Te fundit
Veliaj pret Kampionin e Botës, Lilian Thuram: Libri i tij, mesazh për të rinjtë, se sporti i bashkon njerëzit
15 Nëntor 2023, 16:29Sport
TEMA
Kryetari i Bashkisë së Tiranës, Erion Veliaj priti në takim legjendën e kombëtares franceze, Kampionin e Botës dhe të Europës, Lilian Thuram, i cili ndodhet në Shqipëri për të prezantuar librin e tij të përkthyer në shqip “Mendimi i bardhë”.
Ata diskutuan dhe shkëmbyen ide mbi nismat sportive dhe promovimin e luftës kundër racizmit. “Jam në Tiranë për të prezantuar librin tim, i cili është pëkthyer në shqip, dhe shpresoj se do të ndryshojë mendësinë e njerëzve. Ndonjëherë njerëzit kanë paragjykime dhe nuk e kuptojnë se nga vijnë. Por, unë besoj se është gjithmonë e nevojshme ta njohim historinë, në mënyrë që të ecim përpara. Është një kënaqësi t’ju takoja, jeni një kryebashkiak i jashtëzakonshëm, shumë i aftë, dhe personi që e ka thënë këtë nuk është shqiptar. Pra, e thotë dikush që ka këndvështrimin e tij nga jashtë”, tha Lilian Thuram.
“Është një kënaqësi e jashtëzakonshme të kemi në Tiranë një kampion, një legjendë të vërtetë, si Lilian Thuram. Libri i tij, “Mendimi i bardhë”, është vërtet një nga dhuratat më të bukura që na vjen, në kontribut me Ambasadën Franceze. Shpresoj shumë që takimet që ai do të bëjë me grupet e të rinjve do të frymëzojë shumë të rinj, jo vetëm se Tirana është Qyteti Europian i Sportit, por edhe për të mbjellë idenë e bashkimit dhe të sportit, si një kontribues në bashkimin, në lidhjen mes racave dhe kombeve. Jam vërtet shumë krenar për punën tënde, të falenderoj me gjithë zemër që ke vënë në dispozicion një javë të tërë në Tiranë”, tha Veliaj.
Kreu i Bashkisë vlerësoi nismat e kampionit të botës kundër racizmit, veçanërisht në një moment kur në Europë po diskutohet gjithnjë e më shumë për rritjen e frymës së ksenofobisë. “Mezi pres që të inkurajosh djemtë dhe vajzat tona, për të kuptuar që sporti është patjetër i dobishëm për një shëndet dhe për një fizik të shëndoshë, po është mbi të gjitha për mentalitetin fitues dhe për një lojë në skuadër, për të cilën kemi shumë nevojë sot. Të falenderoj shumë, sidomos në kontekstin ku në Europë po diskutohet shumë dhe ka një frymë të ksenofobisë dhe të racizmit. Madje, edhe në Shqipëri ka pasur një debat për pritjen e emigrantëve, kur ne vetë kemi qenë një komb emigrant. Nuk mund të kishte një moment më të mirë për këto mesazhe fantastike”, theksoi Veliaj.
Lilian Thuram është një legjendë e futbollit me karrierë të pasur dhe me ndikim edhe jashtë fushe. Ai ka fituar Kupën e Botës me kombëtaren franceze në vitin 1998 dhe ka luajtur një rol kyç në suksesin e tyre. Pas përfundimit të karrierës së tij futbollistike, Thuram është angazhuar në aktivitete bamirësie dhe ka ngritur zërin e tij për drejtësi dhe barazi shoqërore.
4 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Po celesin ja dhe ,apo te jane mabruar? Shqiptaret qe ikin nga syte kembet, duhet t'ja lene celesin lali Dhjerit qe ta jape tek ata qe vijne nga Uralet, Afrika e Azia.
Shqptaret zgjedhin te ikin nga syte kembet dhe nuk ngrihen te zhdukin keta politikane, po ju bejne duva. Shqiptaret preferojne me mire te ikin sesa te shporrin gjakpiresit, te merren vesh me njeri-tjetrin, te heqin dore nga mentaliteti i cubit dhe rryshfetçiut, e te bejne shtet.Prandaj me mire te ikin nga syte kembet atje ku e gjejne shtetin te gatshem, te integrohen andej e te asimilohen, dhe ky vend te popullohet me njerez te denje, pavaresisht nga ngjyra dhe origjina. Eshte me e drejte keshtu
Dhenia e celsit nga Kryebashkiaku eshte kryekomplet simbolike ...ajo i referohet ardhjes dhe mikpritjes kurdo qe te shkojne ne Shqiperi ...eshte nje nder me teper per ata qe e marin ....po ti je kaq idjot dhe injorant sa qe e cileson dhenien e celsit me dhenien e nje shume ose dhenien e celsit me pasuri te Bashkise dhe si rjedhoje te shqiptereve kjo eshte llogjika e nje brashnjari, qe cdo gjeveprim mikprites ose humane e krahason me sshkembim ne para ....nuk kane nevoj ata per pasurine e shqiptereve ...kane me bollek ..... Celsin e nderit e komentoni , dhenien e shtetesive Shqiptere nga plera Meta kur qe ne presidence dhe ne kembim me shuma kolosale nuk e tha njeri dhe nuk ju ben pershtypje .......pyesni se sa u shperblye nga Qeveria Helene per dhenien e shtetesise Janullatosit pastaj beni diferencen ....hapni syte dhe behuni zemergjer , jo me nofka dhe iniciale por me vepra ......
Huriaipi qe betonizoje Tiranen