Te fundit
Jurgen Uldedaj, kampion bote. Shqiptari ngjitet në majat e boksit
25 Tetor 2025, 23:52Sport
TEMA
Jurgen Uldedaj ka fituar ndeshjen ndaj kampionit kamerunas Rolly Lambert Fogoum, duke u shpallur kampion bote në versionin IBO (International Boxing Organization).
Suksesi i arritur në “O₂ Arena” në Londër përbën një moment historik për sportin shqiptar, pasi Uldedaj bëhet boksieri i parë nga Shqipëria që fiton një titull të tillë botëror në boksin profesionist.
Ndeshja ishte e fortë dhe e luftuar deri në fund, por shqiptari tregoi qetësi, teknikë dhe përgatitje të lartë fizike, duke dominuar me raunde dhe fituar me meritë.
Kjo fitore e ngjit Uldedajn në majat e boksit botëror dhe vulos rrugëtimin e tij të gjatë në arenat ndërkombëtare. I lindur në Shqipëri dhe i formuar si sportist në Gjermani e Angli, ai ka ndërtuar hap pas hapi një karrierë të qëndrueshme dhe të suksesshme. Deri tani ai numëron 21 fitore në karrierë, prej të cilave 12 me nokaut.
Uldedaj ka mbajtur më parë disa tituj prestigjiozë si “WBO Youth”, “WBC Youth”, “IBF International”, “WBA Inter-Continental” dhe “IBO Mediterranean”. Edhe pse stërvitet mes Gjermanisë dhe Anglisë, ai vazhdon të garojë nën flamurin shqiptar. Me këtë triumf në Londër, Uldedaj jo vetëm forcon pozitën e tij në elitën e boksit botëror, por gjithashtu vendos një pikë referimi të re për sportin shqiptar në arenën ndërkombëtare.
4 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Bravo!!! Shpresojme te marri WBA. Jo se eshte keq edhe kjo por nqs merr wba do jete suksesi me i madh ne historine e sportit shqiptar
bravo kampion bote e ngrite Arbnine lart!
Boksi,- forcë karakteri.BRAVOMërgimtari
Cdo sukses te çdo shqiptari kudo qe gjendet ne bote,duhet ta konsiderojme si sukses personal dhe kombetar,andaj duhet t'i admirojme pakufishem!