Te fundit
Shtohen rastet me kancer prostate pas moshës 50 vjeç
1 Tetor 2024, 22:41Shëndeti
TEMA
Shqipëria është vendi me incidencën më të ulët të kancerit të prostatës në Europë. Kjo sëmundje është statistikisht kanceri më i shpeshtë te meshkujt mbi 50 vjeç dhe mundësia për tu prekur rritet me moshën.
Sipas të dhënave të fundit në vendin tonë incidenca e kancerit të prostatës , është 131,1 raste për 100 mijë burra të moshës 55-85 vjeç, në një kohë që mesatarja europiane është 469,7 raste për 100 mijë burra.
Në Evropë, kanceri i prostatës përbën pothuajse një të katërtën e rasteve të reja të kancerit ndër burrat, dhe ishte shkaku i mbi 70,000 vdekjeve.
Shqipëria, ndonëse me nivele më të ulëta se vendet e tjera evropiane, nuk është e përjashtuar nga kjo tendencë. Sipas të dhënave të nga observatori i kancerit , në vitin 2020 në vendin tonë u regjistruan 257 raste të reja të kancerit të prostatës dhe 128 vdekje.
Një studim i fundit publikuar në “British Medical Journal” tregon se mbidiagnostikimi i kancerit të prostatës në Evropë ka ndikuar ndjeshëm në variacionin e incidencës së sëmundjes midis vendeve, duke rritur rastet e diagnostikimeve të panevojshme. Ndërsa normat e incidencës së kancerit të prostatës mund të ndryshojnë deri në 20 herë midis vendeve, normat e vdekshmërisë ndryshojnë vetëm pesë herë, duke treguar një kontrast të madh.
Shkalla e lartë e mbi diagnostikimit lidhet me përdorimin e testit të antigjenit specifik të prostatës që shpesh zbulon tumore që nuk përparojnë dhe nuk kërcënojnë jetën e individit. Ekspertët vërejnë se kjo çon në trajtime të panevojshme dhe pasoja negative për cilësinë e jetës së burrave.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
incidencë= Shkalla e shfaqjes ose ndikimit të diçkaje, siç është krimi. Veprimi ose fakti ose mënyra e rënies ose e ndikimit mbi diçka. Këndi i rënies, i cili është këndi midis një rreze që bie në një sipërfaqe dhe vijës pingul me sipërfaqen në pikën e rënies. Në epidemiologji, incidenca është një masë e probabilitetit të shfaqjes së një gjendjeje të caktuar mjekësore në një popullatë brenda një periudhe të caktuar kohore. Më mirë shprehet si proporcion numrit te te semureve me numrin e popullsise se nje shteti.