REUTERS: Aleatët e presidentit shqiptar krijojnë parti të re

Formimi i partisë së re Fryma e Re Demokratike ka tërhequr edhe vëmendjen e agjencisë Reuters, që ka përgatitur raportin e mëposhtëm

Aleatët e presidentit shqiptar, Bamir Topi, shpallën krijimin e një partie të re të hënën, duke kërcënuar se do shkundin skenën e polarizuar politike në vendin ballkanik dhe se do sfidojnë kryeministrin Sali Berisha.

Mandati 5- vjeçar i Topit si president përfundon në korrik dhe ai pritet të marrë drejtimin e partisë së re të qendrës së djathtë, Fryma e Re Demokratike, kur anëtarët të zgjedhin drejtuesit në shtator.

Që prej rënies së komunizmit dy dekada më parë, politika në Shqipëri është dominuar nga Partia Demokratike e Berishës dhe Partia Socialiste, aktualisht në opozitë.

Topi, një demokrat përpara se të hiqte dorë nga lidhjet me partinë për të shërbyer si president, është përplasur me Berishën, duke e akuzuar qeverinë e tij se ka dështuar në luftën ndaj korrupsionit dhe forcimin e ligjit dhe rendit në Shqipëri.

Bashkimi Europian po mban pezull statusin e kandidatit për vendin me 2.8 milion banorë dhe një nga më të varfrit në Europë, për shkak të mungesës së progresit.

“Profili ideologjik i FRD do të jetë i qendrës së djathtë dhe ne do qëndrojmë për idealet liberale,” tha ish- zëvendëskryeministri Gazmend Oketa, një ligjvënës që është larguar nga Partia Demokratike në pushtet për të krijuar partinë e re.

“Ne do përfaqësojmë interesat e klasës së mesme. Kjo klasë është rritur me mundime të mëdha, por nuk është përfaqësuar me dinjitet nga ndonjë parti”.

Ai tha se partia e re do të punojë për të ndihmuar ish- të përndjekurit politikë dhe qytetarët, të cilëve iu është marrë prona nga komunistët, dy çështje për të cilat ka bërë avokati 55 vjeçari Topi.

Salla e konferencave ku u bë shpallja e partisë së re, përballë me godinën e parlamentit, ishte aq e mbushur, sa përkrahësit dolën në rrugë dhe dëgjuan me altoparlantë që ishin vendosur aty.

Një ish- aleat i Berishës, Topi u zgjodh president me votat e demokratëve dhe gjashtë deputetëve që kaluan krah për ta mbështetur atë.

Ai nuk e ka konfirmuar dhe as e ka mohuar që do marrë drejtimin e partisë së re, duke thënë vetëm se do kthehet në politikë pasi mandati i tij të përfundojë për të “kontribuar për standarde më të larta në demokracinë shqiptare”.

Fyle flet para vizitës në Tiranë: Presidenti duhet të jetë i gjithë shqiptarëve

20:02 Politika

Edi Rama viziton Malin e Zi, propozon ngritjen e një universiteti në gjuhën shqipe

19:31 Politika

Berisha: Të djeg zemra kur shqiptarët largohen nga vendi, por jo kur ikin në SHBA. Shqiptarët kanë shkuar në Hënë

18:36 Politika

Prokuroria dorëzon dosjet, Prendi e Llupo akuzohen për vrasje në rrethana të tjera cilësuese. Vazhdon hetimi për vrasjen e Aleks Nikës

17:04 Politika

Prençi pas përjashtimit: Vetëm 10 përqind e kromit që nxirret, deklarohet

16:09 Politika

Rama fton drejtuesit e partive parlamentare: Të ulemi për presidentin, na duhet një garant i Kushtetutës, jo një noter partiak

13:53 Politika

Berisha: Qëndrova me Klinton dyfishin e kohës së parashikuar. Më tha do vij, por varet nga axhenda

13:46 Politika

Prokuroria rrëzon padinë e Nexhmije Hoxhës për librin e Fevziut

12:43 Politika

Prezantohet FRD, Oketa: Do përfaqësojmë interesat e klasës së mesme dhe rinisë

12:29 Politika

Policë të qarkullimit rrugor? Jo, gjobëvënës

12:09 Politika