Te fundit
Osmani: Ka ende kohë për krijimin e Qeverisë së re, por Lista Serbe po pengon procesin
20 Tetor 2025, 14:40Rajoni
TEMA
Presidentja e Kosovës, Vjosa Osmani, beson se vendi ka ende kohë për ta krijuar Qeverinë e re gati tetë muaj pas zgjedhje parlamentare, por e kritikoi partinë më të madhe të serbëve të Kosovës, Listën Serbe, se po përpiqet të sjellë pengesa në këtë drejtim.
Osmani tha se është në interes të Kosovës ta ketë sa më parë një qeveri të re dhe me mandat të plotë kushtetues.
“Unë nuk do të ngutesha që të jap supozime se do të dështojë krijimi i Qeverisë, ka edhe pak kohë”, tha Osmani për gazetarë pas një ngjarjeje të organizuar të hënën, në kuadër të Muajit Ndërkombëtar të Luftës Kundër Kancerit të Gjirit, në Prishtinë.
Përpjekjet për krijimin e Qeverisë së re nisën më herët këtë muaj, pasi u konstitua Kuvendi i ri më 10 tetor, duke i dhënë fund një ngërçi disamujor pas zgjedhjeve të 9 shkurtit.
Një ditë pas konstituimit të Kuvendit, presidentja Osmani mandatoi kryetarin e Lëvizjes Vetëvendosje dhe njëherësh kryeministrin në detyrë, Albin Kurti, për formimin e Qeverisë së re.
Por, kushtetutshmëria e konstituimit të Kuvendit të ri është kontestuar nga Lista Serbe – e cila gëzon mbështetjen e Beogradit – pasi ajo nisi ankesë në Gjykatën Kushtetuese të vendit për zgjedhjen e nënkryetarit serb të Kuvendit.
Ajo e ka kundërshtuar zgjedhjen e Nenad Rashiqit si nënkryetar, duke pretenduar se janë bërë shkelje kushtetuese dhe të rregulloreve të punës së Kuvendit.
Në ankesën e saj, Lista Serbe kërkoi që gjykata të vendosë një masë të përkohshme, për të ndaluar, siç tha, “veprimet antikushtetuese që mund të shkaktojnë dëme të pakthyeshme”.
Gjykata më e lartë e vendit ende nuk ka vendosur rreth ankesës së Listës Serbe, por ka konfirmuar se e ka pranuar atë.
Osmani tha se “vonesa që po tentohet të krijohet nga Lista Serbe i dëmton interesat, jo vetëm të Kosovës si shtet, por të të gjithë qytetarëve, përfshirë edhe serbët”.
Ehat Miftaraj, drejtor ekzekutiv i Institutit të Kosovës për Drejtësi beson se nëse Kushtetuesja vendos në favor të Listës Serbe, vendimi mund të ndikojë edhe në formimin e Qeverisë së re.
“Me të do të binte poshtë nominimi dhe mandatimi i Lëvizjes Vetëvendosje nga presidentja për kryeministrin e ardhshëm të Kosovës”, vlerëson Miftaraj.
Kurti u nominua më 11 tetor dhe ai ka tani edhe gjashtë ditë kohë t’ia paraqesë Kuvendit të Kosovës përbërjen dhe programin e Qeverisë për miratim, sipas ligjit.
Por, ai do të ketë punë për t’i gjetur të paktën 61 vota në Kuvendin me 120 deputetë për mandatin e tretë në krye të Qeverisë, pasi partia e tij i fitoi 48 ulëse në zgjedhjet e 9 shkurtit.
Nënkryetarja e Kuvendit të Kosovës, Albulena Haxhiu nga partia e Kurtit, tha ditë më parë se partia e saj mund të bisedojë me Lidhjen Demokratike të Kosovës, e cila ka 20 ulëse, për ndonjë koalicion të mundshëm, pasi Nisma Socialdemokrate, që ka 3 ulëse, nuk ka qenë e interesuar të përfshihet në qeverisje.
Ajo e ka përjashtuar ndonjë koalicion të mundshëm me Partinë Demokratike të Kosovës, e cila doli e dyta me 24 ulëse, dhe Listën Serbe – partinë më të madhe të serbëve në Kosovë, që gëzon mbështetjen e Beogradit.
Haxhiu ka përmendur po ashtu mundësinë që të diskutojnë me deputetët individualë për votimin e Qeverisë së re të Kosovës.
Në rast se LVV-ja nuk arrin t’i mbledhë 61 vota, presidentja Osmani ka detyrën brenda dhjetë ditësh t’i ftojë partitë për konsultime dhe të vendosë për mandatarin që ka shanset më të mëdha për të formuar Qeverinë.
Nëse as pas përpjekjes së dytë Qeveria nuk mund të formohet, presidentja Osmani, sipas Kushtetutës, duhet të shpallë zgjedhje të reja, që duhet të mbahen brenda 40 ditësh. (REL)
8 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Vjosa osmani kerkon te mbaje ne pushtet Kurtin, me cdo kusht, sepse pret qe ai ta ban perseri presidente.
E shikoj kete Osmanin dhe Kurtin dhe me vjen neveri. Kane radikalizuar dhe percare me genjeshtra dhe perralla nje popull te traumatizuar nga lufta. Qe ne 2018 gjen video te Kurtit duke sulmuar dhe shpifur per Shqiperine. Ajo qe me ka bere cudi eshte qe dhe Kosovaret qe jetojne si emigrante ne Shqiperi jane kthyer ne anti-Shqiptare. Per te ardhur keq se duke qene se Kosova ishte nen monitorim te forte nderkombetar, ne vitet e kaluara kemi menduar qe do behen jo vetem shtet tamam por do na e kalojne dhe ne. Kur e shoh sot ndjej keqardhje dhe neveri. Me ben cudi madje qe nuk e kuptojne sa after jane buzes se gremines
ik mi ndrysho mbiemrin ti!
Na plasi bytha se u krijua a s'u krijua qeveria antishqiptare e qelbesirave
Fiks
Vjosa Osmani, s'bashku me Kurtin, Gervallen, Kusarin bojn mire ti bashkohen haptazi marrveshjes qe sot Serbia nenshkroi me Rusine. Sa ma shpejt ma mire, kot lodhen me populizma sovraniteti per te genjye trullanat e LVV.
As afatet nuk e lëkundin. Kjo është e zhytur thellë në qëllimin e saj...
Oj Osmane, si nuk turpërohesh, je kreatore e kësaj maskarade të Kosovës. Mjaftë me pallavra se tash edhe gomarët e kanë çart qëllimin tuaj. Po ushqeni bëni politikat autokratë dhe sabotoni çdo gjë që shkon në të mirë kombit dhe shtetit. Nuk e ke më votën time as ti e as ata tjerët analfabetet funksional. Me syza të errte të tre pushtetarët e shikoni popullin e vajtur. Vaj medet.