Te fundit
Komandanti i KFOR-it: Ne e shmangëm masakrën në veri, shpëtuam 15 policë të Kosovës
21 Qershor 2023, 11:19Rajoni
TEMA
“Falë profesionalizmit të ushtarëve të KFOR-i të cilët zbatuan rregullat e angazhimit në mënyrën më korrekte, u shmang një masakër. Ne arritëm të shpëtojnë 15 policë të bllokuar në turmë”. Kështu tha gjeneralmajor Angelo Michele Ristuccia, komandant i misionit i KFOR-it në Kosovë në një intervistë për agjencinë italiane të lajmeve.
“Arsyeja pse situata nuk u përshkallëzua më 29 maj ishte fakti që ishim të përgatitur shumë mirë. Ushtarët tanë vepruan me shumë profesionalizëm. Dëshiroj të shpreh mbështetjen time të plotë për ushtarët e plagosur dhe familjet e tyre”, shtoi ai.
Ai ka theksuar se ushtarët e KFOR-it penguan të dy palët të përplaseshin, duke shtuar se “ne synojmë të përballemi me çdo lloj rrethane dhe për këtë kemi marrë forca shtesë”.
“Ne jemi të organizuar, të trajnuar dhe të pajisur për të përballuar të gjitha sfidat që lidhen me kryerjen e detyrës. Për këtë, falë përgatitjes së ushtarëve tanë, ne kemi mundur që më 29 maj të parandalojmë që situata të përshkallëzohet më tej dhe të vajtojmë për të vdekurit në terren”, ka përsëritur komandanti.
Megjithatë, Ristuccia tregon se shumica e qytetarëve demonstruan në mënyrë paqësore në Zveçan më 29 maj.
“Ky akt frikacak i dhunës kundër ushtrisë sonë u krye nga një numër i vogël i personave të dhunshëm që përdorën çdo mjet për të bërë dëm”.
Aktualisht, ai ka shtuar se “situata është shumë komplekse”, e tensionuar dhe e paqëndrueshme.
“Incidente të tilla kishin ndodhur në vitin 2004. Prandaj, në të kaluarën janë arritur shumë rezultate pozitive dhe fakti se numri i trupave të KFOR-it ka rënë në mënyrë drastike nga viti 1999 deri në vitin 2023 tregon qartë se janë arritur shumë rezultate.
Megjithatë, për fat të keq, dinamika aktuale na shqetëson. Ne kemi nevojë që të dyja palët të qetësojnë menjëherë tensionet, për të gjetur zgjidhje vetëm me mjete politike dhe diplomaci”, saktësoi Ristuccia.
“Fakti që NATO-ja ka dërguar këtë përforcime me trupa shtesë, dëshmon për angazhimin tonë të plotë dhe seriozitetin me të cilin NATO po e trajton situatën. Ne jemi këtu për të siguruar që të gjithë njerëzit që jetojnë në Kosovë që të kenë një mjedis të sigurt”.
“Nevoja për të rritur praninë e forcave të NATO-s në këtë moment është për shkak të një vendimi të kujdesshëm, të një natyre politike, padyshim i mbështetur edhe nga një vlerësim ushtarak, për të na lejuar të përballemi më mirë me sfidat e këtij momenti”.
Ushtaraku italian ka nënvizuar se nga pikëpamja ushtarake, “puna jonë është të krijojmë hapësirë për negociatorët nga të dyja palët dhe për të gjithë të përfshirë në procesin e paqes”.
“Unë mendoj se 99.9 për qind e njerëzve këtu në Kosovë duan të jetojnë në paqe. Dhe mendoj se është gjithashtu në interes të të dyja palëve për të zgjidhur situatën. Kjo është arsyeja pse unë përsëri u bëj thirrje të dyja palëve që të shmangin çdo retorikë të panevojshme dhe t’i adresojnë këto sfida në tryezën e bisedimeve, e cila është mënyra e vetme për të zgjidhur situatën”.
“Prandaj, pavarësisht se çfarë ka ndodhur në Ukrainë, një Kosovë stabile dhe një zonë stabile ballkanike janë në interesin e të gjithëve në Evropë, veçanërisht në një kohë si kjo”, përfundoi Ristuccia.
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Komandanti i Kforit po mashtron per te na rrit moralin e neperkamun kto dit ne Shqiptarve : Penguam te dy palet te perplaseshin ! Per palen ton pak si e mosbesueshme,se Koburet tona jan te kolaudume,vetem per te gjujt neper dasma,ose na i marrin Kalamajt me lujt te shkolla ! Respekt Komandant i Kforit,na bane te te jemi borgjli .
Po po populli i thjesht dhe ata që kane mend në koke done që të jetone në paqe. Por nuke done politikanet e korruptum, dhe done që të qendrone në pushtet për jet, ky ështe problem. Aleksander Vuçiç dhe Albin Kurti, janë dy maskaren të mir kordinume mes vet Rusise dhe vendeve islamike për të bër trazira në Ballkan, ky ështe problem.
Albini Kurti dhe Vjosa, dy aventuriere, te gatshem te humbasin lirine e Kosoves, per egoizmin e tyre ne pushtet. Njerez cinik, pa nivel bashkbisedimi, jane njerez frikacak.