Te fundit
Salah vë në siklet UEFA-n me pyetjen për futbollistin palestinez, deri tani asnjë reagim zyrtar
10 Gusht 2025, 19:39Sport
TEMA
Mohamed Salah ka reaguar publikisht pas lajmit për vd*kjen e Suleiman Obeid, i konsideruar si “Pele-ja palestinez”, i cili u vra ndërsa priste ndihmë humanitare. Ai ishte 41 vjeç.
Sipas Shoqatës Palestineze të Futbollit, Suleiman Obeid u qëllua nga forcat izraelite ndërsa priste ndihmë humanitare. UEFA njoftoi ndarjen e tij nga jeta me një mesazh solemn, duke i bërë homazh një lojtari që u dha shpresë fëmijëve të panumërt pavarësisht vështirësive.
Ky njoftim shkaktoi një reagim të shpejtë nga Mohamed Salah, ylli egjiptian i Liverpoolit. Në X, ai iu drejtua drejtpërdrejt UEFA-s: Na tregoni si vdiq, ku dhe pse?
Deri tani nuk ka pasur asnjë reagim nga UEFA apo dhe asnjë përgjigje për pyetjen e bërë publikisht nga Salah.
Vdekja e Suleiman Obeid nxjerr në pah tensionet e vazhdueshme në rajon dhe ka shkaktuar një reagim të fortë emocional në botën e futbollit, ku ai u njoh jo vetëm për talentin në fushë, por edhe për rolin e tij simbolik.
Mesazhi i Salah shpreh kështu dhimbje të thellë dhe një kërkesë për të vërtetën përballë një tragjedie që shkon përtej fushës së futbollit.
Më të lexuarat
24 oret e fundit
Javen e fundit
Blog Tema
Lini një Përgjigje