Dhuna ndaj gazetares së “Stop”, Kadastra: Dënojmë dhe distancohemi nga çdo akt i tillë! Agresori nuk është punonjës i yni

Agjencia Shtetërore e Kadastrës ka reaguar pas ngjarjes së ndodhur pranë Drejtorisë Vendore Kamëz-Vorë, ku një gazetare e emisionit investigativ “Stop” në TV Klan u përball me dhunë gjatë kryerjes së detyrës.

Në njoftimin zyrtar, Kadastra dënon dhe distancohet nga çdo akt dhune ndaj përfaqësuesve të medias, duke theksuar se personi që ka kryer veprimin nuk është punonjës i saj.

Incidenti në fjalë ndodhi kur gazetarja Domenika Bajraktari dhe grupi i saj i xhirimit kanë qenë në drejtorinë e Përgjithshme të ASHK-së për të ndjekur denoncimin e një qytetari. Por ajo u përball me agresion fizik. Agresori është identifikuar dhe është shoqëruar në polici. 

Reagimi i plotë:

Në lidhje me lajmet e publikuara gjatë ditës së sotme për ngjarjen e ndodhur pranë Drejtorisë Vendore Kamez-Vorë, sqarojmë se:

Agjencia Shtetërore e Kadastrës dënon dhe distancohet nga çdo akt dhune ndaj përfaqësuesve të medias gjatë ushtrimit të detyrës së tyre.

Në lidhje me rastin e raportuar, sqarojmë se personi që ka kryer veprimin ndaj gazetares nuk është punonjës i Agjencisë Shtetërore të Kadastrës. Ndërkohë jemi duke rishikuar të gjitha pamjet filmike të administruara nga kamerat e sigurisë dhe, nëse konstatohet shkelje nga rojet private, do të ndërmerren menjëherë hapat ligjorë dhe kontraktualë për të mos lejuar përsëritjen e rasteve të tilla.

Agjencia Shtetërore e Kadastrës shpreh besimin e plotë tek institucionet ligjzbatuese dhe është e bindur se ato do të kryejnë hetimet dhe do të vendosin drejtësi sipas ligjit.

Ne besojmë se puna e gazetarëve është një element i rëndësishëm për informimin e qytetarëve dhe ruajtjen e transparencës institucionale.

Agjencia Shtetërore e Kadastrës siguron publikun dhe median se do të vazhdojë të garantojë akses, respekt dhe bashkëpunim të ndërsjellë në çdo proces informimi.

Delegacioni i BE: Mesazhet e Nënë Terezës, kujtesë se duhet të jemi bashkë për një të ardhmen më të mirë

12:06 Sociale

Tiranë-Korçë 1 orë e 30 minuta? Tiranë-Qukës edhe mundet…

11:48 Sociale

VIDEO/ Korçë, 4 mijë nxënës më pak këtë vit: Më të prekura klasat e para

11:47 Sociale 1 koment

Dita e Shenjtërimit të Nënë Terezës, Berisha: I dha nder çdo shqiptari, frymëzon me shembullin dhe virtytet e saj më të larta

11:16 Sociale 5 komente

Hapet sot për qarkullim rruga Qukës-Qafë Plloçë!

10:32 Sociale 6 komente

“Nënë Tereza u dha ushqim të uriturve”/ Ambasada e SHBA ndan mesazhin e Trump: Përfaqësonte më të mirën te secili prej jesh

09:39 Sociale 4 komente

Një miliard euro investim, vizioni i Green Coast për real estate në bregdet

09:34 Sociale 6 komente

Firmat piramidale online: Braçe publikon justifikimet e agjentit të XUEX

09:07 Sociale 1 koment

9-vjetori i shenjtërimit të Nënë Terezës! Begaj: Qytetarët të ndjekin udhëzimet e saj, të ndihmojnë njëri-tjetrin

08:20 Sociale 1 koment

Grua me trup të vogël e me shpirt sa vetë bota: Rama uron shenjtërimin e Nënë Terezës

07:36 Sociale