Te fundit
Në qoftë se PS-ja do të ishte në koalicion me LSI-në...
15 Maj 2012, 10:11Blog
TEMA
Nga Eduard Zaloshnja
Në biseda që kam patur me përkrahës të PS-së pas takimit Rama-Meta, kam konstatuar dy pikpamje të kundërta. E para, e ndërtuar në një rrafsh moral, nuk e pranon një afrim të PS-së me LSI-në, për shkak të “tradhëtisë” së Metës ndaj “popullit të majtë” pas zgjedhjeve të 2009-ës dhe aferave korruptive të tij gjatë qeverisjes me Berishën. Ndërsa e dyta, e ndërtuar në një rrafsh pragmatist, e pranon një afrim të PS-së me LSI-në, duke kujtuar ardhjen dhe ndëjtjen e Berishës në pushtet si rrjedhojë e ndarjes së të majtës. Në lidhje me pikpamjen e parë do të them dy fjalë në fund, ndërsa me të dytën do të merrem pak më gjatë, sepse kërkon një analizë matematikore, e cila është bërë e pjesëshme deri më sot në forume publike.
Se sa ka ndikuar në 2005-ën ndarja e LSI-së nga PS-ja në humbjen e mandateve parlamentare nga kjo e fundit, është analizuar publikisht deri më sot. (Aleksandër Meksi, Skënder Gjinushi, Arsen Zlaticanin, ndër të tjerë, kanë publikuar analiza të hollësishme për ato zgjedhje). Ndërsa efekti i ndarjes së LSI-së nga PS-ja në vitin 2009 është përmendur shpesh në media, por nuk është analizuar matematikisht deri më sot.
Në tabelën e bashkëngjitur janë paraqitur rezultatet e zgjedhjeve të 2009-ës dhe mandatet që do të merrnin koalicionet në çdo qark, në qoftë se PS-ja dhe LSI-ja do të garonin së bashku në një koalicion. Kjo tabelë është ndërtuar duke marrë si të mirëqena rezultatet zyrtare të KQZ-së (pra, po presupozojmë se kutitë që nuk pranoi të hapte Berisha nuk fshihnin ndonjë manipulim…) dhe duke presupozuar se qenia së bashku e partive të majta në një koalicion nuk do ta ndryshonte shpërndarjen e votave mes dy koalicioneve të mëdha nëpër qarqe.
Nga tabela shohim se, pavarsisht manipulimeve të mundshme të rezultatit nga KQZ-ja, koalicioni PS+LSI do të kishte një avantazh prej mbi 60 mijë votash në rang kombëtar dhe prej 4 mandatesh në Kuvend. Thënë ndryshe, ky koalicion do të kishte marrë 51% të votave dhe 51.4% të mandateve. Ndërsa koalicioni i PD-së do të kishte marrë 46.9% të votave dhe 48.6% të mandateve, ose 68 mandate gjithsej. Jashtë Kuvendit do të mbeteshin, siç mbetën, partitë e Polit të Lirisë (LZHK, PDK, etj) dhe partia e Ngjelës.
Po pse dy koalicionet e majta, së bashku, do të kishin marrë 72 mandate, nga 70 që morën duke garuar të ndara? Tabela e bashkëngjitur na tregon se, në qarqet Tiranë dhe Elbasan, koalicioni i PD-së do të kishte marrë nga një mandat më pak, në qoftë se dy koalicionet e majta do të garonin së bashku. Dhe të dyja këto mandate do të shkonin në fakt tek LSI-ja, e cila ishte shumë afër marrjes së mandatit në këto qarqe, edhe duke garuar veçazi.
Në ndarjen përfundimtare, sipas skenarit të mësipërm, mandatet e koalicionit fitues do të kishin këtë përbërje: PS 65, LSI 6, PBDNJ 1. Ndërsa koalicioni humbës do të kishte këtë shpërndarje: PD 67 dhe PDI 1.
Analiza e skenarit të mësipërm çon ujë të bollshëm në mullirin e pikëpamjes së atyre që e pranojnë një afrim të PS-së me LSI-në – ardhja dhe ndëjtja e Berishës në pushtet ka qenë vërtet rrjedhojë e ndarjes së të majtës. Por ata që e pranojnë një afrim të PS-së me LSI-në duhet të kujtojnë gjithashtu se në politikë, madje edhe në çdo fushë të aktivitetit njerzor, rezultatet e shkuara nuk përbëjnë garanci për përsëritjen e tyre në të ardhmen.
Kështu, sot në skenën politike, kanë dalë dy parti të reja (AK dhe FRD), të cilat po synojnë të marrin votat e elektoratit të pakënaqur me partitë aktuale politike. Dhe nuk i dihet se sa vota do të marrin ato dhe nga ç’krah do të marrin më shumë. Në këto kushte, mund të ndodhë që asnjëri prej koalicioneve të mëdha të mos e kapërcejë dot pragun e 70 mandateve. Pra, përcaktuese për krijimin e qeverisë mund të bëhet njëra nga këto parti të reja, ose të dyja së bashku.
