Lapidari nuk hiqet, legalizohet!

Përkundër presionit dhe ultimatumit të qeverisë së Serbisë për heqjen e lapidarit të dëshmorëve të UÇPMB-së, të mërkurën këshilltarët e Kuvendit Komunal të Preshevës kanë miratuar vendimin për legalizimin e përmendores së vënë para objektit të komunës.

Ish-drejtori politik i Ushtrisë Çlirimtare për Preshevë, Medvegjë dhe Bujanoc, aktualisht kryetari i Lëvizjes së Progresit Demokratik (LPD), Jonuz Musliu, ka deklaruar se lapidari nuk do të lëvizë nga vendi dhe se për këtë gjë, liderët e kësaj ane janë unikë.

“Pasi një gjë e tillë lejohet me ligjet në fuqi, pse të mos e bëjnë këtë Presheva dhe Bujanoci, pasi komuna ka të drejtë të nxjerrë akte ligjore në mënyrë të rregullt. Pikërisht për këtë u thirr edhe kuvendi që me procedurë të shpejtë të legalizohet pllaka përkujtimore e dëshmorëve të kombit”, ka thënë Musliu.

Ai ka përsëritur se qëndrimi shqiptarëve në Luginë është i njëjtë. “Qëndrimi i ynë mbetet i njëjtë, vullneti është i njëjtë, uniteti është ashtu siç ka qenë, nuk ka lëvizje të mendimeve këtu të politikës shqiptare dhe se kjo është me rëndësi”, ka thënë Musliu duke shtuar se ashtu siç i kishte bashkuar Millosheviçi shqiptarët e Kosovës, të njëjtën gjë po bën Daçiçi duke bashkuar shqiptarët e Luginës së Preshevës.

Nga ana tjetër kryeministri i Kosovës Hashim Thaçi, në mbledhjen e qeverisë, ka ripërsëritur qëndrimin e tij se problemet që ekzistojnë në Luginë duhet të zgjidhen me dialog ndërmjet përfaqësuesve të asaj ane dhe me ndërmjetësim të BE-së, gjithnjë duke u bazuar në respektimin e vullnetit të qytetarëve./ZERI

Pritet njohje e shpejtë nga Indonezia

11:49 Rajoni

Krasniqi kërcënon me largim nga PDK nëse Kongresi s’e pret Limajn

11:45 Rajoni

Studentët në Prishtinë marshojnë në mbështetje të Luginës së Preshevës dhe i bëjnë thirrje Tiranës të reagojë

19:15 Rajoni

Mediat serbe: Shqiptarët zhvendosin lapidarin në oborrin e xhamisë?

14:05 Rajoni

Kosova, sërish pjesërisht e lirë

11:52 Rajoni

Evropianëve nuk u pëlqen, por as nuk i pengon rezoluta serbe

11:48 Rajoni

Daçiç: Për karrigen në OKB Kosova duhet të japë diçka

19:48 Rajoni

"Wall Street Journal": NATO-ja, e ngujuar në Kosovë

11:28 Rajoni

Nazim Bllaca, i frikësuar për jetën e tij

11:22 Rajoni

Zyrtare: Google njeh Kosovën

20:38 Rajoni