Te fundit
Gjermania nuk heq dorë nga kushtet për Serbinë
11 Shkurt 2013, 12:39Rajoni
TEMA
Vizita e shefit të diplomacisë gjermane të martën në Beograd mund të jetë me rëndësi vendimtare për rrugën e mëtejshme evropiane të Serbisë, por edhe për negociatat për statusin e veriut të Kosovës, vlerësohet në Beograd.
Mysafiri i lartë nga Berlini në takimet që do t’i ketë me dyer të mbyllura do të njoftojë se cilat janë gjasat që Serbia në qershor të marrë datën për t’iu bashkuar BE-së, por edhe çfarë pret vendi i tij , si shtyllë e “klubit të 27”, nga Beogradi.
Sipas burimeve të gazetës serbë “Vecernje Novosti” pritet që Westerwele të lavdërojë angazhimin e palës serbe që të normalizohen marrëdhëniet me Prishtinën, por me siguri nuk do ta lërë rastin pa përmendur “kushtin e të gjitha kushteve” – shuarjen e institucioneve paralele në veri të Kosovës, transmeton Qik.
Këtë e konfirmon edhe zëvendëskryeministrja serbe, Suzana Grubjesic. “As vizita e Westerweles në Beograd, as vizita jonë në Berlin nuk do të jetë vendimtare për të marrë datën nëse nuk realizojmë një përparim të dukshëm dhe të qëndrueshëm në dialogun me Prishtinën, gjë që është kusht kyç. Mendoj se kemi bërë shumë nga kjo dhe jemi të gatshëm për bisedime serioze me gjermanët”, tha Grubjesic.
Edhe analisti dhe ish-ambasadori serb në Berlin, Orgnjen Pribicevic pohon se data për BE-në dhe dialogu me Prishtinën do të jenë tema kryesore që do të shtrojë Westerwele.
Edhe ish-ambasadori serb në Paris, Predrag Simic konsideron se për Gjermaninë Kosova është çështja e të gjitha çështjeve kur bëhet fjalë për kandidaturën serbe. Madje Simic thekson se “është vështirë të thuhet nëse shuarja e institucioneve paralele do të jetë e mjaftueshme për të marrë datën”.
2 komente në “Gjermania nuk heq dorë nga kushtet për Serbinë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
gjermania mbetet konsekuente politikes se saje karshi serbise.mirepo ne vende qe vete qeveria e kosovese,te insistoje ne kete kushte vendimtare( heqjen e institucioneve ilegale serbe ne veri te kosoves) kete duhen tna bejne tjeret.eshte e kendshme kure te perkrahe shteti me fuqishem ne europ
politiKUAJT shqiptar nuk kan qene ndonjeher pro-shtetit tyre , atyre nuk ju intereson fare per popullin , mjafton qe ata edhe fisi i tyne ti ken xhepat plot po ne te tjeret , ne le te vdesim !