Te fundit
E TRISHTË! Ndërron jetë ish-gazetari i "Zërit të Amerikës", Astrit Lulushi
8 Shtator 2024, 08:28Sociale
TEMA
Astrit Lulushi, ish-gazetari dhe producenti i njohur i Zërit të Amerikës në shqip, u nda nga jeta të mërkurën më 4 shtator 2024 në moshën 70-vjeçare në Woodbridge të Virxhinias.
Rrugëtimi i Astritit për në Amerikë, ishte dëshmi e dëshirës dhe guximit për t’i ikur komunizmit dhe diktaturës në Shqipëri, drejt lirisë dhe një jete më të mirë. Në vitin 1985, Astriti u arratis nga Shqipëria dhe erdhi në Amerikë, ku filloi një jetë të re dhe më vonë solli edhe familjen e tij.
Një vit me pas, Astriti filloi një karrierë të shënuar 30-vjeçare tek Zëri i Amerikës. Zëri, figura dhe fjala e tij u bënë të njohura dhe të dashura për dëgjuesit dhe shikuesit ndër vite për tema që nga mjekësia dhe shkenca, diaspora shqiptare në Amerikë dhe historia.
Roli i tij prapa skene, ishte po aq i rëndësishëm si producent kryesor i emisionit televiziv Ditari.
“Largohem i përmbushur dhe i nderuar që kam qenë në shërbimin tuaj, ju dëgjues dhe shikues të mrekullueshëm të programeve të Zërit të Amerikës”, u shpreh ai kur doli në pension nga Zëri i Amerikës në korrik të vitit 2019.
Astriti u nderua me “Çmimin e Karrierës”.
Astriti kishte një jetë të pasur krijuese, si autor i 17 librave, shkrimeve të shumta, poezive dhe reflektimeve.
Kolegët, ish-kolegët dhe miqtë e kujtojnë Astritin si një njeri me pak fjalë, shumë pasione, përkushtim, kuriozitet dhe thellësi mendimi.
“Ai njihej nga të afërmit si një njeri me fjalë pak, por me mendjen e një filozofi dhe shpirtin e një poeti. Një njeri i një kohe tjetër, një intelektual i qetë që nuk pushoi së shkruari”, thuhet në njoftimin e përgatitur nga familja për largimin e tij nga jeta.
Ai lë pas bashkëshorten, vajzën dhe familjen e saj, vëllezërit dhe motrën e tij. Djali i tij ndërroi jetë para disa vjetësh.
Ne ish-kolegët e tij të Zërit të Amerikës, do ta ndjejmë humbjen e tij.
Nderimet e fundit për nder të Astritit do të bëhen të martën më 10 shtator, ndërsa varrimi më 11 shtator./VOA
7 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Meqe keto dite ndodhna m'Virginia ke do miq ,ne cilen xhami o tu bo mortoria me marre pjese e me e percjell patriotin....!?
Deshiron qe te shkruash ne menyre ironike, por ti as di te shkruash. I ngaterron fjalet dhe dialektet ne nje fjali te vetme. Paske probleme ne tru!
A po na e kap iher prej qafe....
Gazetari i shquar shqiptar Astrit Lulushi nuk "nderroi" jete; ai u shua si qiriri i Naim Frasherit per t'u dhene sadopak drite partiotizmi, mencurie e miresie te gjithe shqiptareve kudo qe jetojne neper bote. I paharruar qofte emri dhe kontributi patriotik e kulturor i tij!
Ngushellime te sinqerta per kete gazetar dhe shkrimtar legjende te te gjithe viteve ne karieren e tij . Dha shume per shqiptaret dhe meriton nderim dhe respect. U prefte ne paqe.
Ngushllime familjes, miqëve, dashamirëve dhe dëgjuesve të Zërit të Amerikës, programi shqip.
Astritit sa me i lehte dheu... Njeri qe e kam njohur qe para se te arratisej. Per ju qe nuk e njihni Astriti ka pasur guximin me te cmendur per tu larguar nga albanistani i Dulles, duke ikur me not nga bregu i Ksamilit per te kapur tragetin Korfuz-Brindisi, bashke me dy te tjere, ku njeri ishte i vellai. Shoku i tyre nuk arriti ta kape tragetin.... por vellezerit arriten ta kapin anijen... 1985 atehere kur te grinin mishin me kallashnikov