“Parajsa SALI”: 65% e shqiptarëve sigurojnë vetëm 40% të ushqimit ditor

Nga Kledian Lula

[email protected]

Nuk ndodh në asnjë vend të botës, madje as në vendet me popuj të tejshtypur me diktatura, që kryeministri me qeverisjen e vet, pasi e ka çuar popullin në rekord varfërie, të dalë e të deklarojë se ka “jetë me mirëqenie të lartë”. Edhe Mubarak, Ben Ali e Gedaf, pranuan që “popujt e tyre po vuajnë ekonomikisht”. Ndërsa “Gedafi” ynë SALI, edhe pse populli po vdes urie, ka 6 vjet që del e bën deklarime sa qesharake, aq edhe psiko-delirante, duke thënë se “shqiptarët jetojnë më mirë në të gjithë botën”! Që shqiptarët janë rekord në botë kjo dihet, veçse jo në drejtim të mirëqenies e zhvillimit ekonomik. Shqiptarët janë rekord, që po durojnë dhunën administrative, policore, ekonomike e shoqërore që po ushtron kjo qeveri hajdute. Që po zhvaten e denigrohen nga ky pushtet kriminal, nga kjo qeverisje-bandë vrasësish, nga ky kryeministër pirat e kryebandit. Kur u vranë 26 skllevërit e Gërdecit prej mafies së tij ekonomike familjare e qeveritare, SALI ZULLUMI doli dhe tha: “Shqiptarët janë populli i vetëm në Europë për sasinë dhe cilësinë e ushqimit”! Kur filluan të vetëvriteshin shqiptarët nga varfëria ekstreme për bukën e gojës, SALIU doli e tha: “Unë jam SALI BOLLËKU i viteve 1992-1997”, pra i mynxyrës kriminale, kur shqiptarëve u ofroi ekonominë dhe llogarinë familjare “ZERO”, me hajdutërinë e piramidave SALI-SUDE. Kur banda e tij qeverisëse vrau 4 demonstrues buke në bulevard, SALIU doli e tha: Vitet 2005-2011 janë vitet e “SALI PARAJSËS”. Një demagogji e tillë, tipike komuniste ka zënë vend në trurin deformuar të SALIUT, jo se ai beson mashtrimet që thotë, por sepse nëpërmjet tyre kërkon të sundoj në pushtet edhe pse e ka çuar vendin e popullin në humnerë social-ekonomike.

65% e shqiptarëve, sigurojnë vetëm 40% të ushqimit jetik ditor

Të gjithë vendimet dhe ligjet e pushtetit “SALI” për (gjoja) “mirëqenien e popullit”, janë dëshmia më e plotë e mashtrimeve dhe demagogjisë së kryeministrit SALI, për “rekordin e rritjes ekonomike” dhe për “jetë luksi të popullit”. Në 6 vitet e pushtetit, pra deri sot që SALIU ka marrë rrugët e malet e Shqipërisë dhe po “bilbilos” duke mashtruar shqiptarët për “parajsë social-ekonomike”, janë miratuar 137 vendime, ligje e amendime që kanë lidhje direkte e indirekte, me ndërhyrjet në problemet sociale të popullatës. Po të ballafaqosh këto vendime e ligje me ndikimin real në jetën e shqiptarëve, për më tepër me demagogjinë e “gramafon” kryeministrit SALI, konstaton se politikat sociale të pushtet-kusarëve “SALI”, janë një “ferexhe” demagogjike e qeverisë, për të mbuluar varfërinë ekstreme ku ky pushtet ka zhytur shqiptarët. Ndërhyrjet ligjore e vendim-marrëse sociale-ekonomike të pushtetit “SALI”, janë “mbështetje dhe rritje financiare “thërrime”. Jetesa e shqiptarëve është në pikën fundore të mbijetesës. Për të parë “luksin ekonomik” në të cilin jetojnë shqiptarët sot në maj 2011, kur kryeministri SALI kapardiset, çirret e ngjiret me fjalime, duke thënë se “Shqipëria është rekord i mirëqenies popullore në botë”, po përmendim 5 tregues nga kjo jetë:

1. Afro 65% e shqiptarëve sigurojnë vetëm 40% të ushqimit të domosdoshëm jetik ditor.

2. Afro 20% e shqiptarëve sigurojnë vetëm 35% të ushqimit të domosdoshëm minimal ditor.

3. Afro 15% e shqiptarëve jetojnë me lypje dhe sigurojnë vetëm 30% të ushqimin të domosdoshëm ditor.

4. Afro 10% e familjeve shqiptare sigurojnë 70% të ushqimit minimal jetik ditor, duke përdorur fëmijët 1-13 vjeç për lypje e punë rruge.