Gjithashtu (dhe këtu po kthehemi tek pikpamja e atyre të majtëve që nuk e pranojnë një afrim të PS-së me LSI-në), mund të ndodhë që disa votues të PS-së të abstenojnë, në shenjë proteste ndaj një koalicioni pragmatist PS-LSI. Kuptohet që udhëheqësit e PS-së do të bëjnë të pamundurën që t’i bindin votues të tillë se “e keqja” Berishë është e keqja më e madhe, krahasuar me çdo “të keqe” tjetër, por, në qoftë se PS-ja futet në zgjedhjet e ardhshme në koalicion me LSI-në, njëfarë firoje nga elektorati i majtë edhe duhet pritur…
Tabelë: Rezultatet e Zgjedhjeve në 2009-ën, në qoftë se PS-ja do të ishte në koalicion me LSI-në
Votat e Koalicionit PD
Votat e Koalicionit PS+LSI
Mandatet e Koalicionit PD
Mandatet e Koalicionit PS+LSI
27,058
53,823
40,263
26,576
68,518
62,681
69,096
80,990
70,762
103,169
20,869
30,793
62,737
69,512
28,425
14,991
39,778
29,346
67,656
44,338
177,869
193,431
39,714
63,505
712,745
773,155
9 komente në “Në qoftë se PS-ja do të ishte në koalicion me LSI-në…”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Me shume frike kam Nanon se LSI e Metes!
Nano po i gatuan te gjitha keto!
http://imazheshqip.blogspot.com/2012/04/3-borats-made-in-albania.html
Bamka dhe FRD jane zgjatime te Berishes dhe do mbledhin votat e te pakenaqurve per tja çuar prape saliut …
Analiste leshi!
“E keqja me e madhe eshte Berisha”…
Si Analiza e LSI: Berisha e mban me shume fjalen se Rama!
Ketu eshte logjike thesi dhe organizimi mafioz te shtetit dhe partive.
Ju qe dilni ne miting do te votoni me detyrim PS-LSI qe te filloni pune se perndryshe edhe 4 vjet pushim!!! Kjo eshte logjika!
Nderkohe asnje nga keta analistet nuk flet per 50% te popullsise qe nuk voton. Arsyet na i thoni dot se besoj nuk do shume mend per te kuptuar se jane shumica. Apo “Vari hejbet”
Nuk na the qe o Zoti Zaloshnja , ti ne analizen tende je aq i paqarte saqe as vete nuk din te japesh shpjegim per ato qe shkruan . Una kam pasur shume respekt dhe besim per ato qe keni publikuar,por kohet e fundit eeeehhhhhh,sec te jane tollovitur gjerat. Kesaj i thone “as te hengsha e as ma hengsh” PS-ja do te fitoje ne zgjedhjet e ardhshme medoesmos ,doni apo s’doni ju…Cdo perllogaritje eshte thjesht per tu marre ju me keto gjera, e te mos mbeteni te papune.
Pa L.S.I te vin verdall dhe Ps dhe Pd pushteti u rri i ngushte kurse per fantazma te tjera qe dalin ne trege nuk kane asnje vlere
…o na rr….fsh mikun o lali!ti qënke i shkundur ose i punësuar nga LSI!e ke zanat këtë bythlëpirjen apo e ke filluar vonë!???sido që të vejë fillo e bëj në mënd për të lëpirë diçka tjetër!si dihet???kështu po thotë dhe matemetikani i politikës shqiptare ed zaloshnja!
ps:o trap mos shkruj me emrin tënd se si dihet,ndërron rrota e nga sipër përfundon poshtë!
Zoti Zaloshja, ju jeni nje statisticien shume i mire por ne kete rast dua tju pyes: kjo tabel besoj se eshte bashke me Koeficientin e Vjedhjes se Zgjedhjeve te Saliut ( KVZS ) ose Ristani shkurt???
Po keta dy lart ne foto, do dalin ne paraden e famshme L.G.T.B. qe do te mbahet ne bulevardin “Deshmoret e Kombit”? pasi ne kete foto duket nje pasion i zjarrte ne mes tyre!!.
Ah te mjeret deshmore te kombit, per cka u flijuan.
zaloshnja e ka shkrujt me siper e zeza mbi te bardhe:
“Kjo tabelë është ndërtuar duke marrë si të mirëqena rezultatet zyrtare të KQZ-së (pra, po presupozojmë se kutitë që nuk pranoi të hapte Berisha nuk fshihnin ndonjë manipulim…)”