Te fundit
Më mirë në anglisht se në shqip! Notat e maturës tregojnë hendekun. Por pse?
25 Qershor 2023, 22:20Sociale
TEMA
Gjuha shqipe ndër vite ka humbur garën me anglishten bazuar në notat e provimeve të maturës.
Edhe këtë vit, në testin e gjuhës angleze ka rezultate më të larta se në testin e gjuhës shqipe. 384 maturantë kanë marr notën 10 absolute në anglisht, ndryshe nga rezultatet e gjuhës shqipe dhe letërsisë ku kanë marr notën maksimale vetëm 15 nxënës.
“Duhet ta pranojmë, se interesi i të rinjve është në rritje për gjuhët e huaja. Me mbështetjen edhe të familjes dhe në shkolla, ka pasur një hov sidomos anglishtja që reflektohet në nivel më të mirë nxënësish”, tha Elsa Sheqi, mësuese e gjuhës angleze, “Asim Vokshi”
Por mësuesit e anglishtes bëjnë një krahasim të strukturës së dy provimeve si dhe nxjerrin në pah se gjatë viteve të gjimnazit nxënësit zhvillojnë 3 orë mësim në javë lëndën e gjuhës angleze, ndërsa gjuha shqipe dhe letërsia bëhet nga dy orë secila në javë.
“Gjuha shqipe dhe letërsia është dy lëndë në një testim, ndërsa në anglisht është nivel B2 dhe testohen maturantët për gramatikën jo për letërsinë angleze. Kjo ndikon disi”, tha Elsa Sheqi, mësuese e gjuhës angleze, “Asim Vokshi”
Përveç krenarisë që shfaqin arsimtarët e anglishtes për notat e mira që maturantët marrin aty, sërish ata shqetësohen për arritjet në gjuhën amtare dhe kërkojnë që rezultatet të reflektojnë politika arsimore me rëndësi të shtuar për shqipen.
“Gjuha e huaj mësohet kur ke baza të forta të gjuhës amtare. Është e rëndësishme të dimë mirë gjuhën shqipe pa diskutim, që të kemi më të lehtë për të mësuar gjuhët e huaja”./TCH
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Jeni te paafte o mesues t'i mesoni nxenesit qe ne klase te pare me rendesine qe ka gjuha shqipe dhe bukurine e saj. Per faktin qe eshte gjuhe e nderlikuar jam dakord, por puna juaj aty qendron qe ta beni sa me te zbavitshme dhe interesante. Vazhdoni akoma me tekste konfuze dhe te ngurta qe ta shpifin mesimin e gjuhes amtare sikur femijet te jene studiues albanologjije . Normalisht, do parapelqejne gjuhen e huaj sesa te tyren, e sidomos anglishten.
Se mos keni gojë të flisni ju, o ju vraftë zoti, o gazekarë. Ju s'dini as të shkruani dhe as të flisni. Nisët me mosnyjtimin në rasën e duhur të fjalëve dhe emrave, duke i mbajtur në emërore vend e pa vend, pastaj futët q-të dhe gj-të aty ku duhej të ishin ç dhe xh (shih "agjenda digjitale", "Vuçiq", etj.) dhe përdorimin e fjalëve me dialekt("grushte", "eleminim", "fugon", "çka" në vend të "çfarë" ose "që"). Nuk jeni të aftë të mbani një standart për vete, ndikoni negativisht tek shoqëria dhe dashkeni dhe të shisni mend. Më shumë se gjysma e "gazetarëve" shqiptarë dhe "shqipfolës" duhet të rikthehen urgjentisht në shkollë fillore që të mësojnë gjuhën shqipe siç është për të qënë para se të shkruajnë prapë artikuj.