5. Afro 75% e shqiptarëve sigurojnë vetëm 25% të kalorive të nevojshme ushqimore ditore.

Sipas kësaj tabele varfërie në lidhje me sasinë dhe cilësinë e ushqimit, Organizata Botërore e Ushqimit ka përcaktuar se shqiptarët janë populli që ushqehet nën nivelin e standardit të lejueshëm botëror. Sipas tabelës klasifikuese, në Somali afro 80% e popullatës arrin të sigurojë 75% të ushqimit të domosdoshëm jetik ditor. Në Ugandë, 73% e popullsisë arrin të sigurojnë 78% të ushqimit jetik ditor. Ndërsa në mes të Europës, në një vend anëtar të NATO, në Shqipërinë e komanduar nga “SALI PARAJSA”, rezulton ky mjerim: 65% e shqiptarëve sigurojnë vetëm 40% të ushqimit jetik ditor me 25% të kalorive të domosdoshme. Pra, ushqehen vetëm 1.3 herë në ditë.

Pushteti “SALI”, inkuizicion social me pensione lëmoshë

Edhe pse kryeministri SALI PARAJSA deklaroi në vitin 2005 e në vitin 2009 se do të 2-3 fishonte pagat e pensionet, jo vetëm që nuk i rriti ato, por i tjetërsoi në “letra pa vlerë”, pa fuqi blerëse për të përballuar as jetesën minimale. Sipas shifrave “SALI” pensionet janë rritur 2 herë. Po sa janë rritur realisht? Masa e plotë e rritjes së tyre fizike është vetëm 22% për pensionet mesatare dhe 45% për pensionet minimale, duke bërë vetëm fiksimin e pensionit minimal në masën 10 mijë lekë. Në Shqipëri nuk ka as dyfishim dhe as trefishim pensionesh. Se çfarë jetë luksi mund të bëjë një i moshuar me 10 mijë lekë pension, ose qoftë edhe më 15 mijë e 20 mijë lekë pension, këtë e dinë vetëm fjalimet dhe shifrat e kryeministrit SALI. Janë 580 mijë pensionistë pleqërie, të cilët po përballen me inkuizicionin më të ashpër social ekonomik prej pushtetit “SALI” nëpërmjet pensioneve lëmoshë. Të gjithë kategoritë e pensionistëve, gjenden në vështirësi për të përballuar mbijetesën e tyre. Pensionet nuk kanë fuqinë reale, për të mbuluar gjithë shpenzimet e nevojshme, madje as ato më minimale. E ndërsa pushteti “SALI”, deklaron me bujë se “po rrit pensionet”, nga ana tjetër lejon monopolet e pushtet-familjes së tij, që të rritin çmimet me 5-10 herë më tepër se rritja e pensioneve. Dy herë që pensionet janë rritur me nga 10-15%, shërbimet publike dhe treg-monopolet e pushtetit “SALI” kanë rritur 40% energjinë elektrike, 100% karburantet, 30% shërbimet telefonike, 25% shërbimet postare, 100% produktet ushqimore, ilaçet, librat shkollor, taksat e makinave, tarifat e udhëtimit e deri tek çmimi i bukës thatë. Tabela përballuese e konsumit të një pensioni dihet se cila është, por ne po ia kujtojmë edhe njëherë kryeministrit “SALI”: Me pensionin mujor që jep qeveria, një pensionist mund të përballoj vetëm 8 ditë jetesë minimale. Sipas një testimi të bërë, rezulton se 35% të pensionit e “ha” farmacia, 27% e “ha” higjiena, ndërsa 38% mbetet për ushqim e shërbime konsumatore si energji, kafe, ujë, udhëtim, veshje, telefon, raste familjare etj.

