Te fundit
Ulja e vazhdueshme në bursë, Bordi vendos: Do e ulim me plot 2 lekë çmimin e naftës
15 Korrik 2022, 16:25Sociale
TEMA
Bordi i Transparencës në Shqipëri ka vendosur çmimet e reja të tregtimit të karburanteve në vend, duke ulur çmimin e naftës me 2 lekë.
Sipas vendimit të fundit të së premten e 15 korrikut, një litër naftë do të tregtohet me 238 lekë, nga 240 që tregtohej një ditë më parë.
Çmimi i shitjes me pakicë i nënproduktit gaz do të jetë 81 lekë/litri.
Një litër benzinë do të kushtojë 218 lekë në pikat e shitjes me pakicë.
“Çmimet e caktuara nga Bordi do të hynë në fuqi sot datë 15 korrik ora 18.00 dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes”.
Bordi thekson se çmimi i shitjes për gazin e lëngshëm të automjeteve do të jetë çmimi i furnizimit në stacionet e furnizimit në pikat e karburanteve, ndërkohë që, në pikat e tjera, për konsumatorët familjarë dhe industrial çmimi nuk duhet të përfshijë akcizën.
“Tërheqim vëmendjen e çdo operatori të shitjes me shumicë dhe pakicë të nënprodukteve të naftës mbi detyrimin e zbatimit të këtij vendimi”, shkruhet në vendim.
Në rast të shkeljeve të konstatuara nga operatorë të ndryshëm do të vendoset pezullimi i aktivitetit.
Bordi vuri në dukje se janë në monitorim të vazhdueshëm të ecurisë së bursave, me qëllim reagimin sa më të shpejtë.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Tall bolet qeverria tallet edhe gazetari! Plot!.
Talljeee bytheeeeeeee Lum ne per Bordin..