Tensione e përleshje në zgjedhjet lokale në Serbi

Tensione të forta, kaos, dhunë dhe përplasje mes militantëve të partive u regjistruan në zgjedhjet lokake të së dielës për 10 komuna në Serbi.

Me shufra të gjata metalike, shkopinj, grupe njerëzish të maskuar dolën nga stadiumi dhe u përleshën me qytetarët e Kulë-s. Sipas mediave serbe, pati disa persona të gjakosur. Nuk munguan tensionet mes policisë dhe qytetareve përpara qendrave të votimit.

Edhe në Bajina Bashta pati përleshje fizike dhe nuk mungoi as nxjerra e armëve. Personi që nxori armën, sipas kryeparlamentares Ana Brnabiç ishte përfaqësues i opozitës, që është arrestuar nga policia. Ajo akuzoi se opozita nuk kërkon zgjedhje të rregullta dhe demokratike, por synon të krijoje trazira dhe konflikte civile.

Pre e sulmeve dhe të goditjeve ranë edhe gazetarët dhe vëzhguesit, kryesisht studentët, siç ishte incidenti në qytetet Bor apo Aranxhelovac.

Organizata CRT që monitoroi procesin zgjedhor tha se ato u mbajtën nën një atmosferë polarizimi politik, tensionesh të larta dhe praktikash, që pengojnë barazinë e pjesëmarrësve në zgjedhje.

Kryetari i Partisë së Re Demokratike të Serbisë, Milosh Jovanoviç, vlerësoi se ngjarjet në dhjetë qytetet përfaqësojnë një “shfaqje të parapërgatitur”, që synon ruajtjen e pushtetit të Aleksander Vuçiçit.

Procesi zgjedhor u mbyll në orën 20:00 dhe pjesëmarrja llogaritet në 60 perqind, ndërsa dominojnë akuzat për shitblerje votash, lista paralele dhe presione nga opozita në adresë të partisë në pushtet.

Dimër në Ballkan, moti i keq mbërthen rajonin

19:32 Rajoni

Siguria e Kosovës nën kërcënimin e raketave me rreze të gjatë

18:40 Rajoni 1 koment

VIDEO/ Zgjedhjet lokale në Serbi, vëzhguesit e qendrave të votimit sulmohen dhe kërcënohen

16:40 Rajoni 1 koment

Reagime kundër rritjes së çmimit të energjisë në Kosovë: Goditje e madhe për familjet dhe fundosje e ekonomisë

16:34 Rajoni 3 komente

Ish-prokurori i Hagës: Kërkesa për 45 vite burg ndaj komandantëve të UÇK-së, e pazakontë

15:34 Rajoni

Hije dyshimi në Serbi: Vuçiç akuzohet se po përdor Milan Radoiçiçin dhe rrjetin e tij kriminal për të manipuluar zgjedhjet lokale

14:44 Rajoni

Nga stërvitjet te fronti: Si po përgatitet ushtria e Kosovës për Gazën

10:44 Rajoni 6 komente

Tërmet në Greqi, ja sa ishte magnituda

10:24 Rajoni

Po shisnin drogë, "Mercedes-i" aksidenton makinën e policisë për t'u arratisur! Në pranga 2 persona në Lipjan

09:03 Rajoni

Ligjvënësit amerikanë kërkojnë rivendosjen e sanksioneve kundër Dodikut

18:00 Rajoni