Paga minimale, sa 70% e telefonit të ministrit

Sa herë që SALIU premton, dihet që mashtron. Sa herë që SALIU uluret për rritje pagash, dihet që gënjen. Edhe pse e di që shqiptarët nuk e besojnë më, SALIU vazhdon të bëj demagogji se “pagat janë rritur 2 herë”. Po sa janë pagat realisht? Po përmendim dy raste: Prej mëse 1 muaji, në Lezhë janë ngritur në protestë social-ekonomike afro 700 punëtorë të një fabrike konservash peshku, mbasi kanë paga tepër të ulëta. Dje në Krujë, iu vendos “dryni” një fabrike këpucësh, mbasi 500 punëtorë u ngritën në protestë për pagat tepër të ulëta që u jep punëdhënësi. Këto paga “HIÇ” që kanë ngritur punonjësit në protestë, janë në masën 15-17 mijë lekë, pra edhe 2400-4400 lekë më të ulëta se sa paga minimale lëmoshë e miratuar ligjërisht nga pushteti demagogjik “SALI”. Këta agallarë fabrikash e qendrash prodhimi jo vetëm në Lezhë e Krujë, por në të gjithë vendin, punësojnë punëtorët si të duan, i paguajnë sa të duan, si të duan dhe kur të duan. Përballë këtyre pagave e punësimeve e shfrytëzimi model “skllavërie”, qëndron si statujë pushteti “SALI”, i cili bëhet dhe është ortak në këto qëndrime me rezultat pagat lëmoshë. Ndërkohë, kryeministri SALI del e ligjëron broçkulla për paga të larta si në vendet e BE! Shembulli më tronditës i kësaj masakre punësimi, shfrytëzimi e pagesash barbare, u dha në fabrikën e mafies familjare-qeveritare në Gërdec, ku u vranë edhe gra e fëmijë për 12-15 mijë lekë pagë mujore. Ndërsa pushteti “SALI”, i komanduar nga kryeministri SALI, bëhet ortak me këta skllavopronarë shqiptarë e të huaj, të cilët shfrytëzojnë dhe denigrojnë ekonomikisht punonjësit shqiptarë. Por edhe vetë pushteti “SALI”, që thotë se “ka nivel jetese si në vendet e BE”, ka miratuar pagën minimale në masën 19 mijë e 400 lekë në muaj. Sipas mendjes së ndritur të pushtetit “SALI”, me kaq lekë në muaj, ose me 650 lekë në muaj (gjysëm aboneje autobuzi) duhet të jetoj një shqiptar, natyrisht nëse gjen një vend pune. Vetëm një krahasim: paga minimale që jep pushteti “SALI” është e barabartë me 70% të kuotës zyrtare financiare të celularit të ministrit, ose sa 2 ditë dietë e ministrit, kur udhëton jashtë Tirane. Kaq u jep pushteti “SA:I” këtyre që janë në punë dhe kuptohet se si e sa ditë mund të jetojnë ata me këtë pagë “europiane” të modelit “SALI”. Por ka edhe me keq. Për shkak të shkatërrimit të ekonomisë kombëtare me politikën “ZERO”, për shkak të bllokimit të investimeve kapitale dhe paralizës së 65 mijë bizneseve të vogla e të mesme, janë dhe 1 milion shqiptarë të papunë, të cilët nuk e kanë as këtë pagë minimale lëmoshë, mbasi nuk gjejnë dot një vend pune, sepse pushteti “SALI” nuk po hap, por po “prodhon” përditë mbyllje vendesh pune.

Për 3200 lekë ndihmë ekonomike duhet të paguash 3600 lekë vërtetime

Duke “bilbilosur” për varfërinë, kryeministri SALI, po deklaron: “Brenda vitit 2011 do të zhduk varfërinë”. Po i themi estradaxhiut SALI, se varfërinë që ka mbjell në vitin 1992, nuk e zhduk dot sikur të jetë edhe 3000 vjet në pushtet, mbasi e ka katandisur popullin deri në atë derexhe, sa po përgjërohet për bukën e gojës. Shqipëria është zhytur aq keq në mjerim, sa 25% e familjeve janë pa të ardhura, ndërkohë që pushteti “SALI” trajton vetëm 113 mijë familje me ndihmë ekonomike mujore lëmoshë. Por edhe kjo pagesë mujore që nis me 2200 lekë, kthehet në pagesë dokumentesh, kur qytetari aplikon për rinovim të ndihmës ekonomike. Sipas ligjit “SALI”, në çdo 3 muaj, një familje me 2 anëtarë, që të përfitoj vazhdimin e pagesës mujore prej 3200 lekësh ndihmë ekonomike, duhet të paguajë 3200 lekë vërtetime si më poshtë:

Çertifikatë personale        50 lekë

Çertifikatë familjare        50 lekë

Vërtetim si banor i lagjes   100 lekë

Vërtetim që je pa punë       200 lekë

Vërtetim shkolle fëmijët     200 lekë

Vërtetim prone hipoteke      200 lekë

Vërtetim pagese taksash      200 lekë

Vërtetim pagese energjie     200 lekë

Vërtetim pagese telefoni     200 lekë

Vërtetim që nuk ke prona     200 lekë

Vërtetim biznesi bashkie     200 lekë

Vërtetim tatimesh biznes     200 lekë

Vërtetim për makinë          200 lekë

Vërtetim pune b/shortja      200 lekë

Vërtetim pune fëmijët        200 lekë

Vërtetim shoq. bamirëse      200 lekë

Vërtetim pensionesh          200 lekë

Vërtetim qera shtëpie        200 lekë

Ashensori në pallatin ku banon Lul Basha dhe dëshira për të drejtuar bashkinë e Tiranës!!

19:24 Politika

Si e ndihmonte Berisha vëllain e kreut të ri të Al Kaedas

17:50 Politika

Bashkëshorti i Florës, një nga 300 themeluesit e PD më 1990-ën

17:06 Politika

From Iba With Love!

16:48 Politika

E vërteta e naftës së Berishës për Millosheviçin

15:34 Politika

Akti i fundit i trukimit të kampionatit shqiptar

13:28 Politika

Ambasadorja britanike: Mediat të raportojnë lirisht

12:44 Politika

Zgjedhjet, Arvizu takohet me Ramën

11:57 Politika

Prokuroria heton protestuesit e 21 janarit, “harron” ushtruesit e dhunës

11:21 Politika

FOTO LAJM: Obama duke parë live vrasjen e Bin Laden

10:59 Politika