INTERVISTA/ Fyle: Topi tani është jashtë mase në anën tuaj. Ish- të përndjekurit të trajtohen me respekt

Komisioneri për Zgjerimin në Komisionin Europian Stefan Fyle, në një intervistë për Top Channel, thekson përparimin e Shqipërisë në përmbushjen e reformave dhe klimën e re pozitive pas paktit politik. Zoti Fyle tha se katër prej prioriteteve janë përmbushur plotësisht, në dy ka mjaft progres dhe tani fokusi do të jetë përmbushja e kritereve të tjera.

Bisedoi: Ernest Bunguri, TCH

Për të ndihmuar Shqipërinë, Komisioni ndërmori një qasje të re në mars me fokus tek reformat politike dhe parlamentare, një listë kriteresh minimale për të rekomanduar statusin kandidat. Por ju bëtë një rekomandim të kushtëzuar pasi kushtet e kësaj liste nuk u plotësuan në kohë.

Fillimisht dua të bëj të qartë që të mos ketë përshtypje se ka dy procese paralele, pasi ne kemi vetëm një proces, i cili nisi dy vjet më parë, me Opinionin dhe rekomandimet tona për 12 prioritetet kyçe, të cilat qëndrojnë mes Shqipërisë dhe nisjes së negociatave për anëtarësim. Shqipëria ka dhënë rezultate të plota në katër prej tyre, mendoj se dhe në dy të tjera ka mjaft progres, e që me shpresë do të përmbushen së shpejti plotësisht. Pra fokusi tani do të jetë në ato prioritete që nuk janë plotësuar ende. Në të njëjtën kohë, ne u përpoqëm të ndihmojmë, jo vetëm autoritetet, por edhe opozitën, gjë që mendoj se solli një rezultat shumë të mirë, jo vetëm me marrëveshjen e nëntorit të kaluar që mundësoi një angazhim të ri për të punuar së bashku, pikë së pari për axhendën evropiane. Hartuam një lloj liste që kërkonte një masë kritike rezultatesh, e cila do ta vinte Komisionin në një pozicion të favorshëm për të paraqitur propozimin për dhënien e statusit kandidat. Dhe ju keni të drejtë që një pjesë e mirë e asaj liste mori masa nga lista 12 prioritetet, dhe kjo është arsyeja pse bëhet fjalë për një proces të vetëm dhe jo për dy procese paralele. Ndërkohë që Shqipëria ka përmbushur pjesën më të madhe të çështjeve të kësaj liste, ajo gjithsesi dështoi në tre prej tyre: ligjin për Shërbimin Civil, atë për Gjykatën e Lartë, dhe në miratimin e ndryshimeve të rregullores së Parlamentit. Pra për të qenë të besueshëm, ne nuk patëm zgjidhje tjetër përveçse t’i rekomandonim vendeve anëtare t’i japin Shqipërisë statusin e vendit kandidat, por me kushtin që Shqipëria të përmbushë edhe këto tre çështje. Dhe topi është tashmë jashtë mase në anën e Shqipërisë se sa shpejt do t’i plotësojë, ndërkohë që Komisioni është i gatshëm t’i informojë vendet anëtare që të nesërmen se detyrat e shtëpisë u kryen.

Progresi i dukshëm në raport-progres për reforma parlamentare dhe politike në Shqipëri, nuk ndihet nga populli, nuk preket në jetën e tij të përditshme, për shkak të mungesës së përgjithshme të zbatimit të ligjeve. Një shembull i kësaj është greva e urisë e ish-të burgosurve politikë nga regjimi komunist, ku një person i dytë tentoi vetëflijimin duke i vënë zjarrin vetes. A jeni në dijeni të kësaj, dhe a jeni të vetëdijshëm për moszbatimin e ligjeve në Shqipëri.

Jam në dijeni të kësaj dhe jam i shokuar dhe thellësisht i prekur nga ajo tragjedi. Është për të ardhur keq që njerëzit duhet të zgjedhin këtë formë proteste, për t’iu kërkuar autoriteteve të përmbushin diçka që vetë autoritetet jo vetëm e kanë premtuar, por aktualisht e kanë kthyer dhe në ligj. Zbatimi është problem dhe unë shpresoj që qeveria të vendosë rregull ‘në punët e shtëpisë’, në veçanti për këtë çështje. Kjo sepse unë vetë kam një respekt shumë të thellë për ata që janë persekutuar nga regjimet e mëparshme, nga regjimet totalitare. Unë mendoj se ata duhet të trajtohen me respekt. Dhe mendoj se elementi bazë i këtij respekti është që, nëse kompensimi është premtuar dhe është kthyer në ligj, ky ligj duhet të zbatohet. Në anën tjetër, mungesa e zbatimit së cilës iu referuat ju është në të vërtetë një çështje e përgjithshme edhe në fusha të tjera. Kjo shpjegon pse Komisioni përqafoi një qasje të re vitin e kaluar në lidhje me ato vende që arrijnë deri tek negociatat për anëtarësim, duke hapur që në fillim kapitujt 23 dhe 24 të negociatave, kapituj këto që merren me liritë themeltare, me gjyqësorin, drejtësinë, lirinë dhe sigurinë, e ashtuquajtura ‘fuqia e butë’ e legjislacionit evropian, e cila lidhet ngushtë me vlerat dhe parimet mbi të cilat është themeluar Bashkimi Evropian. Kjo do të thotë se ne nuk do të ndjekim vetëm plotësimin e kutive të detyrave, se u miratua ligji, faleminderit shumë, është perfekte. U ngritën institucionet, faleminderit shumë, gjithçka është perfekte. Jo.

Pas interesimit të Edi Ramës, dy ish- të përndjekurit e djegur mund të kurohen jashtë

19:48 Politika

Berisha: Himni të kthehet në formën e tij të plotë, të shtrohet strofa ku apelohet Zoti

19:33 Politika 1 koment

Tenton VETEFLIJIMIN një tjetër ish- i përndjekur. Gani Alia: Do vras veten gjithsesi

19:11 Politika

INTERVISTA/ Patton Boggs: S’do jetë problem pagesa për Albpetrol, por nuk e dimë nëse bëhet në cash apo me hua

18:49 Politika

Berisha, nesër në Deçan. 300 gardistë dhe policë nga Tirana spostojnë policinë e Kosovës

18:22 Politika 3 komente

Ambasadori Sekui tek Rama, vlerëson opozitën për statusin: Zgjedhjet- kusht i BE për statusin e plotë

17:30 Politika

Pack: Zgjedhjet janë kusht për nisjen e negociatave

17:18 Politika

Mur policësh te grevistët (VIDEO)

16:49 Politika

Lefterie Lleshi zgjidhet kryetare e KQZ. Berisha: Ristanin do e kem gjithmonë në krah në betejat kundër jush

13:45 Politika

Topi: Të gjendet urgjent një zgjidhje për grevistët

13:36 Politika