Një pastruese në Suedi vodhi një tren që ishte bosh në periferitë e Stokholmit dhe e përplasi atë me një shtëpi, duke plagosur rëndë veten.
Sipas BBC, treni doli nga shinat dhe u përplas me një godinë trekatëshe.
Policia e arrestoi gruan, e cila u dërgua në një spital me urgjencë.
Një zyrtar i hekurudhave tha se gruaja punonte si pastruese aty.
Ai tha se kishin dëgjuar gjëra të mira për të.
Tre familje ishin brenda ndërtesës ku u përplas treni, por askush nuk u plagos. Policia thotë se ky është një fat i madh për banorët.
Tani ka nisur një hetim se si gruaja e rrëmbeu trenin.