PS: Ta thërrasim popullin të votojë për president të zgjedhur nga populli apo të emëruar nga partia

Deputetja e Partisë Socialiste, Vasilika Hysi, deklaroi sot se kryeministri Sali Berisha e lexon mbrapsht Kushtetutën kur thotë se mund të shkohet në referendum pa u kaluar më parë amendimet në Kuvend.

“Në kulmin e krizës ekonomike dhe të rritjes së kriminalitetit, kryeministri Berisha hedh në treg propozimin për referendum lidhur me kufizimin e imunitetit, sikur palët të mos kenë rënë dakord dhe për një çështje që Kushtetuta nuk ja mundëson, pa u shprehur Kuvendi me 2 të tretat e votave të gjithë anëtarëve të tij, pra pozitë dhe opozitë së bashku.

Berisha nuk e njeh dhe nuk e respekton Kushtetutën ndaj edhe e lexon së prapthi atë. Referendum për kufizimin e imunitetit, mund të bëhet kur palët kanë mendime të ndryshme për të. Por palët në fakt kanë qëndrime të njëjta për të.

Ndryshimi i Kushtetutës lidhur me imunitetit nuk mjafton për të luftuar korrupsionin. Ajo që ka rëndësi është reforma në drejtësi, procedura jopolitike në zgjedhjen e anëtarëve dhe Gjykatës së Lartë dhe Gjykatës Kushtetuese, një prokurori e pavarur dhe e pashantazhuar, barazi i gjithë zyrtarëve, deputetëve dhe ministrave me çdo qytetar në rastet e  gjykimit penal të tyre,” tha Hysi.

Deputetja e PS tha megjithatë se socialistët janë të gatshëm të shkojnë në referendum për çështjen e imunitetit, për paketën e reformës në drejtësi, që e propozon PS dhe për importin e plehrave. Ajo nuk përmendi marrëveshjen e detit për shkak se e ka kuptuar se nuk mund të ketë referendum për çështje të tilla.

“Nëse vazhdon të këmbëngulë se nuk ka nevoja për reforma në drejtësi dhe për pavarësi të sistemin gjyqësor, nëse nuk është gati të diskutojë dhe të votojë në parlament  amendamentet kushtetuese që kufizojnë imunitetit dhe forcojnë pavarësinë e sistemit gjyqësor, atëherë  lë të vendosim me votë në Kuvend për të shkuar në referendum popullor dhe për drejtësinë të vendosë vota popullore.

Duke qenë se Kushtetuta kërkon që kur ka më shumë se një referendum të votohet në një ditë, e ftojmë kryeministrin Berisha të shkojmë në referendum së bashku me atë kundër importimit të plehrave, kufizimin e imunitetit dhe ndryshimet kushtetuese për reformën në drejtësi,” tha Hysi.

“Na vjen mirë që të ketë referendum për të marrë miratimin e ndryshimit kushtetues që ne vete kemi propozuar për imunitetin.  Padyshim do ta mbështesim dhe do t’u bëjmë thirrje qytetarëve të votojnë pro.

Por ky do të jetë një rast i shkëlqyer për të debatuar në sy të qytetarëve edhe ndryshimet e tjera që Berisha nuk do që t’i debatojë.

Le ta thërrasim popullin te votojë për President të zgjedhur nga populli apo President të emëruar nga partia në pushtet; për Prokuror të Përgjithshëm të zgjedhur me shumicë të cilësuar 3/5 në parlament apo për prokuror të partisë në pushtet; për gjykatës të zgjedhur po ashtu me 3/5 nga parlamenti apo të imponuar nga partia ne pushtet.

Le ta pyesim popullin për drejtësinë që kërkon me plot të drejtë dhe le të shohim si do përgjigjet ai!” vijoi deputetja socialiste.

Basha e shkarkon Florenc Hoxhën si drejtor i Policisë Bashkiake, por i jep Inspektoratin Ndërtimor

18:06 Politika

Rama: Nishani dhe drejtori i ri i SHISH, dy shërbëtorë të Berishës

17:42 Politika

FRD: Berisha po shkon drejt modelit Lukashenko

17:16 Politika

AK: Perëndimi të izolojë Berishën pas kontrollit mbi SHISH

17:03 Politika

Reagon ambasada amerikane: Pikëpyetje për arsyet e shkarkimit dhe kohën

14:57 Politika

Drejtori i ri i SHISH, njeriu më i besuar i Gazidedes

14:42 Politika

Vazhdon 'pushtimi' i institucioneve. Nishani shkarkon kreun e SHISH, emëron propozimin e Berishës

13:58 Politika

ANSA: Sekuestrohen pronat e sponsorit të Milanit

13:47 Politika

Bodigardi i Topit: Si më shkarkoi Bujar Nishani

13:26 Politika

Gazeta Tema ridel në treg. Për Tiranën tre mijë kopje shtesë

13:18 Politika