Te fundit
Çfarë po bën BE për të ndaluar largimin e shqiptarëve jashtë vendit? Ja si përgjigjet ambasadorja Hohmann
9 Maj 2023, 11:55Sociale
TEMA
Ambasadorja e BE-së në Shqipëri, Christiane Hohmann ka treguar për “Wake Up” se përmes programeve të ndryshme si për shembull “BE-ja për novacione’, po krijohen mundësi për angazhimin e shqiptarëve në fusha të ndryshme, si agrobiznes, teknologji informacioni etj, në mënyrë që ata të mos emigrojnë.
Sipas saj, BE së bashku me qeverinë, po bashkëpunojnë që të krijojnë mundësi të ndryshme pune për të mbajtur shqiptarët në Shqipëri.
" Kjo ka të bëjë shumë me krijimin e mundësive. Nuk ka asnjë gjë të keqe që t’i të riaftësohesh ose të marrësh aftësi të tjera, por ajo që të bën të kthehesh në vend, është që t’i ta dish që ke mundësi. Për këtë duhet të punojmë që të bëhen të gjitha reformat e duhura, në fushën ekonomike, në legjislacion në vend, që të krijohen më shumë biznese të suksesshme, të cilat të krijojnë vende pune dhe për këtë na duhet të modernizojmë arsimin.
Arsimi profesional është shumë i rëndësishëm, jo të gjithë duhet të shkojnë në universitet, por mund të mësosh një profesion. Në qoftë se ne kemi vetëm inxhinier, por nuk kemi bukëpjekës, atëherë, kjo nuk na ndihmon. Pra ne duhet të krijojmë mundësi edhe për këto profesione t’i vlerësojmë ato. Edhe për ato profesione që ekzistojnë dhe duhen promovuar. Pra kemi një punë për të bërë së bashku, por e bëjmë me anën e programeve të ndryshme.
Për shembull ne mbështesim me anë të programeve të ndryshme, për shembull ne mbështesim me anën e programit ‘BE-ja për novacione’. Cila është ideja jote novatore dhe ne të ndihmojmë ty që ta bësh atë realitet. Kemi patur fazën e parë dhe ka qenë shumë e suksesshme.
Kur të jemi sot në Malin e Dajtit dhe të festojmë, kemi 4 përfitues të këtij programi të cilët do na shpjegojnë agrobiznesin e tyre, ose teknologjinë e informacionit, ose mbrojtjen e natyrës dhe e mjedisit. Pra ka shumë mundësi, por ne duhet t’i krijojmë këto mundësi dhe kjo është një përpjekje e përbashkët", tha Hohmann.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Zonja ambasadore e BE! Me vjen keq,por as ju nuk e paskeni vizionin me minimal se cfare duhet te beje qeveria shqiptare qe te rinjte te mos largohen nga vendi! Duket qe nuk e njihni realitetin ketu dhe flisni me ato slogane qe perdor edhe Rama! BE-ja duhet te kritikoje qeverine Rama se ka nje mentalitet aventuresk,se e bazon zhvillimin e vendit vetewm me TURIZMIN! Por turizmi yne,fshataresk,2-3 mujor,puneson vetem kamariere e kuzhiniere,kryesisht studente,pra mijra te diplomuar si inxhiniere,financiere,arkitekte,e specialiste te tjere te larte mund te punesohen vetem ne se shfrytezohen pasurite kombetare me cikel te plote,ne se krijohen kushte per investimet e huaja qe te prodhojne,montojne apo eksportojne makineri e pajisje elkektronike etj! Shtet me 600 mije banore eshte Luksemburgu,por ka sot standartin me te larte te jetes ne bote sepse atje kryejne aktivitetin e tyre 140 banka nga e gjithe bota dhe ka te zhvilluar industrine e shkrirjes se CELIKUT! Keto e zhvillojne vendin dhe jo ato qe thoni ju!