Te fundit
Qeveria financon FSHF-në me 3 miliardë lekë për Euro U-21: Paratë e shtetit në shërbim të mandatit të shtatë të Dukës
8 Janar 2026, 15:01Sport
TEMA
Qeveria ka vendosur t’i japë 3 miliardë lekë Federatës Shqiptare të Futbollit për shpenzimet e kampionatit Europian U-21, që do të zhvillohet në vitin 2027 dhe që Shqipëria e organizon së bashku me Serbinë. Kjo rezulton nga vendimi i botuar më 23 dhjetor 2025 në Fletoren Zyrtare.
Bëhet fjalë për Euro U-21 2027, një event ku Shqipëria dhe Serbia janë bashkëorganizatore, pavarësisht kundërshtimit të fortë të opinionit publik për një organizim të përbashkët me Serbinë. Megjithatë, përveç miratimit politik, FSHF përfiton edhe financiarisht, duke marrë një bonus prej 3 miliardë lekësh nga buxheti i shtetit.
Shifra prej rreth 300 milionë lekësh të rinj përkon me të njëjtën shumë që Armand Duka u ka premtuar klubeve të futbollit gjatë Asamblesë së fundit, si “dhuratë” nga federata. Këtu lind edhe pika kryesore e debatit: për organizimin e kampionateve europiane, federatat përkatëse përfitojnë fonde të posaçme nga UEFA, çka e bën të paqartë nevojën për një financim kaq të madh shtesë nga buxheti i shtetit.
FSHF, në këtë rast, rezulton dyfish e favorizuar: jo vetëm që siguroi dritën jeshile politike për organizimin e kampionatit me Serbinë, por tani merr edhe 3 miliardë lekë shtesë nga qeveria. Një “bonus” që vjen në një moment delikat për kreun e federatës.
Armand Duka, i cili nuk njihet për bujarinë si tipar dominues, duket se ka bërë llogaritë e tij. Me zgjedhjet për mandatin e shtatë në krye të FSHF-së që afrohen dhe që pritet të zhvillohen deri në qershor, ai ka premtuar shpërndarjen e këtyre parave te klubet, të cilat ndodhen në gjendje të rëndë ekonomike. Në këto kushte, rezistenca apo zërat kundër pothuajse mungojnë.
Por mes premtimeve dhe realitetit ekziston një hendek i madh. Klubet shqiptare nuk i kanë marrë kurrë 3 miliardë lekë nga FSHF, pavarësisht se shifra të ngjashme u janë premtuar disa herë ndër vite. A do të ndodhë ndryshe këtë herë, apo paratë do të mbeten sërish në nivel premtimi, kjo mbetet për t’u parë. (VNA)
6 Komente
Lini një Përgjigje
Më të lexuarat
24 oret e fundit
Javen e fundit
Blog Tema
O qeveri leshi, po i qite robte lekeve, po e pasuroni Duken, kete monster. Po ndihmoni familje ne halle, Qeveri VK
Duka eshte ortak me Ramen.
Shqiptereve ju eshte bere truri lavazh nga teorija Berishiste hidh balte se dicka mbetet,dhe pas cdo veprimi shikohet se vidhet,Behet nnje dicka e mire nje shkolle a nje ruge ,si nuk thote nje njeri nje fjale shyqyr qe u be po fillojne hajdute ,maskarenje e cfare nuk fantazojne,Njesoj dhe ky lloj gazetari i frustruar qe ka shkruar,Parate nuk jane per duken ,po do organizohet finalet e europiane te 21 vjecareve e do krijohen kushtet per keto finale,
edhe Sali edhe naiv ( per te mos thene idiot) nuk shkojne bashke.po ku jeton ti o njeri dhe nuk shikon e degjon c'behet ne kete vend ? nuk e din ti qe te gjithe PUSHTtetaret jane bashke ne Mega-grabitjen e ketij populli? nuk ke degjuar qe shkollat qe ndertohen me parate tona kane 5-fish kosto krahasuar me ato qe ndertohen me fondet e BE ?
Ore kam vēn re qē shumica e shqiptarve thon ej ej ej u vodh ktu u vodh aty or mjeshtra po sa e ka Shqipria shkret buxhetin sa ? E simbas jush ku gjēnden lekēt pēr pensjonet pēr spitalet pēr Administratēn e pēr policin. Qē ka abuzime ka por jo si e bējn shqiptarēt qimen tra. Gjēja mē e mir ēshtē qē shqiptarēt tē punoin siç punoin nė Emigration e bēhet Shqipria prall.
Duka duhet shpallur nderi o kombit o kara pellazge qe dini vetem te shani ata qe bejne dicka e nuk zini pune me dore .