Manastirliu nga Qendra Shëndetësore Suk-Roskovec: Fishat e diabetit falas për të moshuarit mbi 65 vjeç

Ministrja e Shëndetësisë dhe Mbrojtjes Sociale, Ogerta Manastirliu, ka inspektuar nga afër Qendrën Shëndetësore Suk- Roskovec në Fier, e rehabilituar sipas standarteve më të mira.
"Ne sot jemi në Suk, pamë nga afër se si programi i rehabilitimit të infrastrukturës së qendrave shëndetësore edhe me mbështetjen e partnerëve tanë, ka fuqizuar shërbimin e kujdesit parësor. Një qendër e cila i shërben më shumë se 4500 banorëve",- tha Manastirliu.

Së bashku me mjekët e kësaj qendre, Ministrja Manastirliu ka bërë me dije për qytetarët, se fishat për matjen e diabetit për të moshuarit mbi 65 vjeç do të rimbursohen nga shteti dhe pensionistët do t'i përfitojnë falas.

"Fishat e diabetit falas për moshën mbi 65 vjeç, ata me terapi orale marrin nga goja marrin 50 fisha për 4 muaj, ndërsa ata që janë me terapi me insulinë marrin 50 fisha çdo muaj"- nënvizoi mjeku i qendrës shëndetësore Suk.

Manastirliu u ndal tek shërbimet socio-shëndetësore ku theksoi se do vijoj përfshirja e 50 psikologëve dhe punonjësve social në kujdesin parësor.
"Shërbimet socio-shëndetësore janë një tjetër aspeket që ne e kemi përfshirë në programin tonë të integruar, të kujdesit shëndetësor dhe atij social me përfshirjen e 50 psikologëve dhe punonjësve social në të gjithë vendin, ku do të vijojmë edhe në këtë vit, me rritjen e numrit të punonjësve social dhe psikologëve",- u shpreh Manastirliu.

Ambulanca Suk ofron shërbim shëndetësor për 4500 banorë. Rikonstruksioni i kësaj ambulance është bërë nëpërmjet mekanizmit të bashkëfinancimit me bashkinë Roskovec dhe projektin Shëndet për të Gjithë (HAP) në kuadër të bashkëpunimit ndërmjet qeverisë Zvicerane dhe asaj Shqiptare në sektorin e shëndetësisë.

Në qarkun e Fierit janë 30 qendra shëndetësore dhe ambulance që janë rehabilituar dhe në Bashkinë e Roskovecit janë rehabilituar sipas standarteve më të mira 5 të tilla.
Pas rehabilitimit të 340 qendrave  shëndetësore, gjatë këtij viti fillon rikonstruksioni i 60 qendrave shëndetësore dhe ambulancave të reja në të gjithë vendin nga veriu në jug.

Manastirliu i dorëzon Kartën e Autonomisë Menaxheriale Spitalit Memorial Fier: Spitali do vetë-administrohet, hap drejt rritjes së cilësisë së shërbimit

11:17 Shëndeti 10 komente

A mundet që nëpërmjet zërit të diagnostikohen sëmundjet?

20:40 Shëndeti 3 komente

Punësohen 324 infermierë në dy muajt e parë të këtij viti, Manastirliu: Pas mjekëve specialistë, do të vijojmë rritjen e targetuar të pagave për personelin shëndetësor

12:49 Shëndeti

Përfitimet e pafundme të kafesë për trupin tonë

11:54 Shëndeti 1 koment

Një ditë e logopedistit në ditën e Logopedisë

21:55 Shëndeti

Bie shkalla e vdekshmërisë nga kanceri në BE dhe Britaninë e Bashkuar

21:50 Shëndeti 2 komente

Shëndeti, dhurata më e çmuar: Në muajin Mars, Spitali Amerikan ofron paketën dedikuar gruas

20:16 Shëndeti

ESPUMISAN; zgjidhja efikase pa efekte anësore për njerëzit që vuajnë nga fryrja e barkut shkaktuar nga gazrat e shtuara

20:14 Shëndeti 1 koment

Paqartësitë rreth origjinës së koronavirusit

20:30 Shëndeti 3 komente

Më shumë se 4 miliardë njerëz do të jenë mbipeshë deri në 2035

20:09 Shëndeti