Te fundit
Marta Kos në Shkup: Liderët e Ballkanit mblidhen për Planin e Rritjes
30 Qershor 2025, 10:56Rajoni
TEMA
Liderët e gjashtë vendeve të Ballkanit Perëndimor mblidhen në Shkup për bisedime dy ditore me komisionere e zgjerimit të Bashkimit Europian, Marta Kos.
Boshtin e bisedimeve e përbën përshpejtimi i Planit evropian të Rritjes për rajonin. Udhëheqësit nga Kosova, Shqipëria, Bosnje e Hercegovina, Mali i Zi, Maqedonia e Veriut, Serbia dhe komisionarja Kos do të përqendrohen në reformat kyç për të “zhbllokuar” ndarjen e fondeve nga Plani i Rritjes dhe të sjellin përfitime të prekshme për qytetarët e shteteve kandidate për anëtarësim në BE para pranimit të tyre në bllok, nenvizohet në njoftimin e Komisionit Europian.
Nga paketa e rritjes, me përjashtimin e Kosovës dhe Bosnjes, vendet i tjera i kanë marrë tashmë fondet fillestare të para-financimit.
Takimi në Shkup shihet po ashtu si mundësi për të diskutuar për fusha të reja të bashkëpunimit: mbrojtja e konsumatorëve, turizmi dhe rruga drejt tregut të përbashkët që do të përshpejtonte integrimin ekonomik të Ballkanit Perëndimor në tregun e përbashkët të BE-së.
Njoftimi sqaron po ashtu se gjatë takimit dy ditor, KE-ja do të propozojë një paketë të investimeve në vlerë prej 87.7 milionë eurosh nën Kornizën ekzistuese të Investimeve në Ballkanin Perëndimor (WBIF), e cila pritet të tërheqë pothuajse gjysmë miliardi euro në investime private për projekte të energjisë së pastër në mbarë rajonin.
Plani i Rritjes për Ballkanin Perëndimor ofron përfitime për shtetet e rajonit që po përgatiten për anëtarësim në BE dhe gjatë takimit, pjesëmarrësit do të rishikojnë përparimin dhe do të diskutojnë për hapat e mëtejshëm.
Qëllimi i Planit të Rritjes është të stimulojë ekonominë e Ballkanit Perëndimor dhe të ndihmojë shtetet e rajonit që t’i bashkohen bllokut, teksa parashikon në total një mbështetje financiare prej 6 miliardë eurosh, nga të cilat 2 miliardë janë grante dhe 4 miliardë janë kredi të buta të ofruara nga BE-ja për reforma dhe investime në fusha sikurse energjia, transporti dhe transformimi digjital.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Hahahaha po Kosova re amani c donte atje. Kemi ca fshatra ne jug, tip Sykaras ose Fshiqurras qe po ti shpallje shtet do prodhonin me shume cilesi si Kosova. Ata bejne mutin ne det hahahah