Te fundit
SHBA flet për zgjedhjet në veri: Ishin kushtetuese e ligjore. Të respektohet marrëveshja e Ohrit!
23 Prill 2023, 22:10Rajoni
TEMA
Ambasada amerikane në Prishtinë i ka konsideruar zgjedhjet në veri të Kosovës, në përputhje me kërkesat kushtetuese dhe ligjore të vendit.
Përmes një deklarate, ambasada thotë se mbështet një demokraci të larmishme, gjithëpërfshirëse, multietnike në Kosovë dhe shprehu keqardhjen që jo të gjitha partitë e shfrytëzuan të drejtën e tyre demokratike për të marrë pjesë në zgjedhjet e sotme.
SHBA rithekson rëndësinë dhe përkushtimin për zbatimin e plotë të marrëveshjes së Ohrit.
“Shtetet e Bashkuara theksojnë se katër zgjedhje për kryetar komune dhe dy zgjedhje për asamble komunale u mbajtën në komunat e Kosovës Leposaviq, Mitrovicë Veriore, Zveçan/Zveqan dhe Zubin Potok më 23 prill 2023, në përputhje me kërkesat kushtetuese dhe ligjore të Kosovës. Ne mbështesim një demokraci të larmishme, gjithëpërfshirëse, multietnike në Kosovë dhe zgjedhjet që e mbështesin atë. Na vjen keq që jo të gjitha partitë e shfrytëzuan të drejtën e tyre demokratike për të marrë pjesë në zgjedhjet e sotme. Pjesëmarrja në zgjedhje ndihmon për t’u siguruar që udhëheqësit janë përfaqësues të popullatave të cilave u shërbejnë. Votimi është një liri kritike e shoqërive demokratike.
Ne i njohim përpjekjet e zyrtarëve zgjedhorë kosovarë për t’i vënë vendet e votimit në dispozicion të qytetarëve që dëshirojnë të ushtrojnë të drejtën e tyre të votës, duke minimizuar pikat e mundshme të tensionit. Gjithashtu shprehim mirënjohjen tonë për profesionalizmin e Policisë së Kosovës, Misionit të BE-së për Sundimin e Ligjit (EULEX) dhe KFOR-it në sigurimin e një mjedisi të sigurt për zgjedhjet. Ne do të vazhdojmë të angazhohemi me të gjitha palët relevante për hapat e ardhshëm. Ne gjithashtu ritheksojmë rëndësinë dhe përkushtimin tonë për zbatimin e plotë të marrëveshjes së Ohrit”, thuhet në deklaratë.
The United States notes that four mayoral elections and two municipal assembly elections took place in the Kosovan municipalities on April 23, 2023, consistent with Kosovo’s constitutional and legal requirements.
Read the complete statement: https://t.co/iEuurgiIgs— U.S. Embassy Pristina (@USEmbPristina) April 23, 2023
Lëvizja Vetëvendosje ka fituar garën për kryetarë të komunave të Mitrovicës së Veriut dhe Leposaviçit, ndërkaq Partia Demokratike e Kosovës ka fituar në Zveçan dhe Zubin Potok./abcnews.al
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Shkoni e pirdhuni kur mbroni zgjedhje me 2% te votuesve, nuk mund te jape leksione per DEMOKRACI nje vend ku Kongresi i tij u pushtua nga qytetaret amerikane per vjedhje te zgjedhjeve.