Rama në Bruksel, Fyle: Vlerësojmë rolin e PS-së për dialogun e reformat

Kryetari i opozitës, Edi Rama, u prit të enjten nga Komisioneri për Zgjerimin në Komisionin Evropian, Stefan Fule, me të cilin folën për kursin e ri politik të Partisë Socialiste dhe dialogun që ka nisur në Kuvend për ligjet e rëndësishme dhe reformat e integrimit. Kreu i PS-së tha se i ka bërë të ditur Komisionerit skepticizmin e opozitës se mazhoranca mund të keqpërdorë këtë bashkëpunim për të vjedhur sërish zgjedhjet siç ka bërë në të shkuarën. Takimin mes tyre e bënë publike në njoftim të posaçëm për shtyp dhe faqja zyrtare e komisionerit Fyle, ku thuhet se komisioneri ka vlerësuar rolin e PS-së për reformat dhe ka inkurajuar që ky bashkëpunim të vazhdojë në të mirë të integrimit.  Takimi i Fyles vlerësohet si një takim në kuadër të kontakteve të vazhdueshme që ai mban me politikanët shqiptarë dhe kishte në qendër të bisedës marrëveshjet e fundit mes mazhorancës në pushtet dhe opozitës për reformën elektorale dhe reformën e rregullores së parlamentit e ligjeve që duan shumicë votash. “Për të avancuar procesin e integrimit është e rëndësishme që të gjitha forcat politike mazhoranca dhe opozita, dhe e gjithë shoqëria, të mbështesin axhendën evropiane dhe ta kthejnë atë në një axhendë kombëtare”, tha Komisioneri Fyle sipas njoftimit për shtyp të KE-së. Në këtë kontekst Komisioneri Fyle shprehu vlerësimin e tij për rolin që PS është gati të luajë në mbështetje të perspektivës evropiane të Shqipërisë. Më tej thuhet në njoftim, “Komisioneri tha se shpresonte që Ministria e Integrimit së bashku me Komisionin Parlamentar për Integrimin në BE mund të arrinin një marrëveshje për implementimin e 12 prioriteteve, që paraqesin bazat e lëvizjes përpara të Shqipërisë drejt BE-së. Komisioneri Fyle tha gjithashtu se marrëdhëniet mes forcave politike duhet të bazohen në respektimin e dialogut, duke siguruar një zhvillim konstruktiv të jetës politike në Shqipëri”.

Ndërkohë kryetari i PS-së Rama pas takimit foli për Top Channel duke bërë të ditur atë çfarë ai i kërkoi komisionerit evropian. “ ëmë një bilanc të kësaj periudhe që ka sjell moment të ri politik. Nënvizuam vullnetin tonë që të japim të gjithë kontributin që na takon në aspektet që përgjegjësia është e përbashkët dhe ku opozita ka një rol të patjetërsueshëm. Theksuam shqetësimet tona lidhur me të gjithë atë pjesë tjetër të konsiderueshme të prioriteteve që kanë të bëjnë drejtpërdrejtë  në mënyrë të drejtpërdrejtë me përgjegjësinë e qeverisë”, tha Rama. Më tej ai bën të ditur se nga ana e Brukselit është pritur mirë gatishmëria e PS-së për dialog në marrëveshjet e fundit politike në vend. “Nga ana tjetër morëm inkurajim dhe mbështetje për të vazhduar në këtë proces dhe për të dhënë gjithçka mundemi që procesi të jetë sa më përmbajtësor dhe që rezultat e tij të jenë të dukshme dhe të prekshme. Ne hyjmë tek skeptikët dhe nuk kemi asnjë arsye të besojmë që pala tjetër ka vullnet që këtë herë të mos ta kthej gjithë këtë proces në një kurth të ri që të përfundoj me një palë tjetër zgjedhjesh të vjedhura”, theksoi kryesocialisti. Por ai nuk la pa përmendur dhe shqetësimin që ai dhe dy kolegët që e shoqëronin nga PS-ja, deputeti Ditmir Bushati dhe anëtarja e Asamblesë Lindita Nikolla i shprehën komisionerit Fyle. “Na takon të bëjmë gjithçka mundemi me besimin që sensibilizimi shumë i lartë i komunitetit ndërkombëtar dhe përkatësisht i BE, lidhur me çka është e domosdoshme sot për tu kapërcyer, do të jetë një ndihmesë shumë e madhe që e shkuara të mos përsëritet. Nga ana tjetër të mos harrojmë që kemi një raport të ODIHR-it që ndryshe nga raporti i zgjedhjeve të vitit 2009, është i qartë, është i troçtë dhe nuk lë vend për ekuivokë. Kështu që jemi plotësisht të vetëdijshëm për domosdoshmërinë e kursit tonë të ri, por jemi dhe besim plotë që ky kurs i ri ka gjetur një teren të përshtatshëm në kushtet e reja politike që janë krijuar, për shkak se e vërteta ka dal plotësisht në shesh dhe se askush nuk mund ti fshihet më asaj”, përfundoi Rama duke bërë të ditur detajet e takimit me Fylen.

Berisha fut në sherr Nasip Naçon me Sokol Dervishin, përplasen me grushta

20:24 Politika

Praktiker mbyll hipermarketin në Tiranë, qendrat tregtare në grahmat e fundit nga kriza

20:04 Politika

Shteti në dispozicion të TEG: Autobusët e Juglindjes do të parkohen aty

19:39 Politika

Miku i ri më i mirë i Izraelit? Shqipëria

19:24 Politika

Shqipëria injoron këshillat e FMN-së për borxhin publik, merr 53 milion euro kredi

17:59 Politika

Serbët plagosin 21 ushtarë të KFOR-it, dy në gjëndje të rëndë

15:04 Politika

Rama promovon “Kurban-in” të shtunën në Prishtinë

14:59 Politika

Ky është simboli i krizës greke

12:57 Politika

Burrel: Ushtria e maxhorancës bojkoton ceremoninë e dekorimit të Presidentit

12:24 Politika

Obama, letër urimi presidentit Topi për Pavarësinë

12:20 Politika