Te fundit
Alarm te PSG para ndeshjes ndaj Bayern Munich! Pas Mbappe, edhe Messi "out"?!
9 Shkurt 2023, 22:00Sport
TEMA
L’Équipe raporton se Lionel Messi (35 vjeç) është në dyshim për ndeshjen e madhe të Paris Saint-Germain në Ligën e Kampionëve kundër Bayern Munichut, e cila do të zhvillohet në më pak se një javë…
Messi pësoi një dëmtim të kofshës gjatë ndeshjes se humbur 2-1 të klubit në Coupe de France kundër rivalëve të ashpër Olympique de Marseille. Megjithatë, fituesi i Kupës së Botës luajti gjithsesi 90 minutat e plota.
L’Équipe, raporton se ndërkombëtari argjentinas tashmë do të humbasë udhëtimin për t’u përballur me Monaco në Stade Louis II në një ndeshje vendimtare të Ligue 1 të shtunën, ndërsa pjesëmarrja e tij në ndeshjen e javës së ardhshme kundër Bayern Munich është gjithashtu në pikëpyetje.
PSG përballet me Bayern Munichun në ndeshjen e parë të raundit të 16-të të Ligës së Kampionëve të martën, duke i lënë shumë pak kohë Messit për t’u rikthyer dhe për të qenë në garë për ndeshjen. Kylian Mbappé (24) tashmë është konfirmuar se do të humbasë ndeshjen e parë të Champions, që do të thotë se një PSG jashtë formës mund të jetë pa dy nga tre sulmuesit e tyre.
Megjithatë, gazetari i L’Équipe, Loïc Tanzi, ka shtuar që nga ajo kohë se Les Parisiens besojnë se Messi mund të luajë ende një pjesë në ndeshjen e së martës në Ligën e Kampionëve. Kjo duket me shume si nje kamuflim nga PSG per te mos rrezikuar gjendjen e argjentinasit dhe ta lere pushim ne Ligue 1.
Më të lexuarat
24 oret e fundit
Javen e fundit
Blog Tema
Lini një Përgjigje