Te fundit
“Vëllai u mbyt në liqen, peshkatarët kapën trupin e tij në rrjetë", rrëfimi i dhimbshëm i këngëtares Ermira Babaliu
29 Dhjetor 2022, 11:01Sociale
TEMA
Ermira Babaliu është një nga këngëtaret më të njohura të skenës shqiptare. Ndonëse, ka vite që është shkëputur nga skena dhe jeton në SHBA, ajo vazhdon të jetë afër publikut.
Në një lidhje me Skype për “ABC e Mëngjesit”, këngëtarja ka bërë një rrëfim shumë të hollësishëm, nga rruga drejt muzikës, divorci i prindërve deri te ngjarja e tronditur, ku i gjetën vëllain e mbytur.
“Muzika ishte një rastësi se unë kam mbaruar shkollën për filozofi. Fillova të këndoja në shkollën e mesme për shaka dhe aty i pëlqeva një jurie që ishte, sidomos Kristaq Koçit që ishte kryetari dhe pastaj u bë filmi “Zonja nga qyteti” ku mu dha mundësia. Më pas pata një bashkëpunim me Ilir Dangëllia, aty filloi pastaj rrugëtimi im.
Unë jam përpjekur të vendosë një balancë mes jetës private dhe asaj të dukshme. Sigurisht që në plan të parë ishte jeta e familjes, prindërit që nuk jetuan bashkë. Unë kam pasur një mama të fortë, por isha 9 vjeç atëherë dhe padyshim nuk kisha se si të mos e përjetoja. Por gjithsesi mamaja pati një tjetër bashkëshort që ishte shumë i mirë dhe vazhdon të jetë i tillë. Kjo e zbuti pak a shumë këtë”, u shpreh Ermira.
Më tej, sa i përket vëllait, ajo tha: “Ajo ishte gjëja më tmerrshme që mund t’i ndodh dikujt. Dy javë përpara se të hapeshin ambasadat vëllai im u gjet i mbytur në liqen dhe e zunë peshkatarët me rrjeta. Nuk dua të flas shumë për ketë sepse është shumë e dhimbshme dhe një nga gjërat që kanë shënjuar jetën. E keqja ishte se përveç se iku, por nuk u gjet se çfarë ndodhi. Nëna ime u bë shumë e fortë dhe u lidh shumë me mua dhe vëllain tjetër timin”.
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Kjo ka qënë një nga këngëtaret e mia të preferuara. Muzika e saj ishte puro shqiptare. Dhe jo si sot që po na mbysin këngët tallava të jevgjve dhe arixhinjve me zinxhira floriri në qafë.
Është kjo Ermira Babaliu?!!! Sa paska ndryshuar. Nuk njihet. Ishte një këngëtare e ëmbël, si meloditë që këndonte. Qoftë mirë gjithmonë!
Qe nga dita qe kam njohur muziken e saj e kam pelqyer kete kengetare. Rrespekt dhe mirenjohje per kete kengetare te madhe.