PS: Berisha po tenton të blejë me para të pista News 24

Nga Saimir Tahiri, deputet i PS

Sikur të mos mjaftonte kontrabanda e armëve dhe korrupsioni që vrau 26 shqiptarë të pafajshëm në Gërdec;

Sikur të mos mjaftonte kontrabanda e armëve në vende si Jemeni, Sudani apo Chadi, të cilat Ministri jonë i Mbrojtjes, ish gjeneral i armatosur për të asgjësuar Saliun në 97-ën, sot shërbëtor i vetë Saliut dhe mik i radhës i sekserit Damir Fazlliçit, i quan vende demokratike;

Shkrimet e botuara në mediat më prestigjioze të botës, tregojnë se trafiku i armëve jo vetëm që nuk ka mbaruar, por vazhdon e madje po intensifikohet duke u kthyer në një shqetësim serioz edhe për vetë NATO-n. Ja pse është faji i Saliut që Shqipëria sot vazhdon të jetë në listën e furnitorëve me armë të regjimeve vrastare që nga Jemeni e deri në Sudan.

Historia e trafikimit dhe kontrabandës qeveritare të armëve nën drejtimin e Saliut, Lulit të Saliut dhe miqve të tyre serbë ka shënuar këto ditë një tjetër kapitull të turpshëm.

Ngarkesa armësh shqiptare vazhdojnë të dërgohen ende sot që flasim në Libinë e Gadafit për t’u përdorur prej këtij të fundit kundër demonstruesve dhe popullit që kërkon demokraci.

Janë fishekë dhe armë shqiptare, vend anëtar i NATO-s që i dërgohen një diktatori, sot në luftë me NATO dhe botën demokratike.

Saliu që vret me armë popullin e tij siç bëri në 21 Janar, nuk e ka vështirë të furnizojë me armë e fishekë diktatorët e botës që vrasin njëlloj si ai, popuj që duan demokraci, por është kjo arsyeja pse është faji i Saliut për këtë turp që u bëhet sot shqiptarëve të zakonshëm.

Dhe duket se regjimi i Sali Berishës ka filluar të përdorë fitimet nga korrupsioni dhe kontrabanda e armëve me Gadafin e tufën e diktatorëve të tjerë anembanë botës, për të kërcënuar e nënshtruar median shqiptare me qëllimin e vetëm për t’i bërë makijazhin mediatik për fushatën e Tiranës kandidatit më komik të mundshëm.

Makineria e parave të pista të korrupsionit e kontrabandës së Saliut dhe Lulit, është ndezur si kurrë më parë për të vënë diktatin duke i blerë me para të pista ato media që po rezistojnë të lira, e për të nënshtruar duke shkatërruar e asgjësuar nga godinat e deri në themel, ato media që me para nuk i blen dot kurrë.

Të gjitha këto vetëm për t’i bërë makijazhin elektoral, vetes dhe kandidatit të radhës për bashkinë e Tiranës, duke shndërruar njëkohësisht Shqipërinë në një republikë mafioze ku pushteti përdor paratë e pista të kontrabandës për të prishur zgjedhjet.

Rasti më i fundit për të cilin jemi vënë në dijeni, dhe njëkohësisht rasti më flagrant, është rasti i televizionit News24. Prej disa kohësh njerëz të lidhur drejtpërdrejtë me pushtetin po përpiqen të blejnë këtë televizion me çdo çmim, duke përdorur paratë e pista të korrupsionit për të cilin Saliu vrau qytetarë të pafajshëm në bulevard, si dhe paratë e pista të kontrabandës së armëve me të cilat diktatorë anembanë botës vrasin qytetarë që protestojnë për liri e demokraci.

Saliu dhe Luli, edhe kësaj radhe, e kanë të kotë. Në 8 maj shqiptarët do t’u japin me votë një mesazh të qartë mu në lule: kurrë më me Saliun dhe me regjimin e tij që vjedh e vret për të vazhduar të vjedhë.

Slogani i PD-së për fushatën, “Ju jeni të parët”

11:33 Politika

FINANCIAL TIMES: Zgjedhjet në Shqipëri nuk ndihmojnë shpresat evropiane (I PLOTE)

11:20 Politika

PS: Të hetohet financimi i spoteve të lëvizjes “Zgjohu” kundër opozitës

10:51 Politika

VIDEO E RE- Forca e frikshme e tsunamit

10:42 Politika

Zgjedhjet, ambasadori i BE-së takon Ramën

10:20 Politika

Aldo Bare dënohet me burgim të përjetshëm

08:56 Politika

PD zbardh kandidatët për 8 majin

15:50 Politika

NATO kontrollon ujërat detare të Shqipërisë

14:22 Politika

Berisha: Goli i Kombëtares fiku dritat e sloganit “Fajin e ka Saliu"

13:18 Politika

Topalli, një spiune ruse?

08:26 Politika