përgjigje e qeverisë “për ndjeshmërinë e shtuar edhe ndërkombëtare sa i përket paqes dhe sigurisë”.
Megjithatë për këtë vendim të Qeverisë së Kosovës, ShBA-të, prapë kishin shprehur pakënaqësi.
“SHBA-të janë të zhgënjyera dhe të shqetësuara që Qeveria e Kosovës ka refuzuar kërkesat për të bërë çfarë i kanë kërkuar partnerët ndërkombëtarë”, thuhet në një komunikatë për media menjëherë pas vendimit të Qeverisë së Kosovës.
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Kurti ka 100 për qind të drejtë. Kosova ose është shtet ose nuk është. Nuk shtyhet më kështu. Dhe qeveria amerikane duhet ta bëjë tê qartë nëse Kosova ka të drejtë të vendosë sovranitetin e saj mbi 4 komunat serbe në veri të Kosovês apo jo. Ndryshe le t'ia lejë këto 4 komuna Serbisë. Beogradi sa herë të dojë mund t'i përdorê këto komuna si "casus belli" për destabilizimin e Kosovës. Kështu ngjan kur e vret gjarpërin me dorën e tjetrit!
Veriu i Kosovës ka ikur, tashmë është i Serbisë........ . Atje nuk paguajnë korentin, ujin, asnjë taksë vendore apo biznesi, nuk përdorin euro, por dinar, polic nga shteti i Kosovës nuk ka, marin rroga e shpërblime nga Serbia, e cila ndërton atje shkolla, kopshte, kisha, rrugë, ura, parqe etj................. . Kur u bë propozimi për ndërrim territoresh, u çuan çakejtë e Shqipërisë dhe thanë, që Thaçi dhe Edvini janë tradhëtarë. .......... . Na tani, veriu tashmë është Serbi, ndërsa në Luginën e Preshevës e morët vesh kur u bë regjistrimi para një jave. Edhe në Bujanoc e Medvegjë pak nga pak nuk do të ketë asnjë shqiptar.......................?................................ Çfarë budallëku që ishim duke bërë, tha Vuqiqi............. . Ja , Veriun e morëm pa pasur nevojë për ndërrim............. . Politikë dritëshkurtër e shqiptarëve në të dy anët e kufirit......... . Tani do të kishim marë Luginën e Preshevës....
Ne cilin fjalor te shqipes dhe ne cilin dialekt eshte kjo fjala "Eskaloj" se plasa spo e kuptoj titullin. JuPjerdhshaDiplomen