VIDEO/ Siguria ushqimore në fokus të integrimit, Gonzato: Pa të nuk futeni në BE

Ambasadori i BE-së, Silvio Gonzato, u shpreh se siguria ushqimore nuk është vetëm një kërkesë etike, por një e mirë publike që prek çdo qytetar. Ai theksoi se progresi i Shqipërisë në procesin e integrimit matet jo vetëm me objektiva, por me funksionimin real të sistemeve të harmonizuara me legjislacionin europian, duke përfshirë laboratorët e akredituar dhe përmbushjen e standardeve nga subjektet ushqimore.

Ai shtoi se investimet, forcimi i kontrolleve dhe rritja e standardeve të higjienës janë hapa të domosdoshëm për anëtarësimin e Shqipërisë në BE, ndërsa theksoi rëndësinë e transparencës dhe mbështetjes për bizneset, veçanërisht ato të vogla.

“Siguria ushqimore nuk është thjesht një kërkesë etike, por një e mirë publike dhe të gjithë qytetarëve u takon. Siguria ushqimore siguron që bizneset të mund të konkurrojnë në mënyrë të drejtë dhe sukses, dhe sigurisht edhe objektivin që kanë për ta vendosur atë në tregun europian. Tashmë Shqipëria ka hyrë në këtë fazë vendimtare të negociatave dhe ecuria nuk matet vetëm me qëllimet që ka Shqipëria, por matet me anën e sistemeve që funksionojnë. Sisteme që janë të harmonizuara me legjislacionin e BE-së. Bazohet gjithashtu edhe te laboratorët e akredituar, te fakti që duhet të ketë subjekte ushqimore që të përmbushin standardet e BE-së”, tha ai ndër të tjera duke theksuar më tej se siguria ushqimore mbetet një nga prioritetet kryesore të Shqipërisë në rrugën drejt anëtarësimit në Bashkimin Europian.

Pjesë nga fjala e ambasadorit:

Siguria ushqimore nuk është thjesht një kërkesë etike, por një e mirë publike dhe të gjithë qytetarëve u takon. Siguria ushqimore siguron që bizneset të mund të konkurrojnë në mënyrë të drejtë dhe sukses, dhe sigurisht edhe objektivin që kanë për ta vendosur atë në tregun europian. Tashmë Shqipëria ka hyrë në këtë fazë vendimtare të negociatave dhe ecuria nuk matet vetëm me qëllimet që ka Shqipëria, por matet me anën e sistemeve që funksionojnë. Sisteme që janë të harmonizuara me legjislacionin e BE-së. Bazohet gjithashtu edhe te laboratorët e akredituar, te fakti që duhet të ketë subjekte ushqimore që të përmbushin standardet e BE-së.

Duke marrë si shembull sektorin e qumështit, për shkak të rëndësisë së këtij sektori dhe gjetjes së cilësisë së ulët, përmirësimi i qumështit të papërpunuar është parakusht për të qenë konkurrent në tregun e BE-së. Trajtimi i qumështit, investimet dhe forcimi i kontrolleve nuk janë opsionale, por hapa thelbësorë për anëtarësimin e Shqipërisë në BE dhe një nga piketat kryesore. Që mund të themi ne, po, Shqipëria i ka përmbushur këto piketa dhe mund të anëtarësohet në BE.

Harmonizimi me standardet në BE hap derën në një prej tregjeve më të mëdha në Europë, përmirëson reputacionin e produkteve shqiptare dhe rrit investimet dhe eksportet. Nga ana tjetër, ajo kërkon pajisje, investime, praktika më të rrepta të higjienës dhe trajtim të vazhdueshëm të stafit. Për operatorët e vegjël kjo mund të jetë sfiduese. Ju duhet të jeni të qartë me kërkesat që do të përballeni dhe duhet t’ju jepet mbështetja për t’i përballuar. Duhen më shumë përpjekje nga qeveria që të sigurohen që bizneset të kuptojnë plotësisht për mbështetjen që duhet të kenë me më shumë financim.

 Procesi i kategorizimit duhet të jetë transparent, i drejtë dhe i bazuar në kritere të qarta dhe besimi në sistem varet nga kjo punë. Pa transparencë as reformat më të mira nuk mund të kenë sukses. Ne, BE, jemi shumë të gatshëm që të mbështesim Shqipërinë në këtë proces, ne po përpiqemi t’ju ndihmojmë. Prandaj i kemi dhënë Shqipërisë 12.5 milionë euro për këtë. Kjo mbështetje e jonë pasqyron partneritetin tonë më të thellë. Integrimin në BE e shohim si një përpjekje të përbashkët. Shqipëria ka bërë një përparim shumë të rëndësishëm, por hapat e mëtejshëm do të jenë vendimtarë. Siguria ushqimore prioritet kombëtar për integrimin në BE.

Siguria ushqimore, Gjylameti: Standard i panegociueshëm i BE, asnjë produkt i rrezikshëm s’do të jetë në treg

13:10 Sociale 6 komente

Tirana në vëmendjen e CNN - Modeli i TIA-s që po tërheq vëmendjen ndërkombëtare

12:12 Sociale 1 koment

Paralajmërimi i ekspertit: Salmonela, më kërcënuese për jetën e fëmijëve dhe të moshuarve

11:10 Sociale

Hapet Kampusi Ndërkombëtar i Tiranës, Kumbaro: Një dritare e re bashkëpunimi akademik me Francën që na afron me tregun dhe partneritetin europian

10:40 Sociale

Hapen thirrjet për kreditë e buta në Bashkinë e Tiranës, aplikimi përmes e-Albania

10:30 Sociale

Sezoni turistik 2026! Ministria e Shëndetësisë bën thirrje për mjekë dhe infermierë: Aplikimet nisin sot

18:05 Sociale 2 komente

Alarm për ushqimin e bebeve, AKU: Deri tani asnjë rast në Shqipëri

14:15 Sociale

Bllokohet çokokrem me salmonelë: Alarmi u dha nga sistemi europian i sigurisë ushqimore

12:55 Sociale 4 komente

Rrëfimi prekës i mamasë së Sokol Olldashit: Dy vjet e gjysëm s’dola nga shtëpia, nuk mund ta besoj edhe sot që ka vdekur

11:55 Sociale 38 komente

Fund epokës së kabllove të internetit në ajër dhe në fasadat e pallateve, ja çfarë parashikon projektligji i ri për ndërtimet

10:55 Sociale 24 komente