Te fundit

Kategoria Superiore: Java e 35-të luhet të shtunën, gara ende e hapur për vendin e parë, Final Four dhe mbijetesën

16 Prill 2025, 14:31Sport TEMA
Kategoria Superiore: Java e 35-të luhet të shtunën, gara ende e

Edicioni i 86-të i kampionatit Kategoria Superiore po i afrohet fundit, ndërsa të shtunën do të zhvillohen pesë ndeshjet e javës së parafundit. Të gjitha takimet do të luhen në të njëjtën orë, 15:30, duke garantuar shumë emocione në çdo stadium.

Egnatia, Dinamo City dhe Vllaznia kanë siguruar tashmë biletat për në fazën “Final Four”, ndërsa gara për vendin e mbetur, për qëndrimin në kampionat dhe vendin e parë vazhdon ende.

Bylis përballet me Partizanin, ndërsa Egnatia do të presë në shtëpi Skënderbeun. Përballje e fortë pritet këtë javë mes AF Elbasanit dhe Vllaznisë në Elbasan, teksa Dinamo City do të udhëtojë drejt Laçit këtë të shtunë për ndeshjen e radhës, me laçianët që luftojnë për mbijetesën. Tirana do të përballet me Teutën, një takim i vështirë, ku të dyja skuadrat duan fitoren.

Java e 35-të pritet të jetë një nga më vendimtaret e sezonit, teksa do të qartësohen dilema për fazën “Final Four” dhe për fatin e skuadrave në fund të tabelës.

1 Komente

  1. M
    Mario
    16 Prill 2025, 15:32

    Per 3 te fundit jane percaktuar qe ne fillim ......dalin nga kategoria .Skenderbu.Bylis dhe Laci ....akoma.se keni kuptuar estraden e Dukes

    Përgjigjjuni

    Lini një Përgjigje

    Më të lexuarat

    Blog Tema

    Powered by Tomorrow.io