Te fundit
Deputeti grek mohon të ketë goditur me grusht kolegun: Nuk duroj njeri të më shajë nënën, e kapa për jakë
25 Prill 2024, 11:22Rajoni
TEMA
Deputeti i pavarur grek, Konstantinos Floros, ka komentuar përplasjen me kolegun e tij Vassilis Grammenos një ditë më parë në Parlament, ku pas një debati në seancë plenare, u konfliktuan fizikisht.
Konstantinos Floros ka mohuar kategorikisht se e ka goditur me grusht Grammenos, edhe pse ky i fundit e kishte sharë nga nëna.
“I gjithë ngjarja nisi me fjalimin e zotit Çita për heqjen e imunitetit të zotit Velopoulos që vjen nga një padi që babai im ka bërë rreth 2 vite më parë për shpifje nëpërmjet një llogarie të rreme në X. Prandaj, zoti Çitas në fjalën e tij, tha se Velopoulos nuk ka asnjë lidhje me këtë rast konkret.
Në atë moment unë u ktheva dhe thjesht i thashë se ‘këtë do ta vendosin gjykatat, jo ju’. Në atë moment, pa qenë nevoja dhe pa i folur unë, Grammenos u hodh dhe më tha: “Mbylle plehër”. Unë kthehem dhe i ‘çfarë thatë’. Ai largohet në atë moment dhe unë ulem në vendin tim”, tha fillimisht Floros për ANT1.
Më pas sipas Konstantinos Floros, Grammenos, është kthyer sërish në sallën e Parlamentit dhe e ka provokuar duke i thënë që do të të vendosim pranga dhe e ka sharë nga nëna.
“Kthehet provokues, më ka bërë shenjë si i prangosur, më thotë ‘ty do të të q* nënën’, më thotë. Dola në korridor atë moment, se nuk duroj njeri të shaj mamin që është gjëja më e shenjtë që kam dhe mendoj se është për gjithë. Dola në hyrje, aty ishte roja e Parlamentit, aty ishte edhe Grammenos.
Më thotë ‘ik nga këtu, largohu nga fytyra ime’. Ai më shtyu dhe në atë moment kthehem, e kap për jakë dhe e hedh poshtë. Nuk kanë raportuar asnjë grusht, as më të voglin. Dhe këtu mbaroi çështja, u mblodhën njerëzit, na ndanë dhe asgjë tjetër nuk ndodhi. Nuk e kam goditur kurrë”, ka rrëfyer ai për mediat greke.
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Srenipi I kacakut Mihal Gramenos paska ngrene dru nga nje sternip anadolli.Na turperoi racen
Floros,Gramenos,si emra shqiptare me tingèllojne...Çita.....hhhaaaaa lotttt
Po patjeter jane shqiptare o vlla se ata shajne nga nèna,motra...