Kush është gruaja më e urryer në Tunizi?

“Bild”

Asnjë grua në Tunizi nuk është më e urryer se ajo.

Ajo është Leila Ben Ali (53 vjeç) gruaja e presidentit të rrëzuar Zine El Abidine. Veçoritë e saj: babëzia, korrupsioni e gjakftohtësia.

Përpara arratisjes së çiftit presidencial në Arabinë Saudite, ajo ka marrë 1.5 ton ar me një vlerë 45 milionë euro nga Banka Qëndrore e Tunizisë, shkruan gazeta e njohur franceze “Le Monde”.

Ajo nuk e ka ndjekur burrin e saj direkt në Arabinë Saudite, por ka bërë një ndalesë në Dubai- për të bërë pazar!

Mësohet se të dy tani janë në pallatin e një princi, në qytetin port të Çidas. Aty pritet që të qëndrojnë disa javë. Më pas ata pritet që të udhëtojnë drejt Kanadasë, ku jeton vajza e tyre më e madhe. Së shpejti ajo pret që të bëhet me fëmijë.

Tani kanë nisur që të bëhen publike disa detaje të arratisë së tyre.

Një shërbëtor i familjes ka deklaruar se nuk janë njoftuar për largimin e tyre. Leila ka porositur madje edhe drekën, por më pas ia kanë mbathur. Ata janë larguar përmes një tuneli sekret deri në një vend ku i priste një helikopter.

Po kush është gruaja që ka tërbuar tunizianët?

Dikur ka qenë parukiere, më pas u bë gruaja më e fuqishme në vend: në vitin 1992 ajo u martua me presidentin në detyrë Zine Al Abidine Ben Ali.

Vajza, që u rrit në një familje të thjeshtë me 10 vëllezër, u bë brenda natës një princeshë. Një princeshë e pangopur.

Ajo u bë një këshilltare e rëndësishme e burrit të saj, vepronte si një presidente e re.

Megjithatë ajo interesohej pak për politikën, por më shumë për makinat e shtrenjta e vilat luksoze.

Familja e saj u përzie në punët e qeverisë, aq sa në Tunizi njihet edhe si “mafia”.

Tani turmat po shkatërrojnë vilat e saj në periferitë e Tunizit. Imed Trabelsi, biznesmeni që njihej si simbol i korrupsionit u qëllua me thika nga disa të panjohur. Ai ishte nipi i “Lejlës së pangopur”.

Dy vajzat e presidentit jetonin gjithashtu në luks. Atyre nuk u mungonte asgjë. Nesrina 24 vjeç dhe Halima 18 vjeç, kanë pasur vila luksoze, poste të larta e pushime përrallore. Mbi të gjitha Nasrina e burri i saj playboy, Sakhr, kanë pasur gjithçka: avion privat, shtëpi në plazh e madje një tigër si kafshë shtëpiake.

Tani bëhet fjalë vetëm për lekët. Zvicra ka deklaruar se do të bllokojë e do të kontrollojë për llogaritë bankare të elitës tuniziane. Ndërkohë Tunizia vazhdon të jetë në tension. Mbi të gjitha protestat në këtë vend u bënë kundër korrupsionit e papunësisë.

*Marrë me shkurtime

Komisioni Europian: Hetojeni vetë videon

19:49 Politika

Skandal në spital, ambulanca kthehet nga rruga me pacienten në gjendje të rëndë

17:31 Politika

Degjeneron seanca e parë e Kuvendit, Berisha fyerje e akuza ndaj opozitës

17:03 Politika

Rama fton qytetarët në demostratë, Berisha e Meta kërkojnë ndëshkim

15:18 Politika

Die Presse: Heqja e vizave nuk u hyn në punë shqiptarëve, nuk kanë lekë për të udhëtuar

15:14 Politika

Shtyhet sërish gjyqi i Gërdecit, Spahiu i KLD: Drejtësia e vonuar është drejtësi e mohuar

12:31 Politika

Meta në shtator të vitit 2010: Priftit i ofrova rrokadë, të shkonte Ministër i Jashtëm

12:11 Politika

Konventa e Bazelit, mbeturinat radioaktive dhe Shqipëria

11:59 Politika

Errësira në kufijtë e Universit

11:56 Politika

WikiLeaks do publikojë llogaritë bankare të politikanëve në Zvicër

11:49 Politika