Kurti refuzon të shkojë në Prokurori, reagon zyra e kryeministrit: Prokurorët të më vijnë në zyrë! Dhoma Amerikane e Tregtisë të mos ndërhyjë në proces

Zyra e Kryeministrit të Kosovës ka lëshuar një deklaratë ku rendit arsyet se pse kreu i qeverisë, Albin Kurti, ka shkelur urdhrin e Gjykatës Themelore të Prishtinës për të dëshmuar në Prokuroinë Speciale, pas disa thirrjeve të kësaj të fundit, lidhur me çështjen e rezervave shtetërore. 

Injorimin dhe përçmimin e organeve të Drejtëisë në Kosovë, Kurti e justifikon duke thënë se thirrja e tij për të dëshmuar në prokurori ka prapavijë politike dhe Prokuroria Speciale po tregon një standard të dyfishtë.

Në deklaratë, theksohet se është praktikë e përhapur në mbarë vendet demokratike që kreut të qeverisë t'i merret dëshmia në zyrë për një çështje që po hetohet nga prokuroria dhe  kërkohet sqarimi i tij. 

Zyra e Kryeministrit të Kosovës nuk ngurron të përplaset edhe me Shtetet e Bashkuara, duke thënë se institucionet e kësaj të fundit në Kosovë nuk diuhet të ndërhyjnë në procese gjyqësore.

Me këtë, Kurti i referohet deklaratave të Dhomës Amerikane të Tregtisë, e cila i bëri thirrje kreut të qeverisë të respektojë e zbatojë thirrjet dhe urdhrat e organeve të drejtëisë. 

Reagimi i plotë:

Reagim i Zyrës së Kryeministrit në lidhje me debatin publik mbi dëshminë e kërkuar të kryeministrit për çështjen e rezervave shtetërore

Të dashur qytetarë,

Këto ditë, është ngritur një debat publik mbi një çështje që nuk duhet të ishte politizuar: dhënia e dëshmisë së Kryeministrit në lidhje me rezervat shtetërore. Gjatë kësaj kohe jemi përballur me një valë dezinformatash dhe përpjekjesh për të sajuar një perceptim të rremë mbi këtë proces. Prandaj, është e rëndësishme të sqarojmë faktet dhe të mbrojmë parimet e një shoqërie të drejtë e demokratike.

Mos reagimi ynë i deritanishëm, nuk ka qenë mungesë vëmendjeje, por respekt për procesin ligjor që duhet të zhvillohet pa ndërhyrje të jashtme. Sidoqoftë, është bërë e qartë se po përballemi me një orvatje të hapur për të manipuluar dhe hutuar opinionin publik.

Duam të jemi të qartë: Kryeministri Kurti asnjëherë nuk ka refuzuar të dëshmojë. Përkundrazi, ka ofruar bashkëpunim të plotë për të ndihmuar drejtësinë të kryejë punën e saj me integritet.

Gatishmëria dhe vullneti për të dhënë dëshmi është ofruar në disa raste dhe në kohë të ndryshme në Zyrën e Kryeministrit. Në të gjitha demokracitë e zhvilluara, përfshirë ShBA-në dhe Francën, është praktikë standarde që zyrtarët e lartë të shtetit të dëshmojnë nga zyrat e tyre, për të ruajtur diskrecionin dhe për të shmangur politizimin e proceseve ligjore. I njëjti parim është zbatuar edhe në Kosovë, së paku në rastin e dy ish-kryeministrave dhe madje te zëvendëskryeministri aktual! Atëherë, pse në këtë rast po bëhet përjashtim? Pse ky insistim i panevojshëm për një formalitet procedural që nuk ka ndikim në thelbin e çështjes?

Kryeministri vazhdon të jetë i gatshëm të dëshmoj – sa më shpejtë, aq më mirë, për qëllime të drejtësisë e respektimit të institucioneve. Qeveria jonë ka sjellë reforma të mëdha, veçanërisht në transparencën qeveritare dhe luftën kundër korrupsionit, të cilat janë njohur dhe vlerësuar nga organizata të pavarura ndërkombëtare si Transparency International. Ne mbështesim fuqishëm pavarësinë e sistemit gjyqësor, por refuzojmë përdorimin e tij si një mjet për përfitime politike.

Asnjëherë në Kosovën e pasluftës, nuk kishte më shumë përpjekje për të reformuar drejtësinë, nisur nga pakoja e ligjeve kundër korrupsionit e deri te Byroja shtetërore për konfiskimin e pasurisë së pajustifikueshme. Me të gjitha përpjekjet për të ndalur reformimin e shumë kërkuar të Këshillit Prokurorial të Kosovës e për të zhdukur korporatizmin në këtë sistem, reforma do bëhet dhe jetësohet.

Nuk është dhe nuk mund të jetë detyrë e cilitdo, e sidomos dhomave tregtare e ekonomike të japin opinione ligjore apo të ndikojnë në proceset gjyqësore. Bizneset dhe organizatat ekonomike kanë një rol të rëndësishëm në zhvillimin e vendit. Qeveria jonë ka qenë një aleate e fortë e punës së tyre duke ofruar stabilitet institucional e politik dhe duke nxitur rritjen ekonomike, e cila ka çuar në dyfishimin e investimeve te huaja direkte gjatë katër viteve të fundit.

Ata që kërkojnë ta keqpërdorin këtë çështje për qëllime politike duhet të gjejnë mënyra të ndershme për të sfiduar qeverinë —përmes ideve dhe politikave që i shërbejnë qytetarëve.

Zyra e Kryeministrit mbetet e hapur dhe bashkëpunuese me çdo institucion që vepron në përputhje me parimet e drejtësisë dhe paanshmërisë.

Sërish protesta në Serbi, bllokim rrugësh dhe grevë masive

16:06 Rajoni

Kurti shpërfilli kërkesën e gjykatës për t’u paraqitur në Prokurori, ambasada britanike: Të veprohet në përputhje me Kushtetutën

15:13 Rajoni 3 komente

Cilat janë kombinimet e aleancave për formimin e qeverisë së në Kosovë

14:48 Rajoni

BE: Serbia po shkel Marrëveshjen me Kosovën me sjelljen në KiE!

13:10 Rajoni 1 koment

Vuçiç: Sarajeva po përdor BE-në si Kalë Troje për të shkatërruar Republikën Srpska

21:00 Rajoni

“Trupat amerikane nuk ikin për momentin” - Ish-zyrtari i NATO: Kosova të përgatitet për çdo skenar

20:40 Rajoni 6 komente

"Allbanci" - Nga Vulin deri te Bërnabiç, fyerjet ndaj shqiptarëve nga zyrtarë serbë ndër vite

19:27 Rajoni 9 komente

Non grata nga SHBA dhe u dënua me 1 vit burg, Dodik dekreton ligjet që ndalojnë punën e drejtësisë

14:45 Rajoni

Ushtarakë serbë do të marrin pjesë në paradën e Moskës, Vulin: Kemi luftuar bashkë, krenar të jemi krah Putinit

10:56 Rajoni 8 komente

Departamenti amerikan i Mbrojtjes: Nuk ka ndryshime të planifikuara për trupat në Kosovë

10:45 Rajoni 2 komente