Te fundit
Kryeministri spanjoll në Serbi, përsërit qëndrimin kundër Kosovës
30 Korrik 2022, 09:23Rajoni
TEMA
Spanja mbështet Serbinë për çështjen e Kosovës, tha kryeministri i Spanjës, Pedro Sanchez, i cili ndodhet për një vizitë dy ditore në Beograd.
Ai tha kështu pas takimit me presidentin serb, Aleksandër Vuçiç më 29 korrik. Sanchez do të vizitojë edhe katër vendet e tjera të Ballkanit Perëndimor.
Kosova është i vetmi vend në rajon që Sanchez nuk do ta vizitojë gjatë vizitës së tij në Ballkan.
Spanja është një nga pesë vendet anëtare të Bashkimit Evropian që nuk e kanë njohur pavarësinë e Kosovës.
Gjatë një konferencë të përbashkët për media me Vuçiqin, ai tha se Spanjën dhe Serbinë i lidhë nevoja për të “respektuar të drejtën ndërkombëtare dhe sovranitetin dhe integritetin territorial të dy vendeve” dhe se “Spanja do të jetë gjithmonë me Serbinë në respektimin e këtyre parimeve”.
Ai gjithashtu tha se mbështet Serbinë dhe Ballkanin Perëndimor në rrugën e integrimit evropian.
“Spanja do të jetë gjithmonë me ju dhe ju keni mbështetjen tonë për t’u bërë anëtare e Bashkimit Evropian”, tha ai.
Marrëdhëniet politike mes Serbisë dhe Spanjës, Sanchez i cilësoi si “fantastike”, duke shtuar se edhe marrëdhëniet ekonomike dhe tregtare duhet të arrijnë në të njëjtin nivel.
Ai tha shkëmbimi tregtar ka qenë në rritje në pesë vjetët e fundit, por shtoi se dëshiron që ky shkëmbim të rritet edhe më shumë, duke paralajmëruar ardhjen e kompanive të reja nga Spanja në Serbi.
Sanchez tha se me Vuçiqin ka folur edhe për luftën në Ukrainë dhe pasojat e luftës në Evropë, duke bërë thirrje për përfundimin e menjëhershëm të luftës dhe vendosjen e paqes në Ukrainë.
Vuçiç: Serbia i është mirënjohëse Spanjës për mbështetjen e saj
Serbia i është mirënjohëse Spanjës për mbështetjen e vazhdueshme dhe pa kushte në procesin e anëtarësimit në BE, tha presidenti i Serbisë, Aleksandar Vuçiq.
“Serbia e konsideron Spanjën një mik të madh”, shtoi ai.
Duke e falënderuar Spanjën për mosnjohjen e pavarësisë së Kosovës dhe “respektimin e integritetit territorial të Serbisë”, Vuçiq tha se e ka njoftuar kryeministrin Sanchez për rrjedhën e dialogut që Serbia dhe Kosova Beogradi po zhvillojnë nën lehtësimin e BE-së.
Vuçiq tha se me kryeministrin spanjoll kanë analizuar situatën në Ukrainë dhe se ia ka atij “shpjeguar qëndrimin e Serbisë”.
Beogradi zyrtar refuzon t’i bashkohet sanksioneve të Bashkimit Evropian kundër Rusisë.
Vuçiq tha se ai dhe Sanchez janë “të shqetësuar” dhe se “do të ishte mirë që lufta të përfundonte në mënyrë që ne të ktheheshim në jetën normale”.
Vuçiq tha se në vitin 2021, shkëmbimi tregtar mes Serbisë dhe Spanjës ishte 811 milionë euro dhe se pret që të dy vendet “për herë të parë në historinë e marrëdhënieve ekonomike të kalojnë një miliard euro shkëmbim [tregtar]”.
Presidenti serb deklaroi se në tetor në Beograd do të mbahet një forum i madh biznesi, i cili do të jetë vendtakim për biznesmenët nga Spanja dhe Serbia.
Vuçiq përmendi edhe bashkëpunimin mes dy vendeve në industrinë e mbrojtjes. Ai tha se Serbia ka blerë dy avionë transportues nga Spanja dhe se do të vazhdojë të blejë edhe pajisje tjera.
