Gjykata e Apelit shtyn për në 13 shkurt vendimin për Gërdecin

Gjykata e Apelit shtyn për më 13 shkurt vendimin për të akuzuarit për tragjedinë e 15 marsit 2008 në Gërdec, ku mbetën të vrarë 26 persona, ndërsa dhjetëra të tjerë u plagosën.

Shtyrja e vendimit nga Gjykata e Apelit është bërë me argumentimin se çështja është shumë voluminoze dhe duhet kohë për ta shqyrtuar, raporton Ora News.

Ndërkohë që dje, një ditë nga zhvillimi i seancës gjyqësore,  familjarët e viktimave të tragjedisë së Gërdecit nëpërmjet një letre të hapur i bënë apel trupit gjykues të respektojë ligjin dhe të jetë i drejtë me ta, viktimat e vërteta të kësaj tragjedie. Ata deklaruan se gjykata ka mundësi të riparojë traumën që shkaktoi vendimi i zhgënjyes i shkallës së parë i cili rrëzoi akuzën e vrasjes në rrethana të cilësuara.

“Kemi 5 vjet që gjendemi përpara faktit gati të kryer. Ndërkohë jetë të tjera kanë humbur për shkak të dhimbjes së krijuar. Ju kujtojmë tragjedinë e familjes Osmani, ku së fundmi vrau veten dhe Tushja e cila la pas një mbesë vetëm 5 vjeç. Aq sa vitet që ne presim për drejtësi. Ju kujtojmë se jo vetëm kronika e vdekjeve në Gërdec ka qenë e paralajmëruar, por dhe lehtësia e dënimeve të fajtorëve duket se është e paralajmëruar. Jetët tona ishin të pavlera nëse shihen kushtet e sigurimit të shëndetit e të jetës që nuk respektoheshin, por dhe drejtësia për humbjen e tyre nuk duket se ka pasur fat më të mirë”, thuhet në letrën e familjarëve të viktimave që humbën jetën në tragjedinë e Gërdecit.

Më 12 mars 2012 Gjykata e Shkallës së Parë dha vendimin për 29 të akuzuarit e çështjes së “Gërdecit”, duke dënuar me 18 vjet burg ish-kreun e kompanisë MEICO-s, Ylli Pinari dhe ish-drejtorin e Fabrikës, Dritan Minxolli dhe me 10 vjet burg ish- administratorin shqiptar të “Albademil” sh.p.k, Mihal Delijorgjin.

Dabulla: Mu duk e çuditshme që Rrudhon e kapën me drogë, nuk të jepte këtë përshtypje

11:06 Kronika

Ishte dënuar me 25 vite burg për ngjarjen e 9 janarit në Vlorë, arrestohet Zef Marku

18:07 Kronika

Fëmijët e Shaban Norjes largohen nga Shqipëria përgjithmonë

12:22 Kronika

Tjetër krim i tmerrshëm brenda familjes, babai ekzekuton djalin e nusen italiane në Elbasan

21:18 Kronika

Transportonin heroinë në Francë, arrestohet familja shqiptare

12:53 Kronika

"Patriotizmi" në Facebook, Berisha dhe Basha "blejnë" fansa nga Serbia

19:50 Kronika

Hajdutët vjedhin për skrap sistemin e ndriçimit në stadiumin e Elbasanit. Marrin madje edhe... shtyllat

11:19 Kronika

Policia e Flamurit mban sekret shifrat për vrasjet dhe grabitjet në kryeqytet

11:07 Kronika

Përdor gruan shtatzënë për të transportuar drogën

13:28 Kronika

Nëna e Bleona Matës: Do marr hak ndaj familjes Mata

11:44 Kronika