Presidenti i Serbisë tha se me kryeministrin spanjoll ka diskutuar edhe për pozicionin e Serbisë në Ballkan dhe për nismën rajonale Ballkani i Hapur, e cila përveç Serbisë përfshinë Maqedoninë e Veriut dhe Shqipërinë.
Vizitën e tij në Beograd, Sanchez do ta përfundojë më 30 korrik me një takim me kryetarin e Kuvendit të Serbisë, Ivica Daçiq.
Deri më një gusht, kryeministri spanjoll do të vizitojë edhe Sarajevën, Mostarin, Podgoricën, Shkupin dhe Tiranën.
Sanchez po viziton rajonin me qëllim të “ringjalljes së procesit të zgjerimit” të BE-së në Ballkanin Perëndimor./REL
5 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Liri per Katolonien, Liri per Basket.
Ky mut ka ardhë me prishë punë! Në kohë agresioni rus këta vazhdojnë avazin e vjetër! Sërbinë nuk mund ta largoni nga Rusia! Kot e keni! Humbje kohe, siç keni humbë kohë me mosnjohjen e Kosovës. Edhe Britania e Madhe edhe Turqia kishin probleme të njëjta me Spanjën por e njohën Kosovën që në ditën e parë të pavarësisë! Ju, duke mos e njohur Kosovën vetë po e barazoni rastin e Katalonisë me rastin e Kosovës që kurrsesi nuk janë të njëjtë! Shqiptarët i ishin nënshtruar gjenocidit fizik pa folë se Kosova ishte njësi konstituive e Jugosllavisë Federative!
E gjithë politika e jashtme e Serbisë sillet rreth përpjekjeve që shtetet mos ta njohin Kosovën dhe për më shumë edhe ta ç'njohin! Çka bën Edi Rama kur e shikon Vuçiqin se ç'bën? Rama e trashë miqësinë me te duke injoruar zërat që e njohin Serbinë dhe serbët më mirë se çdokush tjetër! Nesër askush mos të thotë "nuk e dija"! Kush është ai i marrë që mendon që Kosova do të pranoj të kthehet nën Serbinë?
Fisnik , tregou me i qete , nuk eshte keshtu sic thua , Rama eshte shume i qarte midis mardhenieve Serbi Kosove , nuk qe Rama qe ja perplasi brenda ne Beograd ne viziten e tij te pare ne shtetin Serb ??? Apo qe Saliu me Meten ??? Mos i ngatero gjerat ....Rama eshte i prere dhe ben cfare i kalon nga dora ne te mire te Kosoves ...po ta benin te gjithe ate qe ben Rama , nuk do ishim ne keto nivele sot ..... Kurse sa per fundin e komentit kur thua qe : kush eshte ai i mar qe mendon qe Kosova te pranoj te kthehet nen Serbine ..... Ka plot qe e besojne nje ide te tille .....fakti qe Rusia aneksoi ne 2014 Krimene dhe sulmoi ne menyren me te pacipe Ukrainen u ka hapur oreksin shume klaneve , dhe shteteve ..., sot kane kete medim USA dhe EU ....je i sigurt qe do ta kene edhe per 20, 30 ose me shume vite ????? Prandaj e mbajne zjarrin te ndezur serbet , qe neser ose pasneser po ju dha rasti te hakmeren , tani se sa do ja harin qellimit eshte nje tjeter histori ....vec kufijte dhe shtetet i kane formuar njerezit dhe po ata i nderojne .....
As që kam dyshim që serbët e mbajnë zjarrin ndezur, kjo shihet me sy! Puna është që pikërisht për këtë shkak duhet punuar që Serbia mos të ketë shpresa, nëse duan ta ruajnë paqën! Spanja, Greqia, Qipro greke, Rumania dhe Sllovakia ia ruajtën shpresat Serbisë deri sa lufta u ndez! Kot e kanë politikën e afrimit me Serbinë, është investim i kotë! Edi Rama bën gabim që ia çelë dyert hapakrah Serbisë sepse ajo Ballkanin e Hapur do ta shfrytëzoj kundër Kosovës, Malit të Zi, Bosnjës dhe Maqedonisë! Nuk i përkrahu Berishën dhe Metën, jam kundër tyre! Sa për ne shqiptarët e Kosovës, dihet se pa luftë Serbia nuk mund të kthehet në Kosovë. Puna është që shqiptarët mos t'i ndihmojnë Serbisë.